¹ Nku ekulabila kwapabwelu ukweshiwi kwakwa Yawee pali Isulaeri - Ukulabila pabwelu kwaku Yawee, ngo uwayansa ulwelele nokupanga umufula we sonde, ngoupanga umuopashi wa muntu nse mukati kakwe '' ² Bona ndimupepi noku panga Yerusalemu mu nkomaki uklulenga bonse abantu abamushingulukile ukutalantanta. Vakuba fyenka mfyo napali Yuda panshita batebelela Yerusalemu. ³ Pali nkalya kasuba ndinokupanga Yerusalemu icilibwe icilemene pabantu bonse. uukesha ukupiinta ndi bwe akuicena saana. nenko shonse sha pe sonde shakulongana nokwimina umusumba. ⁴ Pali nkalya kasuba- Nku eku labila kwaku Yawee ukwa pa bwelu - Ne nka pama bonse bakabalwe necimfulunganya nabakensha ukupena. Panganda yaku Yuda ne nakwisula amenso yanji, nomba onse kabalwe uwa bantu nkalengo bupofu. ⁵ Elo intungulushi sha ku Yuda bakula labila mumitima yabo, '' Abekashi ba mu Yerusalemu ifiiso fyesu pamulandu waku Yawee wa milalo, Lesa wabo: ⁶ Pali nkalya kasuba nkacite shamfumu sha ba Yuda kubati nimpooto pacikunililo. nakambi kubati cisaniko icakayaka pakati ka ngano ishiminine, pantu bakapwisha abantu bonse abashinguluka kukulyo kwabo kukuso kwabo. Yerusalemu nakambi akwikala apaakwe. ⁷ Yawe akupususha ifikuutulo fya ba Yuda pakutatika, pakutila umucinshi wa nanda ya ku Dabidi no cindika mbo abekashi bamu Yerusalemu pakuti bebapo abakulu ukucila abena Yuda bambi. ⁸ Pali nkalya kasuba Yawee akuba kacingilila wa bekashi bamu Yerusalemu, napali kalya kasuba mbo abanakisha pakati kaabo bakuba kubati ni Dabidi, elo abananda yaku Dabidi bakuba kubati ni Lesa, kubati ni malaika waku Yawee pantanshi yabo. ⁹ Pali nkalya kasuba ne nkatampo konaula ifyalo fyonse ifyo ifya pilibukiile Yerusalemu. ¹⁰ Lelo nakupongolwela umupashi wankumbu noku paatila pananda yakwa Dabidi nnakubekashi bamu Yerusalemu, eco bakulolesha kuli ne, mbo abo balasawile iceela. Bakuloosha paline nga mfilya umo aloosha pamwna wakwe umwaume enka; bakulila ukwine kantu kubati nimbo abakoloosha imfwa ymwana mwaume ibeli. ¹¹ Pali nkalya kasuba imisowa mu Yerusalemu yakuba kubati misowa pali Hadadi Rimmoni muci senene ca Meggido. ¹² Icalo cakuloosha, cina mukowa ukapatuka ukufuma kumukowa wakwe. Umukowa wa nanda yakwa Dabidi ukapatuka nabekashi babo nabekashi babo bakapatuka ukufuma kubalalume . Umukowqa wa nanda yakwa Natani wakupatuka na bakashi babo bakapatulwa kubalalume. ¹³ Umukowa wa nanda yakwa Levi wakupatukana naba kashi babo bakapatukana ukufuma kubalalume.Umukowa waku bena Shimeites wakupatuka nabakashi babo bakupatukako kubalalume. ¹⁴ Umukowa onse uukashala pamikowa- cina mukowa bakapatukana nhaba kashi babo bakapatukana ukufuma kubalalume.