¹ '' Pali kalya kasuba akamfukwemfukwe kakwisuka pananda yaku Dabidi nabekashi bamu Yerusalemu pamasambi abo nokukana sangululwa. ² Pali nkalya kasuba - nku ekulabila kwakwa Yawee wamilalo ukwa pa bwelu- Nkaputula amashina yatulubi ukufuma kucalo nato tatwakebukishiwepo nakambi. Nkafunya bakasesema nomupashi uwakowela ukufuma mucalo. ³ Kati umuntu uli onse aatwalililo 'kusesema bawishi naba nyina mbo abamufyele ye bakumweba ti: We tawabepo nomweo pantu ukososa ubufi mwishina lyaku Yawee! Elo ba wishi naba nyina abamufyele bakumulasa umukondo ulo ye akasesema. ⁴ Pali nkalya kasuba cina kasesema akuba nensoni pacibonwa cakwe ulo ali mupepi nokusesema Mba bakasesema tabakatwalilile po ukufwala imingila ya masako ukuti bengalufya abantu. ⁵ pantu cila umo akulabila ti, Nshipo kasesema! Ndimulimi, pantu umushili ewaaluke milimo yanji ulu nali ncili umulumbwana. ⁶ Lelo umbi akulabila kuli ye ati,'' Ngefyo filonda pakati kamaboko yobe?'' Naye akwasuka ati, Nacenenwe nambo abali munanda yanji.'' ⁷ We lupaanga! ima nokwimina kacema, umuntu ngo wimanina mupepi kuli ne.- Nku ekulabila pabwelu kwakwa Yawee wamilalo. Pama kacema ne mpaanga shakupalangana ! Pantu naku pilibula ukuboko kwanji pali mbo aba panshi. ⁸ Elo cakwisa kuba ukweba tiicalo conse- Nku ekulabila kwa pabwelu kwa ku Yawee - citika akuputulwako! Mbo bantu bakonaulwa; cipifya kushala kulya. ⁹ Nakuleta cipifya ukupita mumulilo nokusungululwa kubati ninfilya basungulula silifere; nakubekashi ifyo besha golide. Bakwita pe shina lyanji, nakambi nakubasuka nokulabila ti '' Mba ebantu banji!! Nabo bakalabila ati,'' Yawee ni Lesa wesu.