¹ Paulo uwaitiwe na Klistu Yesu ukuba mutumicishi mukufwaya kwaba Lesa, na Sositeni umukwabesu, ² kwikelesha lyaba Lesa ilili ku kolinto, abo aba sweshiwile muli Klistu Yesu kabili abetilwe ukuba abntu abaswetele, pamo na babo bonse aba mufifulo monse abeta peshina lyaba Shikulu Yesu Klistu, uuli ni Shikulu wababo kabili uwesu nafwebo. ³ Inkumbu nemutende fibe kuli mwebo ukufuma kuli ba Lesa bawishifwe naba Shikulu Yesu Klistu. ⁴ Impindi shonse ndapela ukutota kuli ba Lesa wanji pakuti pankumbu shaba Lesa ukweba ati Klistu Yesu apele kuli mwebo. ⁵ Ali mulengesheni ukunonka munshi la shonse, mukulabila konse namukwishiba konse, ⁶ koti ni mulibukamboni ubwa pali Klistu bwa sumininwebwa cine pakuti pali mwebo. ⁷ Pano palifyefyo muli bulishe ukwakubula ukukwatapo ubupe bwa Mupashi koti fintu mufwaisha ukupembelela ukufisuluka kwaba Shikulu Yesu Klistu. ⁸ Kabili akamulengesheni ukucetekela nemakosa ukufika nakumpela, ukweba ati mwikaba nemilandu pakasuba kaba Shikulu Yesu Klistu. ⁹ Ba Lesa balucetekelo, abo abamwitileni mukwikana ne Mwana wakwe Yesu Klistu Shikulu wesu. ¹⁰ Ino mpindi namukoseleseni, mweba kwasu, ukupitila mwishi na lya ba Shikulu Yesu Klistu, ukweba ati mwense musumine, nekweba ati peba pali mwebo imimipaka. Na mukaseleshe ni ukweba ati mukumanka ne pamo nekalango kantu kam nekulanguluka kuntu kumo. ¹¹ Sombi bambula ifya pali mwebo mweba kwasu, ne bantu bakwa kiloe ukweba ati pali umupaka pakati palimwebo. ¹² Ifindukwalula nififi; umo umo uwa pali mwebo alelabila ati, ''Nebo ndi na Paulo,'' neli ati ''Nebo ndi na Apolosi,'' kabili ati ''Nebo ndi kefasi,'' kabili ati ''Nebo ndi na Klistu.'' ¹³ Kani Klistu alyabanikilwe? Paulo alitanikilwepo pali mwebo? Kani mwali batishiwilwepo mwishina lya kwa Paulo? ¹⁴ Nabatota ba Lesa pakuti nsha batishepo neli umo pali mwebo, sombi lukoso Klistu na Gayasi. ¹⁵ Ici cali fyo ukweba ati neli umo ekeba ati mwalibati shiwile mwishina lyanji. ¹⁶ (nanebo nali balishe aba ng'anda yakwa sitephanasi, ukucila pali uyu, Nshishibilepo kani ndibatishepo bambi.) ¹⁷ Pakuti Klistu tantuminepo ukubatisha sombi ukushimikila icebo iciweme-temu kucenjelesha kwa kulabila, mukweba ati umutaliko wakwa Klistu taushilile amakosa akuko. ¹⁸ Pakuti icebi pamulandu wamutaliko uli unangwa kuli babo aba lukuloba. Sombi pali babo abali nekupuluka, ali makosa aba Lesa. ¹⁹ Pakuti cililembelwe, ''Nkonala amano abamano. NKafulunganya ukumfwa kwaba cenjele.'' ²⁰ Ali kwisa umuntu uwamano? Alikwisa uusambilila? Alikwisa uupikisha uwamucalo ici? Kanshi ba Lsa tabalwile amano acalo mubunangwa? ²¹ Ukufuma icalo ili cali mumano tacaishibilepo ba Lesa, Balesa bali temenwe ukupulusha abo aba cetekela ukupitila mubunangwa bwaku shimikila. ²² Pakuti aba Yuda balepusha utulishibilo twafimpela mpela neba Ela balafwaya amano. ²³ Sombi tulashimikila Klistu uwatanikilwe, icakulitutulako kuba Yuda kabili ubunangwa ku bena fyalo. ²⁴ Sombi kuli babo aboba Lesa betile, bonse aba Yuda pamo ne ba Ela tulashimikila Klistu koti makosa ne kalango kaba Lesa. ²⁵ Pakuti ubunangwa bwaba Lesa mano aacilile abantu, nekunaka kwaba Lesa kwamakosa ukucila abantu. ²⁶ Lolesheni pa kwitwa kwenu, mweba kwasu, tamuli nimwebo mwens mwaline mano ukulingana nakumunefu. Temwebo mwense mwali nemakosa. Temwebo mwense abali nekufyalwa kwabuleme. ²⁷ Sombi ba Lesa balisa lile ifintu ifitumpile ifya mucalo ukubalenge nsoni aba mano. Balesa balisalile ifyo ifinakile mu calo ukubalenga nsoni abamakosa. ²⁸ Balesa bbalisalile ifipufiwe nefitumfwiwe mucalo. Kabili balisalile ifintu ifitafyelelwe koti fya lukoso, ukufilenga ifyalukoso iintu ifyo ifilifyelelwe. ²⁹ Balicitile ifi ukweba ati pekabo umunefu uukaba ne cebo icakuli tota kuntanshi yabo. ³⁰ Pakuti pafintu ifi ba citile, pano muli Klistu Yesu uwabele kuli fwebo mano aakufuma kuli ba Lesa. Alibele kulungama kwesu, aba swetele, kabili uwakutupulusha. ³¹ Pakuti pali fyo, koti fintu cilembelwe, ''Ngacibe kuli oyo uulitota, alitote muliba Shikulu.''