¹ Lisheni ulupenga mu Sioni kabili pangeni ikilulumo pa lupili ulushilile! Lekeni bonse abekashi ba mukyalo batulume nokutina, pakuti ubushiku bwa ba Yawe balukwisa: mukine, buli pabwipi. ² Bushiku bwafishi kabili nokubifya, ubushiku bwa makumbi nefishi ikulu. Koti nikumakya ili kusalangana palu mpili, ilikulu kabili nebumba lyafinta lilikwisa. Takwalipo ifintu koti nififi, takyakabepo kabili nangu pafifyashi ifingi. ³ Umulilo alukonaula fyonse kutangile kabili kunuma ikyeya kulukwaka. Ipanga ili koti nimpoka ya Edeni kutangile ya fyonse, lomba kunuma kilukonaula amayamba mukine takulipo ikya kufyuka. ⁴ Ifinta filukumoneka koti nimbongolo kabili balukubuntuka koti balalume ba mbongolo. ⁵ Kabakiluka nekyongo ikya makalaki peulu ya mikolo, koti kilulumo kya kyeselela ikyonaula ubusala, koti bukulu bwafinta ifili bambile kubulwi. ⁶ Kumenso abo abantu bali mulukatasho nepumi shabo bonse shali fubulukile. ⁷ Bali butukile koti finta ifikulu; kabanisa ifibumba koti masokya; nokutolauka, umo - umo nengabo shakwe, kabili mwe onaula ififulo fyabo. ⁸ Takulipo umo konaula akabeya kambi; balenda uyu mushila yakwe; balamokola akupitila mukichingiililwa ukubula ukupona mu mulongo. ⁹ Bala butukila mumishi nokufibumba, balanisa mumañanda kabili balapita pafibela koti ni bakabwalala. ¹⁰ Kyalo kilantuntuma kutangile yabo ne ulu lilantuntuma, akasuba nomwenshi ukufinta, kabili nontubangabanga ukubula ukupana ikyeya. ¹¹ Ba Yawe balemya ishiwi lyabo kutangile yafinta fyabo, pakuti ifinta fyabo fingi; pakuti balikosele, abo aba kambisha, pakuti ubushiku bwa ba Yawe bakulu kabili bwa makantasho. Nani u - wakwimakana? ¹² ''Nangu nipapano'' - Ba Yawe balukubilika bweleni kuli nemo nemitima yenu. Shikilweni nesala, nokupanya imisoshi, nokulila.'' ¹³ Tobeni imichima yenu talifyaku fwala, bweleni kuli ba Yawe Lesa wenu. pakuti bali nolukumo kabili nekumbu, mukumakila ukufitwa nokwakalila mukutemwa nokulinganya ukufuma kukumanama. ¹⁴ Naniwishibile? Pambi koti aluluka kabili nokwesakanya,kabili nokusha ipense kunuma yakwe, ubupe bwa fyaseke kabili nabupe ifyaba Yawe ba Lesa wenu? ¹⁵ Lisheni ulupenga mu Shioni, iteni bukushila ukushilwa nesala, kabili nokwita ukushilile kwakubungana. ¹⁶ Banganyeni abantu;iteni apashilile. Bunganyeni abakulu; nabanike nabalukoka. Lekeni shibwinga afume mumañanda yabo, namabwinga ukufuma mu fipwilo fyabo. ¹⁷ Lekeni abapapatilishi, abasha ba ba Yawe, balile pakachi kafya kokyelapo kabili napa fyonto. Lekeni balabile,'' pulusheni abantu benu, Yawe, kabili mwelenga imbunto shenu ukwikala mukumoneka koti ukutupika. ukwebati ifyalo fibantupike koti balabila shani mufyalo, ba lesa wabo bali kulipi?''' ¹⁸ Penka ba Yawe tabaufwile bwino pa panga yabo kabili nokufyaikikoko pa bantu babo. ¹⁹ Ba Yawe kabasuka abantu babo,'' Moneni kamitumina uluseke, akantente kabukumo, kabili nama funta mukekunta, kabili shi kamisebanyapo mu fyalo. ²⁰ Kafumyapo abakukabeta kakubuyeke abakutulezhita pali mwebo, kabili kabatwala umumine mupanga umuta muli ifintu, abakutangile bafinta bakaya kukabanga lya fishiba, kabili nokuponena mufishiba fya kumboshi nokwimya akafungo akabipile,'' Mukine, pakuti akinta ifikulu ifintu. ²¹ Wetina ipanga; sekela nokusangalala, pakuti ba Yawe balukukita ifintu ifikulu. ²² Wetina, banobulanda bwanama! pafya kulya fya mayamba akamena, ne fichi fikapanga ifisepo, kabili ifichi kabili namaluba bakamesha ifisepo. ²³ Sangalaleni, mweba Shioni, nokusangalala muli ba Yawe Lesa wenu, pakuti bakapela akapindi kafumya nokuleta ifula pali mwebo. Akapindi nokuleta ifula kumenso enu lyakutapisha nokuleta panshi ifula yakine pali mwebo, ifula yamwela notufukufuku fyenkefi yali. ²⁴ Mumatala yenu mukesula iseke, kabili nesngwa shikafumya ne waine namafunta. ²⁵ Kamisunga ukufika nakupindi ya fyakulya ukwebati bakabola balya bakabola abakulu nakonaula bakabola, nokonaula bakabola bamakosa abafita abo natuma pali mwebo. ²⁶ Mukulya ifingi nokwikunta, kabili nokuntola ishina lya ba Yawe ba Lesa wenu, abakinta ifyakukumya pali mwebo, kabili shakamilengesheni isoni pa bantu. ²⁷ Ali mukeshiba ati ndi mukachi ka Ishileli, kabili Yawe Lesa wenu, takulipo umbi, shikaletapo isoni pabantu bangi. ²⁸ Kabili ikesa panuma kuntalula umupanshi wangi pa bantu, kabili abana abalalume na banakashi ba kabona, aba nkonte bakalonta ifilonto; aba sankwa bakamona ifimonwa. ²⁹ kabili aba mulimo abalalume na banakashi, mulishisho ishiku kentulula umupanshi palibo. ³⁰ Kamwenesha ifyakukumya mwiulu napa kyalo, umulopa, nomulilo, namashiku yabushi. ³¹ Akasuba kakafinta kabili umweshi ukaluka umulopa, tabanga finka akasuba kamakatasho ka ba Yawe. ³² Kikaba kuli onse u - winta penshina lya ba Yawe eukapuluka. pakuti palumpili wa Zioni na mu Yelusalemi kukaba ibuntushi, ba Yawe balabila, kabili babo bakupuluka abo ba Yawe bainta.