¹ Umo kasalanganya akoisa mukumyalukileni mwebo. Londeni ikibumba kya mushi, tweteni umusebo, kosheni imikonda yenu, bikeni pamo peulu amakosa enu. ² Pakuchi ba Yawe bakobwesha ubukata bwa Yakobi, kuchi bukata bwa Ishileli, nangu kyakuba achi abonaushi balibakyushishe kabili ne konaula imisampi ya fisepo fyabo. ³ Ifisolelo fya bantu bakwe abamakosa fyakukashika, kabili ne bashilika balifwele ifikashilukile; ifikochikala fya kondo filabyasha ne fyela fyafyo pa bushiku fyapangwa kukuliteyanya, kabili ne mifwi ya Sipulusi yasokonwa mu mwela. ⁴ Ifikochikala fyakondo filabutuka amasekeni mu mashila; filabweluluka mukwangufyanya kabii nekuya kutangile mu mashila akulu. Alamoneka kuchi matochi, kabili alabutuka kuchi kubyasha kwamfula. ⁵ Umo uukamishelela mwebo utupimfwa tupimfwa aleta bafilolo bakwe; balenda ne kulelikiluka umo pamunakwe; balangufyanya ukuya mukukimina ikibumba kya mushi. Ikisolelo ikikulu kyapangwa mukukinga aba bakemina. ⁶ Imilyango yaku mimana yaisulwa kyakupachi kisha, kabili ne kipango kyapona. ⁷ Uzabi aumwa kabili ne kutwalwa; bakalume bakwe abanakashi balila kuchi ni nkunda, bakouma panchibi shabo. ⁸ Ninive alikwachi kaombe ka menshi katulika, ne bantu bakwe abakofumamo kuchi ukuswa kwa menshi. Bambi babilisha, ''kilekeni, kilekeni,'' Sombi takuli nangu umo uwakubwekelamo munuma yo - o. ⁹ Pinteni Silia yafipukulwa, pinteni Golode yafipukulwe, pakuchi takushelepo ikyashala mukyakusungilamo, kufisuma fyonse ifya fintu ifiweme ifya mu Ninive. ¹⁰ Ninive ashala lukoso umwakubula ikintu, umwakubula ikintu kabiline konaulwa. Imichima ya bantu bonse yasungulika, ne makufi abonse akolipuma pamo, kabili ne kukalipa kuli mumisana yabo; ifinso fyabo fyatubuluka. ¹¹ Mba pano ilinga lya kalamu lilipi, ipunsha umo utwana twa kalamu twalelilamo, ipunsha umo ikalamu iyalalume ne ikota yaleendamo, ne twana twa kalamu, umo umutabaline mwenso uwakili kyonse? ¹² Ikalamo yalitabawile filya fyayo ifiputulwa fiputulwa ku bana bakwe, ali kulikile filyo fyayo ku mukashi wayo, kabili ne kwisusha ulukelo lwayo ne filyo fyayo, ilinga lyayo ne nama iifwile. ¹³ ''Mona, nakwalukileni webo - uku ekulabila kwa ba Yawe bamabumba. Kokya ifikochikala fyobe mu kyushi, kabili ne kiswi kikalya iyana ya kalamu yobe. Kaputulako ku kalyo kanama kobe kufuma mu kyalo kyobe, kabili ne mashiwi abakatumwa bobe takofwanikepo libili yo - o.''