¹ Pali bulya bushiku balibelengele mwi buku lya kwa Mose mu matwi abantu. Kyalisangilwe kakilembelwe ukwebati takulipo umwina Amoni nangu mwina Moambi ufwile aisa mu kilonganino kyaba lesa, imyaka ne myaka yoo. ² Iki nipa Mulandu wakwebati tabaishilepo ku bantu ba Isuleli ne mukate kabili ne meshi, sombi bali tewile Mbalamu ati afinge Isuleli. Nangu nififyo, ba lesa besu balyalwile amafinge ukuba lipalo ³ Ili lukoso baufwile umushilo, balipatulwilemo umwina fyalo onse ukufuma mu Isuleli. ⁴ Pano panuma yafifi Elyashibi umu papatilishi alisontelwe ukulolekesha pa manganda akusungilamo ifintu amu nanda yaba Lesa. Ali mulongo wakwa Tobiya. ⁵ Elyashiba alimupekanishishe Tobiya inganda yakusungilamo ifintu iikulu, mwenka umo balesungila akale ifyabupe fya kyalo kaseke, ifinukila bwino, ifipe, kabili ne fyae kumi fya kalyo, ifyo bakambishe ukuba fyabena Levi, bakemba, ba kasunga bamilyango, kabili ne fipelwa fya bapapatilishi. ⁶ Lomba muli ipindi yonse nshali mu Yelusalemu yoo. Pakuti mu mwaka wabu makumi atatu ne shiku ibili ya bufumu bwakwa Alitaselisesi imfumu ya Babiloni nalile ku mfumu. panuma pindi imo naliipwishe imfumu insambu ya kwima ne ku bwekela, ⁷ kabili nalibwekele ku Yelusalemu. Nalwimfwikishe ikibi iki Eliashibi akitile ikya kupela Tobiya inganda yaba Lesa. ⁸ Iki kyalimbifishe ku mutima kabili naliposele ifipe fyonse ifya mu nganda fyakwa Tobiya posonde ya nganda. ⁹ Nalikambishishe ati baatubishe ama nganda akusungilamo ifintu, kabili nali bwekeshe ne kubikamo ifipe fyonse fya mu nganda ya ba lesa, ifyabupe fya kalyo kaseke, kabili ne finunka bwino. ¹⁰ Nalishile naishibati ikyakainiko kya fya kulya ikya bena levi takikopelwapo kulibo yoo, kabili babutuka, kila umo kwi balalyakwe umwine, abena levi kabili na bakemba ababombele ikinto. ¹¹ Kanshi nali kalipile ifilolo kabili ne kulabila, "Mbanindo inganda yaba Lesa yaba ne kulekeleshiwa? "Nali bakonkenye bonse pamo kabili ne kubabika pa fifulo fyabo. ¹² Penka aba Yunda bonse baliletele ifye kumi fya kyalo kaseke ifisunga fyabukumo, kabili ne mafuta ku manganda akusungilamo ifitu. ¹³ Nalisontele Shelemiya umupapatilishi kabili na Zandoki kalemba wa mishilo kabili na pandaiya, ukufuma muli bena Levi ukuba bakasunga bakukebe lesha pamanganda akusungilamo ifintu. Panuma yabo palikonkele Hanani umwana umwalalume wakwa Zakuli umwana umwalalume wakwa mataniya, pakuti balipendelwe ukuba pabantu abakutishinka. Ikinto yabo yali ya kwakanya ifintu ku babyabo. ¹⁴ Ndangulukeni, ba Lesa wangi, pafifi, kabili mwifuuta ifitu ifiweme ifyo nakita inganda yaba Lesa wangi kabili ne kinto yayo. ¹⁵ Muli ilyanshiku nalimwene mu Yunda abantu ba kokama ifisunga kufisepo pabushiku bwe sabata kabili ne kuleleta ne kufitulika pabambongolo, kabili pamo lukoso ne fisunga,manasanasa, amakuyu, kabili ne misango yonse iya katundu, ifyo baletele mu Yelusalemu pa bushiku bwe sabata. Nalibakngeleshe ukuleka ukushitisha kalyo pabulya bushiku. ¹⁶ Abalalume ukufuma ku taile abaleikala mu yelusalemu baliletele amasabi