¹ Aba eba papatilishi kabili bena Levi abaishile na Zelubabeli umwana umwalalume wakwa Shealitieli kabili na Yeshuwa: Seleiya, Yelemiya, Ezila, ² Amaliya, maluki, hatushi, ³ Shekaniya, Lehumu, kabili na Melemoti. ⁴ Kwali na Ido, Nginetoni, Avija, ⁵ Minjamini, Moandiya, Bilinga, ⁶ Shemaiya, kabili na Yoailibi, Yedaiya, ⁷ Salu, Amoki, Hilikiya, na Jendaiya. Aba bali ni tangishi ya ba papatilishi kabili ne baku bombela pamo nabo munshiku yakwa yeshuwa. ⁸ Abena Levi bali Yeshuwa, Binui, Kadimieli, Shelebiya, Yunda, kabili na Mataniya, uwali umukulu wakulolekesha pa nyimbo ya kutotela, ne ba byakwe abakubomba nabo. ⁹ Babukiya kabili na Uni, babyabo abakubomba nabo, kabili ne kwimakana papindi ya kinto kabalola nke nabo. ¹⁰ Yeshuwa ali wishi wakwa Yoiakimu, Yoiakimu ali wishi wakwa Elyashibi, Elyashibi ali wishi wakwa Yoiada, ¹¹ Yoiada ali wishi wakwa Yonatani, kabili Yonatani ali wishi wakwa Yadwa. ¹² Munshiku yakwa Yoikimu aba ebali aba papatilishi, intangishi yafifyashi: Melaiya ali ni ntangishi yakwa Selaiya, Hananiya ali ni ntangishi yakwa Yelemiya, ¹³ Meshulamu ali ni ntangishi yakwa Ezila, Yehohanani ali ni ntangishi yakwa Amaliya, ¹⁴ Yonatani ali ni ntangishi yakwa Maluki, kabili Yosefa ali ni ntangishi yakwa Shebaniya. Intuntulushi ishingi ishabukumo shili na Maluki mukifulo kya Maluki iili mu kitundu kya Kihebelu. Ishina ilineline lilasangwa pa Nehemiya 12:2 ¹⁵ Adina ali ni ntangishi yakwa Halimu, Helikai ni ntangishi yakwa Melemoti, ¹⁶ Zekaliya ali ni ntangishi yakwa Ido, Meshulamu alini ntangishi yakwa Nginetoni, kabili ¹⁷ Zikili ali ni ntangishi yakwa Abija, pilitai ali ni ntangishi yakwa Maniamini kabili na Moadiya. ¹⁸ Shamuwa alini ntangishi yakwa Biliya, Yohonatani ali ni ntangishi yakwa Shemaiya, ¹⁹ Matenai ali ni ntangishi yakwa Yoilibi, Uzi ali ni ntangishi yakwa Yedaiya, ²⁰ kalai ali ni ntangishi yakwa Salu, Ebelu ali ni ntangishi yakwa Amoki, ²¹ Hashabiya ali ni ntangishi yakwa Hilikiya, kabili na Netaneli ali ni ntangishi yakwa Yedaiya. ²² Munshiku yakwa Elyashibi, abena Levi Elyashibi, Yoiada, Yohanani, kabili na Yaduwa ebalembelwe koti mitwi ya fifyashi, kabili ne ba papatilishi balilembelwe mu pindi ya buteko bwakwa Ndalyusa umwina Pelisha. ²³ Abakifyashi kyakwa Levi, intangishi ya fifyashi fyabo balilembelwe mwi buku lya nshiku ukufika lukoso naku nshiku yakwa Yohanani umwana umwalalume wakwa Elyashibi. ²⁴ Intangishi yabena Levi yali Hashabiya, Shelebiya, kabili na Yeshuwa umwana umwalalume wakwa kadimyeli, ne babyabo abakubombanabo, abale imakana kaba lolankene nabo mukupela ukutota ne kutotela, lubali ne lubali kaba bwenesha ukunakila ku mukambisho wakwa Ndavinda, umuntuwaba Lesa ²⁵ Mataniya, Bakibukiya, Obendiya, Meshulamu, Talimoni, kabili na Akikubi abali bali bakasunga bamilyango kabemakene mu kulonda amanganda mwakusungile ifipe aaliku milyango. ²⁶ Balepyunga mu nshiku yakwa Yoiakimu umwalalume wakwa Yozandaki, kabili na munshiku yakwa kateka Nehemiya kabili na Ezila umupapatilishi kabili ne bukalemba wa mishilo. ²⁷ Pa pindi ya kushilika ikibumba kye linga lya Yelusalemu, abantu balifwie abena Levi konse ukobaleikala, ne kubaleta ku Yelusaemu mukusefya kwaku shilika ne kusekela, ne kupela ukitotela kabili ne masense. ²⁸ Ne kubungana kwa bakemba bali bungene ne mu mishi iishingulukile Yelusalemu kabili na mishi inini ya bena Netofati ²⁹ Kabili balifumine ku Beti Ngilingali kabili na ku mabala a Ngeba na Azimaveti, pakuti bakemba balilisopelele abene imishi kushinguluka