¹ Pano ili Sanibalati, Tobiya, kabili na Geshemi umwina Alambi kabili nabonse abashaba abalwani besu baufwile ati twaiba kulula ikibumba kye linga kabili tapalipo apashele nangu pamo apa pumauka yobo, nangu kyali shingabikamo ifibi mu milyango, ² Sanibalati kabili na Geshemi balitumine kuli nemo ukulabila, "Isa, tukumanine fwense mwilungu lya ono."Lomba balimpingile unkunkita ikibi. ³ Nalitumine abatumwa kulibo, nalabila, "Kokita ikinto iikulu ukwakuti, kabili tetingisepo apo pashi yobo. Nganindo ikito yakwimakanina ili nakuyisha nekwisoko pashi kuli mwebo?" ⁴ Balintumine amashiwi angalukoso amo imiku ine, kabili nalibasukile lukoso kintu kimo ili batumina. ⁵ Sanibalati alitumine kalume wakwe kuli nemo mushila inga imo lukoso ulwa busanu, nenkalata ya kwisula mu kuboko kwakwe. ⁶ "Kyalabilwa mubantu, kabili na Geshemi akilabila, ati webo kabili nabena Yunda mukopinga ukusatuka, ekyalenga ati mukoiba kulula ilinga. Pafya labilya ne bantu, ati webo ukofwaya ube mfumu wabo. ⁷ Kabili wasonta aba papatilishi abkukubilila amashiwi mu Yelusalemu, ukulabila, 'Muli mfumu mu Yunda'! Ishiba ati imfumu ikofwa aya mashiwi. Fyopelefyo isa, tulashanye pamo uyu umulandu." ⁸ Penka nalitumine ikyebo kuliye nalabila,"Takulipo infitu ifyamoneka koti nifyo walabila, pakuti mumutima mobe lukoso wafipanga." ⁹ Pakuti bonse balefwaya ukutulenga unkufwa mwenso, balelanguluka, "Amaboko abo akufuma ku kinto, kabili ne kinto tayabombwe." Sombi pano, ba Lesa, napapata kosheni amaboko angi. ¹⁰ Nalile ku nganda yakwa shemaiya umwana umwalalume wakwa Ndelaiya umwana umwalalume wakwa Mehetabeli, uwaisalile mu nganda yakwe. Alilabile, "Lekeni tukumanine mu nganda yaba lesa, mukati ka kelesha, kabili lekeni twisale mukukwipaya webo. Bushiku bakoisa mukukwipaya webo." ¹¹ Nalyasukile, "Umuntu uuli koti nemo kotiabutuka? Umuntu uuli koti nemo koti aya mwi kelesha pakuti lukoso apusushe umweo wakwe shayemo yoo." ¹² Nalishile ne kwishiba ati talipo ba Lesa bamu tumine yoo, lomba alingawilile lukoso ifyakuntinya. Tobiya kabili na Sanibalati balimushitile. ¹³ Balimushitile ati angufwishe nemo mwenso, pakuti kipale nkite ifyo alabile ne kubifya, pakuti pampele ishina ibipile bakuti bantufye. ¹⁴ Langulukeni Tobiya kabili na Sanibalati, ba Lesa wangi ne misango yabo. Kabili langulukeni inganga ya ba Lesa iyanakashi Nohandiya ne nganga yaba Lesa imbi abaeshele ukungufwisha umwenso. ¹⁵ Kanshi ilinga lyalipwile pabushiku bwapa makumi abili nenshiku isanu bwa mwenshi wa Eluo, panuma yanshiku amakumi asanu ne nshiku ibili. ¹⁶ Ili aba lwani besu bonse baumfwile iki, ne mishobo yonse iya tushingulwike, balwimfwile balishibile ati ikinto yabo mbwa ne bwafwilisho bwa Lesa wesu. ¹⁷ Paliipindi ifinemanga fya mu Yunda fyalitumine amakalata aengi kuli Tobiya, kabili ne makalata kufuma kuli Tobiya kwisa kulibo. ¹⁸ pakuti mwali abengi mu Yunda abalapile ne lutipo wakwa shekaniya umwana mwalalume wakwa Ala. Umwana wakwe umwalalume Jehohanani alipokele umwana umwanakashi wakwa Meshulami umwana umwalalume wakwa Belechiya ukuba mukashi wakwe. ¹⁹ Balilabile kabili kuli nemo pamisango yakwe yonke kabili ne kubwesha amashiwi kuliye. Amakalata alituminwe kuli nemo ukufuma kuli Tobiya aakuntinya.