¹ Golide yaba iya kubula ukubengeshima; na golide! iweme ifi yaaluka mabwe ashili apalanganina kutufulu twa ashila onse. ² Abana baku Zioni abalalume ababuleme ubuleme kochi ni golide iwamishe, pano bukumo ba alinganya pamo kochi mitondo iyebumba, iyi milimo yaba bumba ne minwe! ³ Kabili naba mumbwe balapana amabele mukonsha abana ababo, sombi umwana umwanakashi wabantu bangi? aba ukaneme, kachi kalukuluku mukiselebwa. ⁴ Ululimi lwa mwana usungwa lwakakachila kwiulu kwa mukanwa kakwe umulandu wakilaka; abanike balalomba ifyakulya, sombi tapalipo nangu kamo akabo. ⁵ Abo abaleya ifya kulya ifiweme balyonaikile mu misebo. abo ababaletele kabafwala ifi kashikulukile balukulala pefukutu lya butoi. ⁶ Pakuti ukubifya kwabana abanakashi ababantu bangi kukulu ukukila ububi bwa kuSodoma, ubo bafumishepo mumpindi inini kabili tapalipo iminwe iyi bafumishepo paliye. ⁷ Abana bamfumu abalalume balitubile ukukila sombi tubile ukukila amabele; Imibili yabi yalikashikile ukukila amabwe akola, ne bune bwa mibili yabo bwali koti nisafile. ⁸ Ukuboneka kwabo bukumo kufichile ukukila ne malasha; kabili tabeshiba nikililwe mumisebo, inkanda shabo shililikakatile kumafupa abo; shilyumine kochi lukuni. ⁹ Abo baipaya nemupeni bashukile ukukila abafwa nensala; pakuti balukufwa nefinyonkela kabili nekulukupungila nansala umulandu wakubula ifya kulya mumabala. ¹⁰ Iminwe yabanakashi abakubula inkumbu ilateka abana babo; balyalukile fyakulya fyabo pampindi umwana umwanakashi uwa bantu bangi bamonawile. ¹¹ Ba Yawe kabalangisha ubukali bwabo; nekwitulula ukufitwa kwabo. balyambishe nemulilo muZzayoni uyo uwalile umufula wakwe. ¹² Imumu shapa kyalo kyapashi tabaketekelepo, nangu bekashi bapano pakyalo tabaketekelepo, ulya umupate nangu umulwani ati kochi aingila pa mulyango wa Yelusalemi. ¹³ Iki kyali monekele pakuti pakubifya kwaba kasesema bakwe. kabili ne kubifya kwa bapapatilishi, bakwe abaichila imilopa yaba lungami pakati kakwe. ¹⁴ Ba lyendaukile kochi nimpofu mumisebo kabishilululwa nemilopa iyo nangu umo tekuti akwate kufya kufwala fyabo. ¹⁵ ''fumako; ifiko!'' abantu balibabile kubo.'' Fumeko! fumeniko! kukwata kukintu ne!'' penka baleendauka lukoso! abantu abalilabile kumikoka ya bantu, ''Tekuti bekale kuno ukutwalilila.'' ¹⁶ Ba Yawe abene bali bapalañgenye; tabalukufwaya ukubamona libili. Tabalukukindika abapapatilishi, kabili neli kupana umukinshi kubakulu. ¹⁷ Amenso esu, alifilwe ukumona, kwa lukoso ukwa bwafwilisho; ukufuma patuntamba twesu twabwene pakyalo ikyo teti kitupulushe fwebo. ¹⁸ Balikonkele intampulo shesu, tatwalukwenda mumisebo yesu. Impelo yesu yali pabwipi kabili inshiku shesu shalipendelwe, nempelo yesu yalifikile. ¹⁹ Abatubutusha balikilile ulubilo pankwashi ili mu makumbi, balitutamfishe palupili nekubelamina mumpanga. ²⁰ Ukupema kwa mumyona yesu - uwasubilwe kuli ba Yawe - eobaikete mufilinji fyabo! Uyo uwalabilwepo, ''munshi yakimfute kyakwe tukekala mukati mumitundu ya bantu. ²¹ Sangalala kabili ube nensansa, wemwana umwanakashi waku Edomi, webo wewikala mukyalo kya Uzi. Sombi kuli webo incomeki ikafika kuli webo; ukapendwa kabili ukafula wemwine nkushala ubwamba. ²² Umwana umwanakashi wakuZayoni ukupenshiwa kobe kukesa mukupwa; tabaka kutwalepo libili muli bukaili, webo wemwana umwanakashi waku Edomi akapensha ububi bobe; akafimbula pafya kubifya fyobe.