¹ Nomba kwalipone icpowe mu calo, icali icipowe cakutampilapo mu nshiku shakwa Abrahamu. Isaki alile kuli Abimeleki, Imfumu yaba Pelishiti ku Garari. ² Nomba Yawe alimonekele kuli ena no kusosa ai, ''Witentemukila ku Egypito; inkala mu calo inco nkakweba ukwikalamo. ³ Ikala muli njiine ncende nkalaba nobe elo nakukupala; pakuti muli webo nobufyashi bobe, nkakupela ifyalo fyonse imfi, elo nakufikilisha umulapo uo nalapile kuli wiso Abrahamu. ⁴ Nakufusho ubufyahi bobe kwati nintanda shamu mulu, nakambi nakupela ubufyashi bobe ifyalo imfi fyonse. Ukupitila mubufyashi bobe inko shnse isha pa calo shakupalilwamo. ⁵ Nakucita nci pakuti Abrahamu alyumfwile ishiwi lyandi nokusunga icebo candi, amafunde yandi, ifipope fyandi, elo namalango yandi.'' ⁶ Elo Isaki aile kwikala ku Garari. ⁷ Kabili abantu bampalya pa ncende balimwipwishe pa lwamukashi wakwe, alisosele, ''Ni nkashi yandi. Ena alikucitna ukusosa ai, '' mukashi wandi.'' pakuti abaume bapali inji incencde kuti banjipaila pali Rabeka, pakuti ali uwabune saana.'' ⁸ Panuma Isaki aikele inshita iitali nkulya, Abimeleki imfumun yaba Pelisti atampile ukulenga pansolokoto. alikumona, moneni, Isaki akoalawila Rabeka, umukashi wakwe. ⁹ Abimeleki Isaki asosele asosele nakuli ena ai, ''Mona, cine cine mukashi obe. Nindo wasosele ai, 'Ninkanshi yandi'?'' Isaki Alisosele kuli ena, Pakuti nalikutontonkanya ai kuti banjipaya pali ena.'' ¹⁰ Abimeleki alisosele ai, ''Nindo wacitila nci kuli fwebo? Pakuti umbi uwamuli fwebo nga alilele no mukashi obe, kabili ngawaleteleumulandu pali fwebo.'' ¹¹ Elo Abimeleki alyebele abantu bonse ai, ''Uwakukumya muli ngu muntu angufe mukashi wakwe cicne cine akufwa.'' ¹² Isaki alibyele ifilimwa muli ncilya calo namuli ngulya wine mwaka alisombwelemo ifisabo umwana umo, pantu Yawe alimupalile. ¹³ No ngo mwaume alinonkele, kabili alikuya fe akokuliko asukile asnguka umukulu sana. ¹⁴ Kabili alikwete impanga elo ne ng'ombe, elo nababomfi abengi. Abapelishiti basukile bamupata. ¹⁵ Nomba ififshima fyonsefe aba bomfi ba kwa wishi baimbile mu nshiku sha kwa Abrahamu, Wishi Abapelishiti baishile kushika fyonsefe. ¹⁶ Abimeleki sosele kuli Isaki ai, ''Fuma mpano tuli pakuti webo walikosa ukucila fwebo.'' ¹⁷ Awe Isaki alifumine mpalya, elo aile kucita inkambi mu mupoka poka wa Gerari, nokuya kwikala nkulya. ¹⁸ Nakambi Isaki aishile kubweshapo ukwimba ifishima fya menshi, mpfilya fine baimbileko mu nshiku shakwa Abrahamu wishi. Aba Pelishiti bashikile panuma yamfwa yakwa Abrahamu. Isaki ainikile ifishima amashina yamo yene fe wishi ainikileko. ¹⁹ Aba bomfi bakwa Isaki baimbile mu mupoka poka, baishile kusanga mucishima amenshi yakofukauka. ²⁰ Elo abacemi baku Geri balikulaka naba cemi bakwa Isaki no kusosa abti, '' Ngaa menshi yesu.'' Elo Isaki ainikile ishina lya nco cishima ai, ''Eseke.'' pakuti balilakile nao. ²¹ Nakambi baishile kwimba icishima nacimba, nakambi baliimishe ubukali pali ncocine, saana, nao ainikile ishina iyanco cishima ai, ''Sitnah.'' ²² Alifumine mpalya nokupasha elo aile kwimba icishima nacimbi, nomba mpalya pene tabalakilepo iyo. Elo aishile kucinika ai, Rehobote,elo asosele ai, '' Nomba Yawe alitulundulwileko umuputule wancende ukuleka tusandulukke muno calo.'' ²³ Kabili Isaki alimine ukufuma mpalya aile ku Beer-sheba. ²⁴ Yawe alimonekele kuli ena muli mbo bushiku no kusosa ai, ''Ninebo Lesa wakwa Abrahamu wiso. Witina pantu nebo ndi nobe kabili nakukupala nakufusha no bufyashi bobe, pamulandu wamubomfi wandi Abrahamu.'' ²⁵ Isaki alikulile ubulambo elo aishile kukuta nakwishina lya kwa Yawe. Mpalya pene atanikile ne hema, elo ababomfi bakwe nabo balimbile ne cishima. ²⁶ Nakambili Abimeleki aile kuli ena ukufuma ku Gareri, na Ahu sati, umwanakwe, na Fikole mushika wampuka yakwe. ²⁷ Isaki asosle kuli bena, ''Nindo mwaishile kuli neebo, pantu mwebo mwalimpaatile nokuntamfya mpo mwali?'' ²⁸ Nabo basosele ai, ''Nkumona tulimwene ai Yawe ali nobe. Kashi fwebo tulisalilepo ukuti napabe icipangano pakati kaifwe, iina, pakati kaifwe na webo kanshi natupange icipangano fwebo na webo, ²⁹ ai tawakacite icibi kuli fwebo, na fwe bo twakucitile icabune ceka nokukuleka uye umutende, kabiliwebo uli uwapalwa kuli Yawe.'' ³⁰ Awe Isaki alipangile umutebeto, elo balilile nokunwa. Kabili balicelele lucelo celo nokulapa boonse umo no munakwe. ³¹ Nakabili Isaki alibalekele baye, nabo balifumine pali ena mu mutende. ³² Mbulya bwine bushiku ababomfi bakwa Isaki balishile nokumweba palwqa cishima baimbile. Basosele ai, ''Tulisangile amenshi.'' ³³ Akutile icishima Shibah, kanshi ishina lya mu sumba ni Beersheba ukufka fe nakuli kano kasuba. ³⁴ Elo Esau ali nemyaka amakumi yane, alyupile umukashi, Judi, umwana mwanakashi wakwa Beerri umwina Hiti, elo na Basemati umwana mwanakashi wakwa Elone umwina Hiti. ³⁵ Baliletele amasakamiko kuli ISaki elo nakabili Rebekka.