Yelusalemu. ³⁰ Abapapatilishi kabili na bena Levi balilitubishishe abene, kabili penka ne kutubisha abantu, imilyango, kabili ne kibumba. ³¹ Penka nalibikile intangishi yabena Yunda pa mulu wa kibumba kye linga, kabili nali sontele amabumba abili aakulu aba kemba abapene ukutotela. Ibumba limo lyalile kukulyo pakibumba ukuya ku mu lyango waku kyala. ³² Hoshaiya kabili na kabeya kamo ka ntangishi yabena Yunda balibakolele, ³³ kabili panuma yakwe palile Azaliya, Ezila, Meshulamu, ³⁴ Yunda, Bejamini, Shemaiya, Yelemiya, ³⁵ kabili bamo abana abalalume baba papatilishi ne mipempe, kabili na Zekaliya umwana umwalalume wakwa Yonatani umwana umwalalume wakwa Shemaiya umwana umwalalume wakwa Mikaiya umwana umwalalume wakwa Zakuli umwana umwalalume wakwa Asafi. ³⁶ Kabili kwali ne balongo bakwa Zekaliya, Shemaiya, Azaleli, Milalai, Gilalai, Mai, Netaneli, Yuda, Hanani, kabili ne fyanso fya malimba ifya kubofya pakwimba ifyakwa Ndavidi umuntu wa ba Lesa. Ezila kalemba ali ku ntanshi yabo. ³⁷ Ukufuma ku mulyango wa katu mputupu ka menshi balile kabolweke ukunina pamulu ukupita pa ndandalashi ukuya pa mushi wakwa Ndavidi, ukupita pandandalashi kuya ku kibumba peulu ya ikipango kyakwa Ndavindi, kuya ku mulyango wa menshi ku kabanga. ³⁸ Ibumba lya bakemba limo ilya balya abapela ukutotela balile ukupitila lwanshila imbi. Naliba konkele pa kibumba kanji ne kabeya kamo ka bantu, peulu ya kapeshi ka ifitofu ifikabile, ukuya ku kimbumba kya bukulu, ³⁹ kabili na peulu ya mulyango wa Efulamu, kabili ukupita ku mulyango wa Sabi kabili na kapeshi ka Hananeli kabili na Kapeshi ka mwanda, ukuya ku mulyango wa mikoko, kabili balimakene ku mu lyango waka malonda. ⁴⁰ Kanshi bonse bakemba balya abapene ukutota balifikile ku nganda yaba Lesa, kabili nanemo nalifikile pamo nakabeya kamo ka bafilolo kanji nabo ⁴¹ Penka aba papatilishi nabo balifikile: Elyakimu, Maseiya, Minaimini, Mikaya,Elyonayi, Zakaliya kabili ne Hananiya ne mpenga, ⁴² kabili ne Maseya,Shemaiya, Elyazali, Uzi, Yehohanani, Malikiya, Elamu, na Ezeli, kabili na bakemba balilengele abene ukumfwinka kabili Yezilahiya ewali ni ntangishi yabo. ⁴³ Balipene ne milambo pa bulya bushiku, kabili balisekele, pakuti ba Lesa ebalengele ati basekele ne kusela ukukulu. Kabili ne banakashi ne bana banini balisekele. Kashi ukusekela kwa Yelusalemu kwali nekumfwanikila ukutali lukoso. ⁴⁴ Pabulya bushiku abalalume balisontelwe ukuba ne bukulu bwakulolekesha pa manganda amwakusungila ifipe ifyalepelwa, ifisepo fya kutanga, kabili ne fye kumi, ukufibunga pamo mu fiputulwa ifyapelwe ne mushilo kubapapatilishi nabena Levi. Kila umo alipelwe inkito yakubomba mu mabala pabwipi ne mishi. Pakuti abena Yunda balisekeele pa bapapatilishi kabili nabena Levi abeleimakana ku tanshi yabo. ⁴⁵ Balepyunga ikinto ya ba lesa babo, kabili ne kinto yakulitubisha, kabili efyakitile na ba kemba kabili nabakasunga bamilyango, mu kusunga umukambisho wakwa Ndavindi kabili ne mwana umwalalume wakwa Solomoni. ⁴⁶ Pakuti mu pindi yakale, mushiku ya Ndavidi kabili na Asafi, kwali bakatangilila babakemba, kabili kwali nyimbo ya kutota neya kuoela ukutotela kuli ba Lesa. ⁴⁷ Mushiku yakwa Zelubabeli kabili na mushiku yakwa Nehemiya, abena Isuleli bonse balipene ifyakaniko fya kalyo ifya pabushiku pabushiku kuli bakemba kabili na bakasunga wa milyango. Balibikile pambali ifishilile fyakaniko fyafyakulya fya bena Levi, kabili abena Levi balibikile ifya kaniko fimo pambali ifya bamu kifyashi kyakwa Aloni