¹ Popele umutwi tuli kulabilapo ni uyu : Tuli neba kupapatilishi abakulu abo abaikele panshi ku kuboko kwa kulyo ukwa petebe lya bufumu mwiulu . ² Ye wamulimo mumpusha ya mushilo , umulendo uwa kine uyo ba Shikulu , talipo muntu uwa wanshikile . ³ Onse umupapatilishi umukulu kaasontwa ukupana ifya lukoso nefya milambo . Popele kilyelelwe ukuba nekya kupela . ⁴ Kani ba Kilishitu lomba ba pano pa kyalo , kanitabalipo bakupapatilisha yowo , pakuchi kwali aba abali kupela ifya lukoso ukulingana ne mishilo . ⁵ Balabombela ikyakupashanya nekinshingwa kya fintu fya mwiulu . kili kochi nififilya Mose ba musopeshe kuli ba Lesa ili alikufwaya ukwibaka umulenda : Ba Lesa kabalabila , '' Bonokwebati walenga fyonse ukwesakanya ne musango uyo bakubweneshe webo pa lupili . '' ⁶ Lomba pano ba Kilishitu ba pokelela umulimo uuweme fyenka bali kochi wapakachi ka bune bwa kulayana , uko ukwimakene pa kulayo kuweme . ⁷ Pakuchi kani kulyo kulayana ukwakutanga kwali kusa kubulo ubulena , takwalipo ikyakichikilwe ikya bubili ikya elelwe uku sobolwa . ⁸ Lomba kani ba Lesa basanganamo ububi mu bantu , nekulabila , '' Boneni inshiku shilikwisa efya labile ba Shikulu - ili nka lenga ukulayana kwa bukumo ne nganda yakwa Isalela ne nganda yakwa Yunda . ⁹ Taikabapo kochi kulaya uko ukwamishe kumaboko abo mukuba tangilila ukufuma mu kyalo kya Igupito . Pakuchi taba konkele bwino uku laya kwangi , kabili naliba kene bo - efyalabila ba Shikulu . ¹⁰ Uku ekulaya uko nakupanga na iyi inganda ya kwa isalela pakupita shilye nshiku - ba Shikulu kabalabila . Nkatule mishilo mu milangwe shabo , kabili nkashilemba pa michima shabo . Nkaba Lesa wabo bakaba bantu bangi . ¹¹ Tabakasambilishepo neli umo mubakwabo abekala kyalo ne uli onse umukwabo , kalabila , ' Ishibeni bashikulu pakuchi bonse bakangishiba nemo . ¹² Pakuchi nkaba ne nkumbu fikitwa fyabo ifibi , ne bubi bwabo nshakabwanukepo libili . '' ¹³ Pakutongola kwa kuku ukulayana kwa , Bukumo '' , katongola ukulayana kwa kutendeka ukuba ukwa kale , na fifilya ifya isa kuba fyakale kabili fyopele fyo bukumo filiku shimangana .