¹ Ili eshina lya ba Yawe ilya ishile kuli Yoweli umwana umwalalume wakwa Pefueli. ² Ufweni ifi, mwebakulu, kabili nokukutika, bonse abekashi ba muli inopanga. Kanshi fino fyakitikapo muli shino shiku nangu kuba shakulu benu? ³ Ebeni abana benu palififi kabili abana benu kubana babo, kabili abana kukikota kimbi. ⁴ Ifyo bakabola basha, batete abakula, efyo balya; ifyo bakabola bashapo, efyo batete balya; kabili ifyo batete bashapo, ifyo untakumbi tulya. ⁵ Bukeni, mwebanwa, nokulila! Lileni, mwebamwishi ba waini, pamulandu wani wakuntobala wapuntulwako kuli mwebo. ⁶ Pantu ikyalo kaisa pali ino panga abakosele kabili nokubulo kubalwa. Ameno yakwe meno yakalamu, kabili ali nameno yamabokwe. ⁷ Alenga ibala lyanga lya fisepo masala kabili alenga amukuyu wangi ukubula ukumenesha ifisepo. Afumyaka ifipande nokuposa; nemi tayii yantuba. ⁸ Lileni koti mwanakashi mufyakufwala fya malilo palufu lwa mwana wakwe umwanika umwanakashi mukyupo. ⁹ Iseke shama bupe fyaputulwako ukufuma muñanda yaba Yawe. Abapapatilishi, aba mulimo waba Yawe, balukulila. ¹⁰ Amabala yaonaika; umushili alukulila pamulandu iseke shaonaika. Waini wa bukumo wauma; amafunta momu. ¹¹ Sebaneni, mwebalima, kabili nokulila, mwebalimi bafisepo, umupunga nambali. Pantu ukukesa kwamalimi kwaonaika. ¹² Ifichi fyuma kabili nemikuya yauma; ifichi fya malumbeni, nefyamafunta, nefya fisepo ifya mumabala fyuma. Ukudangalala kwaya ukufuma mufifyashi fya bantu. ¹³ Lileni nesalu sha malilo kabili nokulila, mwe bapapatilishi! lileni, mwe bapwingishi ba fyonto. Iseni, mulale ubushiku bonse musalu shamalilo, mwe bambofi bakwa Lesa. Pakuti iseke shamabupe nefyakunwa fyamabupe fyauluka ukufuma muñanda yaba Lesa wenu, ¹⁴ Naita ifi shilile ukushikilwe ne sala, kabili no kwinta ifishilile ukubungana. Bangabyeni itangishi nabekalishi bamu kyalo kuñanda yaba Yawe Lesa wenu kabili nokulila kuli ba Yawe. ¹⁵ Imeni pabushiku bwaba Yawe! Pantu ubushiku bwa ba Yawe buli pano. Palibo bwaisa nobonaushi ubukulu. ¹⁶ Kanshi ifya kulya tafiputulwe ku Menso esu, kabili nokusangalala nesangalashi ukufuma kuñanda yaba Yawe? ¹⁷ Imbunto lulabola mukipande, amatala yaonaika, kabili namatala bayonaula, neseke shaululuka. ¹⁸ Ifyo iñombe shibuluma! Ifisamba filukwenda kafifulungene pakuti tapalipa iminyefu. Nangu matanga amabelele alukupenga. ¹⁹ Ba Yawe, nalilila, kuli mwebo. pakuti umulilo waokya umunyefu wapanga, kabili ulubebe lwaokya ifichi fya mabala. ²⁰ Nangu ninama mabala shapapata kuli mwebo, notufukufuku twa menshi fya uma, umulilo waonaula fyonse ifya mayamba.