kabili ne misango yonse iya fintu, kabili bali fishitishe pe sabata ku bantu ba Yunda kabili na mu mishi! ¹⁷ Penka nalifi kalipile ifinemanga fya bena Yunda, "Mbanisa fintu ifibi fi ifyo mukokita ne kuleshilulula ubushiku bwe sabata? Tali bawishi nwenu balikitilefi? ¹⁸ Tali ba lesa besu tabaletele ifi fyonse ifyakubipa pali fwebo kabili na pauyu mushi? Pano mukoletelapo nabumbi ubukali ubukulu pali Isuleli ukupitila mukushilulula isabata." ¹⁹ Kabili apa tapanga fita ku milyango ya Yelusalemu isabata taikatatika, nalikambishe ati ifibi fisalwe kabili ati tafifwile fyaisulwa kana lukoso isabata yapita. nalibikile bakalume bangi bamo pa milyango pakuti taulipo katundu wakwingisha pa bushiku bwe sabata. ²⁰ Basulu kabili ne bakushitisha bafya misango yonse iya fipe balelalilila posonde ya yelusalemu ubushiku bumo nangu bubili. ²¹ Lomba nali bakengeshe, "Mnanindo mukolalilila posonde ye kibumba kye linga? Inga mukabwekeshapo ukukitefi nalimbi, kabikapo amaboko angi pali mwebo!" Ukufuma pali ilya pindi ukuya nakutashi tabaleisapo pabushiku bwe sabata yoo. ²² Penka nalikambishe abena levi ukulitobisha abene, kabili ne kwisa ne kusopa imilyango, ukushilika ubushiku bwe sabata.Ngiteni kwibukishako ifi, Lesa wangi, kabili kiteni ikumbu pali nemo pamulandu wa lulayangano lwenu kuli nemo. ²³ Muli ilya ishiku kabili nalimwene abena Yunda ati baupa abana kashi bakwa Ashindondi, Amoni, kabili na Moabi. ²⁴ Kabeya kamo kabana babo bale labila umutundu wa Ashindondi. Takulipo nangu umo palibo uwaishibile ukulabila ikitundu kya ba Yunda, lomba kani lukoso ikitundu kimo ikya bantu bambi. ²⁵ Nalibakalipile, kabili nalibafingile, kabili nali bakapawile bambi palibo ne kuba nukaula imishishi yabo. Nali balengele ukulapa kuli ba Lesa, kandabila, Mwikapana abana benu abanakashi kubana benu abanakashi kubana babo abalalume, nangu ukupokela abana benu abalalume, abana babo abana kashi nangu ukulipokela mwebene. ²⁶ Tali Solomoni imfumu ya Isuleli yakitile ububifi pakuti pali baba abanakashi? Mubwingi bwa fyalotamwalipo imfumu iyali koti ena, kabili alitemenwe kuli ba lesa, kabili naba lesa balimulengele ukuba imfumu pa Isuleli yonse. Nangu kya kubefyo, abakashi bakwe abena fyalo balimulengele ukubifya. ²⁷ Kash penka fwebo ntumfwe kuli mwebo kabili ne kukita ukubifya konse ukulukukulu, ne kukita ifyakubula bu kishinka ne kubalukila ba lesa besu kupitila mu kupa abanakashi benafyalo? ²⁸ Umwana umwalalume umo pabana balalume bakwa Yoiada umwana umwalalume wakwa Eliashibiumu papatilishi umukulu ali muko wakwa Sanibalati umwina Holana. Fyopelefyo nalimulengele ukufuma mu menso angi. ²⁹ Ndangulukeni, ba Lesa bangi, pakuti bakowesa ubu papatilishi, kabili ne lulayano lwa bu papatilishi kabili na bena levi. ³⁰ Fyopele nalibatubishishe kuli fyonse ifya kyalo, kabili ne kwikalika ikinto ya ba papatilishi kabili neya bena Levi, kila umo kukinto yakwe. ³¹ nali peka nishishilimo umulambu wa nkuniwa papindi iya Sontwa ne yafisepo ifyabukumo. Ndangulukeni, ba Lesa bangi, pafiweme.