¹ Umushi u-waisulemo abantu pano alikele lukoso bushibwa. Abalukoso koti nimukafwilwa, Nangu kyali kyalo kyamakosa. Ali mwana wafumu mufyalo, lomba pano akambisiwa ukuba umusha. ² Alikulila apakulu ubushiku, kabili imisoshi yafimba napa matombe, Takulipo nangu umo umutemwe wakumushili kishapo. Bonse abatemwe bamongola. Baluka balwani bakwe. ³ Yuda aya mubusha panuma yamakatasho kabili napakufyala. Alikele mukachi kabena fyalo kabili nokubula kusanga ukutusha. Bonse ababakokela mumakatasho. ⁴ Imisembo yaku Sioni ilukulila pamulandu takulipo u-wisa kufintongwele ifililo. Imilyongo yonse ilyonaikile, Abapapatilishi balukubisa, ba kamwale abalimo, balukumanama, kabili pali ye, fyalula kuliye. ⁵ Abaku mukumumanika bakwe baluka bakulu, Abahuini baikala bwino. Ba Yawe bamuletele amakatasho pamulandu wabubi ubukulu. Abana banini ba twalwa mubusha kubalwani babo. ⁶ Bakonaula basha ababakashi ba Sioni. Abana bafumu baluka koti banakashi aba kubula ukusanga ifyani fyakulya, kabili baya ukwakubula kusanga ifya kulya kumeso auyo walukubatafya. ⁷ Mushiku sha malwa akwe nokususuta kwekwe Yelusalemi alamuka fyonse filya ifiweme fyakwe kufuma kumuma yakwe. Ili abantu bakwe baponena mumaboko aba mumanika, Takulipo abakumukwasha. Abamumumanika bali mumwene kabili nokumupunamika paboaushi bwakwe. ⁸ Yelusalemi abifya apakulu, fyenkefyo. Aluka koti kintu kyabumya. Bonse abamukindikile pano bamukana pakuti bamumona isoni sha bwamba bwakwe. Pano alukubisa kabili alukufwa ukwaluluka. ⁹ Ukubifya kwakwe kuli panshi yamashi kechi aji, Telukulanguluka kutangile yakwe, ukupona kwakwe kwakukumisha. Takulipo u-wakumukwasha. Alilile,'' Kebeni pamakatasho angi, Yawe, pakuchi abalwani bangi bafula!'' ¹⁰ Abalwani babika amaboko pali fyonse ifyabunoshi bwesu. Twamona ifyalo ukwingila mwitepuli lyakwe, Nangu mwakambisha ukwebati bengengila mukubungana mumapusha onse. ¹¹ Bonse abantu bapungila ili balukufwaya umukante. Bapana ifyabunoshi byabo ku fyakulya ukulama ubumi bwabo. Moneni, ba Yawe, kabili moneni, pakuchi naluka u-walukoso. ¹² Kyalukoso kui mwebo, Bonse abapita kuli mwebo? Moneni nekumona kani kuli nangu umo ubulanda nobulanda ubuli ulimumakatasho pali nemo, pakuchi ba Yawe nabo u-wakupelelwa nemo pabushiku ubwabukali bwabo. ¹³ Pakuti bafumya apatali ukwebati batuma umulilo mumafupa angi kabili nokubakifya. Atanika amakonde kumolu angi kabili nokubwesha kunuma. Andenga nemo ukutwalilila u-walukoso nokukatala. ¹⁴ Ikoli lya kubifya kwangi kwaliketwe pamo mumaboko. Kwaliketwe pamo ne kubikwa mumukoshi wangi. Bashikulu bapela mumaboko abo, kabili nafilwa ukwimakana. ¹⁵ Bashikulu Yawe babakefya bonse abakosele abangimakanine nemo, Abeta ukubabungisha pamo ukubataba abalalume bangi; ulya kamwale Yuda wamunyataula Yuda fyenka bamunyatauwile mufyaakufininamo waini. ¹⁶ Pakuti palififyo fintu nalila, Ameso angi alikupona imisoshi; u-wakukanya aliapatali na nemo, umo u-wakulama ubumi bwangi. Abana bangi baonaika pamulandu abalwani bashinda nemo. ¹⁷ Shioni afanika amaboko akwe; Takulipo u-waku mukanya, ba Yawe bamukambisha ukwebati balya abamushinguluka Yakobi balinga ukuba abalwani bakwe. Yelusalemi alikoti kimo ikyafiko kulibo. ¹⁸ Ba Yawe balyololokele, pakuti nasatukila amalamua akwe. Ufweni, Mwe bantu bonse, kabili nokumona ubulanda bwangi. Abaka mwale bangi nefisungu fyangi ifyabalalume baya mubusha. ¹⁹ Nalitile abatemwe bangi lomba balikubepaika nemo, Abapapatilishi kabili nabatangishi balyonaikile mumushi, Ili balukufwaya ifyakulya ifyakulama ubumi bwabo. ²⁰ Moneni, Ba Yawe, pakuti ndi mukumanama akapafu kangi ukushuluka, Umutima wangi walitutula muli nemo, Pakuti ndi wakusatuka,posonde, umupanga alukupembela ukungipaila abana, muñanda mwaikala koti mul ulufu. ²¹ Baufwa ukupungila kwangi, Lomba takulipo u-wakutekeneshapo, kabili bali nesangalashi ukwebati bakikita, mwalenta ubushiku mwalabile; pano lekeni bube koti ninemo. ²² Lekeni ububi bwabo bonse bwise kumeso enu. Bukiteni fyenka mwakita kuli nemo pamulandu wakubifya kwangi, Ukupungila kwangi kwafula kabili nomutima wangi alukupangila.