¹ Ba Shikulu bafimba umwana umwanakashi uwa mu Ziyoni ne kumbi lyabo ilya bukali. Baposa panshi ululumbi lwakwa Ishileli ukufuma mwiulu. Tanukilemo itebe lyakwe pabushiku bwa bukali bwakwe. ² Ba Shikulu baonauna kabili tabakwetepo inkumbu pa mishi shonse isha kwa Yakoba. Mu nshiku sha bukali bwabo baonaula imishi ishamalinga isha mwana umwanakashi uwa Ziyoni; mukushilulula babuponya panshi ubufumu ne ntungulushi shabo. ³ Ku bukali ubukulu bapautulako amasengo onse akwa Ishileli. Bafumyapo ukuboko kwabo ukwa lulyo ukufumya pa balwani. Bamokya Yakobi koti mulilo uleaka uyo uonauna fyonse ifimushingulwike. ⁴ Bavwemwina ubuta bwa muketo kuli fwebo koti mulwanyi, babika ukuboko kwabo ukwalulyo koti mulwani. Baipaya bonse abali bwino kulibo mwi tente lya mwana umwanakashi uwa Ziyoni; baitulula ubukali bwabo koti mulilo. ⁵ Ba Shikulu baaluka koti mulwani. Babonaula abena Ishileli. Baonaula fyonse ifipango fyakwe. Baonaula ne misowa mukachi ka mwana umwanakashi uwa Yuda. ⁶ Basalañanya iñanda iishilile koti bulimi. Baonaula impusha ye buñano iishilile. Ba Yawe babalengela ukulubako ibuñano ilishilile kabili ne sabata mu Ziyoni, pakuchibo balengulula imfumu no mupapatilishi mubukali bwabo ubukulu. ⁷ Bashikulu balengulula ikitapisho kyakwe kabili nokusula iñanda iishilile. Bapana ifibumba fya fipango fya fipango fyakwe mu maboko abalwani. Babilikisha ne shiwi ilikulu mu ñanda ya ba Yawe, koti nipabushiku ku ubutongwelwe ubwa kililo. ⁸ Ba Yawe balifwile ukonaula umushi wa umwanakashi wa Ziyoni. Batandabula intambo yakupiiminako kabili tabakenye ububoko kwabo kukufuma mukonaula ifibumba. Balengela inkambi ne fibumba ukulile amabingo; fyonse fibili fyalyonaikile. ⁹ Imilyango shakwe shaibili panshi; baonaula nokumokaulamokaula imipingilo ya fyela iya kumulyango wakwe. Imfumu yakwe naba finenanga bakwe bali mukachi ka bantu, imishilo takuli kabili na bakasesema bakwe baleka ukumona ifimonwa ukufuma kuli ba Yawe. ¹⁰ Abakulu ba mwana umwanakshi wa Ziyoni balekala panshi kabali kelele. Balishinga ulukungu ku mitwi shabo kabili no kufwala ifyakufwala ifyamalilo. Ba kamwale ba mu Yelusalemi bakontamika imitwi yabo panshi. ¹¹ Amenso angi afilwa ukumona mulandu wa minsoshi; munda mwangi mwatanta; ifyamukachi kanda yangi fyasukumukamo fyaponena panshi pa mulandu wa bonaushi bwa mwana umwanakashi uwa bantu bangi, abana abanini na ba ku mabele bakopungila mu misebo isha mumushi. ¹² Balalabila kuli baiNabo ati, ''Fili kwepi ifyakulya ne mfaina?'' ili balepungila koti muntu uwasomeshiwa mu misebo ya mumushi, imyeo shabo shapokomokela pakibi sha ba ñinabo. ¹³ Kuchi nalondolola shani pafya kwa webo? Nikuli nani uko ninga kulinganya webo, umwana umwanakashi umwakwa Yelusalemi? Nikuli nani ukoniga kupalanya webo, pakweba achi nkutekenshe webo, we kusungu kya mwana umwanakashi uwa Ziyoni? Ikilonda kyobe kukulu lukoso koti kishiba ikya menshi. Ninani uwingakuposha? ¹⁴ Abakutulisha bobe bamana ifimonwa ifya bufi kabili ifi tafyelelwe. Tabakufisulwile ububi bobe mukukukanya ukukutwala mu busha, lomba webo bali kupele amashiwi aabufi aakukutwala mumbi. ¹⁵ Balya bonse abapitana mu musebo balakutotela amapi. Balalisha iminasoli kabili balapukumya ne mitwi shabo ku mwana umwanakashi uwa Yelusalemi nokulabila act, ''Bushe uyu emushi uyu balukwita ati 'Ubusuma ubukililepo,' 'Insansa sha kyalo kyonse'?'' ¹⁶ Abalwani bobe bonse baasamika utunwa twabo mukulabila ifibipile pali webo. Balasuma nokushenta ku meno mu bukali nokulabilla twalu kupembela! Twafikwako!'' ¹⁷ 'Ba Yawe bakita ikibafwaile ukukita. Bafikilisha ishiwi lyabo, ili bakambishe munshiku shakale. Bakonaula ukwakubula inkumbu, Pakuchiba basuminisha umulwani ukusekela pali webo; baimya isengo lya ba lwani bobe. ¹⁸ Imichima yabo yali balilile ba Shikulu, ifibumba fya mwana umwanakashi uwa Ziyoni! Lenga iminsoshi yobe ukuponena panshi koti ni nika akasuba no bushiku. Wilipela wemwine ukutusha, amenso obe etusha. ¹⁹ Buka, bilikisha pakachi kabushiku, pakutendeka lukoso ifilo! Itulula umuchima obe koti menshi ku menso aba Shikulu. Suntula amaboko obe kulibo pa myeo ya bana benu abapungila ku nsala pa kifutu kya kila nshila.'' ²⁰ Moneni, ba Yawe, Kani nibanani mwa kichilepwefi. Bushe kanshi abanakashi balye ikisepo kya munda mwabo, abana abo bafyele? Kuchi abapapatilishi naba kutulisha baipaiwa mu ñanda iishilile iyaba Shikulu? ²¹ Bonse abanyike na bakulu balalela mulukungu lwa mumisebo. Ba kamwale bangi kabili naba sankwa bangi bafwa kwi fumo; mwalibepeye mukasuba kabukali bwenu ukwakubula ukubakichila inkumbu. ²² Mwalibechile, koti bantu aba mwaita pabushiku bwa kililo, ifyakubachinya uku no ku, pabushiku bwa bukali bwa ba Yawe takuli nangu umo uwa shelepo nangu ukupuluka; aba nalamine nokukusha, bakonaula ku mulwani wangi.