¹ Moneni, muli shilya inshiku napali kalya akampindi, ili nkabafumya mubusha abena Yuda na bena Yelusalemi, ² Nkaileta pamo yonse imikoka ya bantu, nokuileta mukankolongwa kakwa Yehoshafati. Nkabapinwila kulya kwenka, pa mulandu wa bantu bangi kabili nobupyani bwangi abena Ishileli, abo bapalangashishe mu mikoka sha bantu abengi kabili pantu balyabenye ikyalo kyangi. ³ Baliteele abantu bangi ububale, balikingyenye umulumendo ku mwanakashi umukende, kabili balishichishe no mukashana pa mulandu wa fisunga pakweba ati banwe. ⁴ Pano, nindo mwamfichilwa nemo, mwe bena Tila, Sidoni na bonse abena Filisitiya? Mulefwaya ukushinkanya na nemo? bwangu bwangufye nemo nkamibwesesha mwebene pa mitwi yenu. ⁵ Pantu mwebo mwalitwele Silia wangi na Golide yangi, kabili mwaleta ne fintu fyangi ifyabuleme nokufibika muma tempele enu. ⁶ Mwalishichishe abena Yuda na Bena Yelusalemu kuba Giliki, pakweba ati mubatamfishe apatali ukufuma ku kyalo kyabo. ⁷ Moneni, bonse ndebabusha, ukufuma kumpunsha uko mwabashichishe, kabili kikamishinkamana mwebene pa mitwi yenu. ⁸ Nkashichisha abana benu abalalume na banakashi, kukuboko kwabena Yuda. Bakabashichisha kubena Sabi, ikyalo ikili ukutalisana, pantu efyalabila ba yawe.'' ⁹ Bilikisheni iki mu mikoka ya bantu ati: ''Lipekanishisheni mwebene kunkondo; Imyeni abantu abalalume abakosele; bese pabwipi; Lekeni bonse abantu abankondo bese kuno. ¹⁰ Mubunde amase enu mulule abe fipanga kabili ne mipeni yenu ii muputwilako muyalule ibe misumbo. Abanakile balabile ati,' nemo ndi kosele.' ¹¹ Endesheni kabili iseni, mwebo bonse mwe mikoka ya bantu abali pabwipi; bunganeni bonse pamo kulya. Mwe ba Yawe, leteni pano abankondo benu abakosele. ¹² Lekeni imikoka ya bantu balibishe bonse pamo nokwisa mu kankololongwa kakwe Yehoshafati. Pakuti kulya eko nkekala nokubapingula bonse abamumikoka ya bantu abalikulya. ¹³ Toleni ikikwakwa, pantu ubusomboshi bwafikila. Iseni, fineni ifisepo, pantu ikyakufininamo kyaisula. Ifyakulongamo fyaisula nokusempauka, pantu ububi bwabo bukulu.'' ¹⁴ Muli amabumba, amabumba mu ka nkolongwa umu bapingwila imilandu pantu ubushiku bwa ba Yawe buli pabwipi mu mankololongwa umu bapingwila imilandu. ¹⁵ Akasuba no mwenshi fyafita bwi, utubangabanga twaleka ukwaka. ¹⁶ Ba Yawe bakabulumina mu Zioni, kabili nakemya ishiwi lyabo ukufuma mu Yelusalemu. Ameulu ne kyalo fikasunkana, lomba ba Yawe bakaba kyakufisamamo abantu babo, kabili ilinga lya bena Ishileli. ¹⁷ ''Elyo mukeshiba ati ninemo Yawe Lesa wenu uwikala mu Zioni, ulupili lwangi ulushilile. Penka Yelusalemi akaba uushilile, kabili na bantu lukoso abatabali bamukiki kyalo tabakapitemo libili yo - o. ¹⁸ Muli kalya akasuba impilishika lukusumisha ifisunga ifintonto, impili shinini shikaleitulula umukaka, notunika tonse utwa mu kyalo kya Yuda tukalukupita amenshi, kabili na kantupuntupu amenshi, kabili na kantupuntupu kakafumina mu ñanda ya ba Yawe nokutapilisha akankololongwa ka mu shitimu. ¹⁹ Ijipiti akashalalukoso amasala, kabili na Edomu akashala lukoso kiselebwa, pamulandu wafintu ifibipile ifyakichikilwe kubena Yudah, pantu balisumishe umuolp apakubula umulandu mu kyalo kyabo. ²⁰ Lomba mu kyalo kya Yuda mukali kwikele abantu inshiku shonse, kabili na Yelusalemu bakalukwi kalamo ukufuma ku nkulo imo ukufika na kunkulo imbi. ²¹ Nkashinkanya no mulopa wabo abo nshingashinkanya nabo, pakuti ba Yawe balekale mu Zioni.