¹ Ukulabila pali Niniva. Ibuku lya kimonwa kyakwa Nauma, umwina Ekoshite. ² Ba Yawe niba Lesa ba bukwa kabili balashikanya; ba Yawe balashikanya kabili baliswile ne bukali; Ba Yawe balapinta kushikanya nebapate babo, batbukali bwabo pa balwani babo. ³ Ba Yawe balakokolo kufitwa kabili mu makosa aakulu; kabili tabakababingisha ku milandu ababipile, Ba Yawe balapange nshila yabo mukashululu na muli kabesha wakinkunkwila, kabili amakumbi elukungu lwa ku makasa abo. ⁴ Balakalipile fishiba nekufilengo kuma; balakamya manika onse. Bashani akatala, ne ngamela nasho,' amaluba aku Lebanoni aisa kuba aakatele. ⁵ Impili shila sunkana mukyeni kyabo, kabili ne fyulu filasunguluka; Nekyalo kilaponena mu menso abo, efyenka, kyalo nebantu bonse abekala muli kyo. ⁶ Nani engemakana ubukali bwabo? Nani engemaka ku bukali bwabo ubwamwenshi? Ubukali bwabo babwichila kochi mulilo, kabili amabwe alatobeka pakachi kulibo. ⁷ Ba Yawe ba weme, ikyakwikalamo ikikosele mu mpinji ya kukatasha, kabili balanuka bo abapinto kufisana muli bo. ⁸ Lomba bakapango kupwili shisha kwa balwani babo nekwisulilwa ukukulu ukwa peulu; bakatamfisha bo mumfishi. ⁹ Mba ninsa fintu mukobafwailisha ba Yawe? Bakapanga ukupwilishisha kufiko. ukwisule; ifyakukatasha tafyakeme peulu ilya bubili. ¹⁰ Kochi nyunge shikobakene kabili kochi kyakunwa ifya bapendwa, bakaliwa kochi fyani ifumine. ¹¹ Ukufuma kuli mwebo, Ninife, aisa kufuma umo uyo ulanguluka ifibipile kuli ba Yawe, uwakofwa uubipile. ¹² Ifi efi ba Yawe balabile, ''Nangu ifi bali bakili ne makosa aeswile ne mpendwa iiswile, Nangu ni fifyo bakakupa kochi fyani; abantu babo bakapinta bakafumapo. Lomba webo, Yuda: Nangu nali ku kyushishe webo, nshika ku kyushapo libili. ¹³ Bukumo naku mokola lilye koli lya bantu ukufuma pali webo; Naku mokaula iminyololo shobe.'' ¹⁴ Ba Yawe bapano mukambisho pali webo, Ninife; ''Tapakabepo bambi banswani bapinile shina lyobe. Nka kesako ifintu fyakubasa nafifyo ifya fyela fya kusungulula ukufuma muñanda yaba Lesabobe. Nkateyanye kilende kyobe, pakuti uli wakubifya.'' ¹⁵ Bona, pa mpili pali nkasa shakwa umo uyo uukoleta amashiwi aaweme, uyo uulebiliko mutende! Sekeleleni imitentamo shenu, Yuda, nekufikilisha ukulapa kwenu, pakuchi umubifi taka milwishapo libili, bamukeselelelako.