⁴ Eco ka ndabila kuli malaika ngo uwalikulabila na nde. Nalabile ati,'' Findo fikopilibula mfi fintu, we shikulu wanji?'' ⁵ Malaika ngo walikulabilan nande kaasuka nokulabila ku8li ne, '' Napo ulishibile ifyo mfi fintu fikopilibula?''' Kandabila, '' Awe shikulu wanji'' ⁶ Eco alabile kuli ne, '' Ndi, eshiwi lya ku Yawe kuli Zzerubbabel: Teku bulamba nangula kumaka, Lelo niku Mupashi wandi. Efyalabila Yawe wamilalo. ⁷ Findo uli, we lupili ulukulu? kucinso cakwa Zerubbabele, we wakuba icisenene, nakambi ukul;eta ibwe lya peulu uku punda kwa cikuuku! Icikuuku kuli co! ⁸ Ishiwi lya ku Yawe kalisa kuli ne, likolabila ati,'' ⁹ Iminwe yakwa Zerubbabele ili pangile umufula wa nji nanda nakambi iminwe yakwe yakuifisha kumpela. Elo mwakwishiba ukuti Yawe alintumine kuli mwe. ¹⁰ Nani asuula kano kasuba ka tuntu tunini? Mba bantu bakwanga nakambibakubone bwe lyakusonenako miminweyakwa Zerubbabele. Mfi fisaniko cine lubali e menso yakwa Yawe ngo uupimbana pe sonde lyonse.'' ¹¹ Elo nafumbile malaika nati,'' Nga nji miti ibili yamiolife nindo njo iminine kukuso nakukulyo kwafya kutekapo ifisaniko?'' ¹² Nakambi kamufumba, '' Nindo nshi nsampi shibili sha miolife kumbali yamilongoti ibili ya golide njo ikwete amafuta ya golide yakoituluka ukufuma muli fyo?'' ¹³ Elo alabile kuli ne, '' Napo tawishilepo mfi fintu? Kandabila, Awe, mweshikulu wanji'' ¹⁴ Eco kalabila ati,'' Mba baana balalume ba mafuta amiolife iyabwangu ayemininina pacinso caku Yawe.