¹ Mwebakwasu, mwisumina ku bucetekelo muli ba Shikulu Yesu Klistu, Bashikulu ba buleme, ne kusalulula pa kati ka bantu bambi. ² Mba kani ati umbi aingila umo umo mu bungene alifwtte ininda minwe iya ngolide ne fyakufwala ifiweme, kabili naumbi umuntu umupengele aingila mu fyakufwala ifyafiko. ³ Kani watontomekapoa muntu uufwite ifya kufwala kifiweme kabili eli walabila, ''Webo ikala apa apaweme,'' pano eli walabila kumuntu umupengele, ''Webo imakana apa,'' neli ''Ikala pamakasa andi,'' ⁴ kanshi webo taulepingulapo pakati kenu mwebene? Kanshi tamubele ba pingushi ne malangulushi akubifya? ⁵ Umfweni, mwebakwasu abantemenwe, kanshi ba Lesa tabasalile abapengele abamucalo uku aba ababile mubucetekelo nekuba nimpyuni yabufumu ukweba ati alilaile kuli babo abamutemenwe? ⁶ Sombi mwapufya abapengele! Kanshi tebabile abamupensheni? Kanshi tapo ebo abamutalaikeni kufilye? ⁷ Kanshi bo tabatukana ishina ili weme muli lilyo mwaitilwemo? ⁸ Kani, nacingaba ifyo, mulesushisha ifunde lya bufumu ukulingana nakumalembo, ''Mukatemwe umwina mupalamano wenu koti niwe mwebene,'' mulacita bwino. ⁹ Sombi kani mulacita bwino kubantu bambi mulapula ifunde, kabili mwashininwa ne funde koti niba mpula mafunde. ¹⁰ Pakuti umbi kani aumfwila ifunde lyonse, pano ali tutula muli limo, abowa mulandu uwakutoba amafunde onse. ¹¹ Pakuti uyo uwalabile, ''Tekucito bucende,'' kabili kalabila, ''Tekwipaya,'' kani taucito bucende, sombi kani ulepaya, waba wakupula ifunde. ¹² Pano kalabila nekucita koti nibabo abakapingulwa ukupitila mwifunde lya kukakulwa. ¹³ Pakuti ubupingushi bulesa ukwakubula inkumbu kuli babo abatabalangisha inkumbu. Inkumbu shilakomeka ukupingula. ¹⁴ Chisa ciweme, mwebakwasu, kani umbi alabila ati ali lucetekelo, sombi takwetepo imilimo? kamulo ulucetekelo lwakwe lunga mupulusha? ¹⁵ Mba nga cali ati umukwabesu neli nkashi yesu tafwitepo bwino kabili abulisha ifya kulya fyakasuba kamo. ¹⁶ Mba nga caba ati umo uwapali mwebo alabila kuli bo, '' Kabiyeni mumutende, kabili mwisushiwe.'' Kani tamubapele ifintu ifi lefwaikwa ifya ku mubili, cisa ciweme ico? ¹⁷ Munshila intu imo ulucetekelo palwaluko, kani talukwetepo imilimo, lufwile. ¹⁸ Na kabili umbi angalabila, ''Webo uli nelucetekelo, na nebo ndine milimo.'' Nangisha ulucetekelo ukwakubula imilimo, nanebo ukulangishe ulucetekelo ukupitila mu mulimo yandi. ¹⁹ Muli cetekele ati kuli ba Lesa bamo; mulacita bwino. Sombi nefibanda nafyo fila cetekelefyo, kabili filatutuma. ²⁰ Ulefwaya ukwishiba, we muntu umutumpile, ukweba ati ulucetekelo ukwakubula imilimo lwa lukoso. ²¹ Kanshi Abulamu wishifwe talungamikilwe ukupitila mu milimo ili apele Isake umwana wakwe pacintamaba? ²² Mwabona ati ulucetekelo lwalibombele ne milimo yakwe, nakabili ati ukupitila mu milimo ulucetekelo lwakwe lwali kulileko. ²³ Icilembelwe cali fikilishiwe icilabila, ''Abulamu kacetekela ba Lesa, kabili cali pendelwe kuli ye ukuba bulungami,'' kabili alitilwe cibusa caba Lesa. ²⁴ Mwabonefyo ati nimu milimo emo umuntu engalungamikilwa, temulucetekelo lwenka mwenka. ²⁵ Munshila intu imo kabili, kanshi Laabu uwali iuletelungamikilwe ku milimo, ili apokelele ba mashinge nekuba tuma ukuya ku nshila imbi? ²⁶ Koti fintu cili umubili ukupatuka ku mupashi ulaba ufwile, nafifyo ulucetekelo ukupatuka ukufuma ku milimo lulifwile.