¹ Tepo bonse muli mwebo aba nga'anda aba sambishi, mwebakwa besu, pakuti mulishi ati fweba sambisha tuka lubulula ukwa kucilapo. ² Pakuti tula litutula fwese mutubeya utwingi. Kani umuntu talu kututulapo ku mashiwi, uyo mushilile enga kwanisha ne kwalulula umubili wakwe onse. ³ Pano kani twabula utwela twakaka ku kanwa kaba kafwalo pakuti ba tumfwile, tungalulula ne mibili yabo yonse. ⁴ Bona ukweba ati ubwato, nangabati filaba ifikulu bu lapintwa kuli kabesha umukosele, filalululwa kuli nekaosa aka cepeshe nekuya uku alu kufwaya ukuya uulu kwensha. ⁵ Mukabeya kantu kamo ulumini cipeswa icini mu mubili, sombi lula lwumfwisha ifintu ifikulu. Bona kabili umulilo unini uloca impanga iikulu onse. ⁶ Ulumini nalo mulilo, icalo lya bumbifi ulubikilwe pakati kafilelwa fyesu. lula kankataika umubili ne kwambusha umulilo ne kubika mu mulilo inshila ya mweo. luli ulwine lwenka uku bika mu mulilo kumfwa. ⁷ Pakuti umusango onse uwa finama fyamu mpanga, icuni, ifilikula, nefya mu menda filatekwa babili filitekelwe be mushobo wa muntu. ⁸ Sombi takupo umuntu uungalula ulumini. Lwa kubifya ukwabula uku tusha, ulwi swilemo ubulembe bwa mfwa. ¹⁰ Kulilo tula lemyako ba Shikulu Bata, kabili kulilo tula shamikila abantu, aba mbilwe mu cipasho cakwe Lesa. ⁹ Mukanwa kantu kamo mulafuma ukushukisha neku shimika. Mweba kwasu, ifi fintu tafilingilepo ukucitika. ¹¹ Kani akanika ka kunka ukufuma kuntulo ne menda aamise neya lulile? ¹² Kani iciti ca mukuyu, mweba kwasu, cingekata imi olife? Neli imfaina, imikuyu? Neli menda ya mucele tamu ngafuma aamise. ¹³ Ninani uuli nekalango ne kumfwikisha pakati panu? Lekeni uyu muntu alangishe umweo wakwe bwino umulimo yakwe muku licefya kwa kalango. ¹⁴ Sombi kani mulibele ne bukwa ubu bipile nefya kupinga mu mitima yenu, mwi tangala neku bepa ukupikisha icine. ¹⁵ Ici tacilipo kalonga aka kufuma mwiulu. Mu cifulo cakweba ati, ca mu calo , tacili camupashi, cabu cibanda. ¹⁶ Pakuti uko ukuli ubukwa nekupinga, kuli ici fulunganya ne fyonse ifibipile. ¹⁷ Sombi akalango aka kufuma kwiulu ku kutanga ukusweta kabili umutnde uwa kutemwa, uku tekanya, bumano, icitacipatulula kabili icacine. ¹⁸ Ifisabo fya kulungama filibyelwe mu butende pakati kaba abp abacita ubutende.