¹ Nkampilibuka kanginuna namenso, elo na bwene, icitabo icipombelwe! ² Elo umungeli alabile ku line ati, ''mbafindo wabona?'' kangasuka ati. ''naboneko icitabo icipombelwe,mubutali amakubiti amakumi yabili (20) mubufumo namo amakubiti ikumi limo (10).'' ³ Elo alabile kuli ine ati, ''ndi etipu ilikoya pa mu mulu wa calo conse. No mug'o onse akuputulwako ukulingana nefyo cikolada ulubali lumbi, na onse uukolapa ubufi akaputulweko ukulingana nefyo calanda lubali lumbi. ⁴ ''Nakucituma ciyee-nku ekulabila ukwa pa bwelu ukwa ku Yawe umwine wafita- calikwingila munanda ya mug'o na mu nanda ya uulapa ubufi peshina lyandi,cakwikwikalila munanda mpaka cikalya imbao yaiko na mabwe yaiko.'' ⁵ Na malaika uwalikulabila nande kafuma kalabila kuli ine ati ,''inuna amenso obe nokubona mba cindo cikoisa!'' ⁶ Nande kandabila ati, ''mba cindo cii?'' Nkandabila nati, ''ngu emuseke umuli ububi ubukoisa .uku ekukantaikwa kwabo ukwa mu calo conse.'' ⁷ Necakwifunika kabafumyapo pa museke kamuli no mwanakashi alikelemo mu kati! ⁸ Umugeli kalalabila ati, ''ubu bubifi!''Kamubwele shamo mukati ka museke ,elo aposelepo ne ku kwifunikapo apa ceeneme. ⁹ Elo nainwine amenso andi nokubona abanakashi ba bili(2) bakoisa kuline, no mwela ewali mu mapindo abo - pantu bakwete amapindo ku bati kabaso.Kabemye no museke mulwelele pakati ka calo mu muluu. ¹⁰ Elo alabile ku mungile uwalikulanda nade ati, mba nipi bakotwala umuseke?'' ¹¹ Kalabila nakuli ne ati , ''ni mukukula inanda ya ku Lesa mu calo ca Shinar, pakuti inanda ya ku Lesa yakupwa, bakakuule napakuteka umuseke.