¹ Kangufwa ukubulisha mukachi koti umo uli nesala yakulya ifisepo, panuma yafisepo nefichi fya fumishiwapo. ² Takulipo nangu umo u-wanakila ba Lesa; Takulipo nangu umo ukita ifyolokele. Onse walukanakana kabili nokulibika mukubepa umbi. ³ Abantu babungama mukukita ubupondoshi bamitoni kabili netangisshi balafwaya amafisa kanwa, kabili itangishi balabepa mufilye fyamilandu. ⁴ Ulikindikile mulibo alikilile paliso lya munga. ukufimgwa kwenu kwaisa! Kebeni posonde nokulisha ipenga lya kukengesha, kabili naonse alimanike. ⁵ Weketekela umwanobe, Nangu uyu utemenwe ukukilapo, kabili kokengela nefyo ulabila ku liuyo utemenwe. ⁶ Umwana umwlalume alakana ukukindika ba wishi, umwana umwanakashi kasatukila bangina, umulokashi nokukana ngana fyala kifyashi kyamuntu ebulwani bwamuntu. ⁷ Lomba nemo naketekela muli ba Lesa abakupulusha nemo. Kabili nokupembelela itembelo lyangi. ⁸ Mwe balwani bangi, Mwesangalala pamulandu wamakatasho angi! Nangu nengapona, lomba koti naima libili; nengekala mufishi, lomba ba Yawe kyeya kyangi. ⁹ Nabifya kuli ba Yawe. Kabili nemo pano koti naikalila mubukali nokufika ukwisa mubuchingo. Lomba naishiba ukwebati kamumona kalikupanga ifintu bwino ifyagi nekutangilila mukyeya. ¹⁰ Mwebo, mwebalwani bangi, nalabila, ''Bashikulu Lesa tabafwa,'' Pano onse muli mwebo akofwa isoni nekubikwa kusoni. Kamimona muliketwe mumachipa mumisebo. ¹¹ Imishi shamu Yuda, ubushiku bulikwisa ili ifibumbwa fikabakululwa, kabili ne mipaka ikalundwapo. ¹² Nabantu bakesa kuli mwebo ukufuma ku Asilya na Ijipiti, kabili naku Babiloni ne pasha shibilukoso. ¹³ Ifi fyalo fikapenga ukonaulwa pamulandu wafyo bakitile. ¹⁴ Tangilileni abantu benu, ba Yawe! Iseni nokuba kakema wesu. Ipanga ya fyani yatushinguluka fwebo, lomba tulekala mupanga. Pano tutangilileni fwebo ku Bashan na Kilead, kabili tusange umulefwe fyenka twakitile ishiku shakunuma. ¹⁵ Nemo, ne Yawe kabomba ifipapwa fyenka nakitile fyenka namifumisha nokumitangilila ukufuma mu Ijipiti. ¹⁶ Ifyalo fikamona ifi ne kudebana pamulandu wakumaka kwa fita fyabo. Bakakumya, nekufilwa ukulabila ne kufwa. ¹⁷ Pamulandu wakutina nemo, Yawe, Lesa wenu. Ali bakesa nekututuma, nekukalaba panshi koti tishishi nangu misoka, ukukilauka panshi. ¹⁸ Mwebashikulu, Lesa, takulipo uli koti nimwebo. Tuli bonse abashelepo kubasalilwe abantu benu, kabili mwakakuluka ukutulekeka ukubifya ne kushininwa. Tamwikala nekufitwa lyonse; mulasekela nokwikala ne kubu, ¹⁹ Kabili mwatotwa ukubanekubu. Mukapita peulu yakubifya kabili nekubaposa mukishiba. ²⁰ Tukalama ifyebo fyenu kabili nabukishika kuli Yakobi nakuli Abulama, fyenka walaile abashakulu imyaka lyingi yapita.