¹ Elo napilibukile no kwinwina amenso yandi nakambi nabwene ifikotekala fine fikoisa ukufuma pakati ka mpili shibili ; nakambi mpili ishi shibili shapangilwe no mukuba wa bronze. ² Icikotikala cakutampilapo cali nabakabalwe abaswetele, icikotikala cabubili cali nabakabalwe abafitile, ³ icikotikala cabutatu cali nabakabalwe ababutile, elo icikotikala cabune cali nabakabalwe ababalele, nokubutulukila. ⁴ Elo naasukile no kulabila kuli malaika uwalabile nandi , ''Findo mfi, mwe shikulu?'' ⁵ Malaika kaasuka no kulabila kuli ne, ''''Nje emyela ine iya mwiulu njo iyakufuma mu ncende umo shaimanine pantanshi ya mfumu ye sonde lyonse. ⁶ Ngo ukwete bakabalwe abafitile akoya ku calo ca ku kapinda kakukuso, bakabalwe abatubile bakoya ku calo caku mbonshi ;elo bakabalwe ababalele babutulukila bakoya kucalo caku kapinda kaku kulyo.'' ⁷ Mba bakabalwe abakosele baile kunse baile mukupimbana pe sonde ponse,elo malaika alabile ati,''kamuya nokupimbana pe sonde ponse!'' Nakambi kabaya pesonde ponse. ⁸ Elo abilikishe kuli ne nokusosa kuli ne nokulabila ati,'' bona kuli mbo abakoya kukapinda ka kukuso , bakufusha umupashi wandi pamulandu waba kucalo caba ku kapinda ka kukuso.'' ⁹ Eco ishiwi lyaku Yahweh kalisa kuli ne, likolabila ati, ¹⁰ ''Pinta icabupe ukufuma ku bankole- ukufuma kuli Heldai, Tobijah na Jedaiah- elo muye kenkanko kasuba uo ku citwala mu nanda yaku Yosiah mwana luma waku Zephaniah,uufumine ku Babyloni. ¹¹ Elo upinte silifale na golide,upange icisote cabufumu nokucitwika pamutwe wa ku Joshua mwana luma wakwa Yosadaki,shi mapepo mukulu. ¹² Soseni kulli ye no kulabila ati Yaweh wamilalo alabila mfi; Ngu muntu, ishina lyakwe ni nsampi! Akukulila uko ali nakambi elo nomba ukukula itempele lya ku Yahwe! ¹³ Niye ukula itempele lya ku Yahweh, nakambi akutwikwa no kala no kuteka pa cipuna ca bufumu. Akuba shimaepo pacipuna ca bufumu cakwe, akupinta bukasambisha bwa nitende pakayi bobilo. ¹⁴ Icisote cabufumu cakupelwa kuli Helidal Tobijah, Jedaiah na Hem mwanalumewaku Zephaniah nga icibukisho nuwitempele lya ku Yahweh. ¹⁵ Elo abo abali Yahweh, pakuti ukwebate Yahweh wamilalo alintuml ne kuli ye pantu mfi fyaku citika kati mwakutika muchisinka kwishiwl lya ku Yahweh lesa wenu.