¹ Ali ni Mulisendeki , ifumu yakusalemi , umwenbeshi waba Shikulu umukulu , u-uwakumenye Abalama kalikufuma kukipailo kyafumu no kumupensha . ² Nikuli ye uku Abulama a pele ukyekumi kyamali fyonse . Ukutanga , ukulubulula kweshina lyakwe , '' Ifumu ya baswetele '' ; kabili '' Nefumu ya kuselemi , '' ukwebachi , '' Nifumu yamutende .'' ³ Talipo nabawishi , nabangina , nekifyashi , neli ukutatika kwa nshiku nangu nipelo yabumi . Namumupundu , ali kwimakanako umwana waba Shikulu , pakuchi alishale mupapatilishi inshiku shonse . ⁴ Moneni ubukulu bwa uyu muntu wali muyo ikifyashi kya kwa Abulama apene ikyabu ikumi pafintu ifi akwente mubulwi bwakwe . ⁵ Abeshikulululwa ba bena Levi abapokelele ubupapatilishi bwa butangishi bali no kukabishiwa kulingana kumikambisho ukupoka ukyekumi ukufuma kubantu . Ukwebachi , ukufuma kubalongo , nangu kyakwe bachi , nanbo , nbeshikulu ukufuma kuli Abulama . ⁶ Lomba Malisendeki , aba beshikulu tabali aba kulubali ukufuma kuli nbo , balipokele ikye kumi ukufuma kuli Abulama , noku apensha kuli uyo a wabulayo . ⁷ Takulipo ukukana kwebati umuntu uyu talingile engapala umukulu . ⁸ Pali fifi takulipo umuntu u-wingapoka ikye kumi , lomba kani kasuminishiwa ukwikalapo . ⁹ Kabili , namakalonga kakulabila , aba Levi , abapoka ikyekumi , bali pene ikye kumi ukupitila muli Abulama , ¹⁰ pakuchi aba Levi bali mumubili waba shakulu banbo ili Malisendeki akumenye Abulama . ¹¹ Pano ukuswenta kwali lukoso ukupitila mubena Levi mubupapatilishi ( panshi yafifi abantu bali pokelele ifunde ) , ikyakokapo ikilukufwaikwa kanshi kuli babi abapapatilishi aba kwima panuma yamusongo wakwa Malisendeki , pano utakeshibanikwe mu mupunda wakwa Aloni ? ¹² Pakuchi ili bupapatilishi bwa pipulwa , nemikambisho nayo yalinga ukupipulwa . ¹³ Pano pali umolomba pafintu ifi fya labilwa fyaba kulubali lubi lwamukoka , penka takulipo umo wapwinga pa fyonto . ¹⁴ Pano apaswetele ukufuma Muyunda ekwebachi ba Shikulu bali fyelwe , umukoka uyo Mose tantongwele ukuba umupapatiishi . ¹⁵ Ifyo tulabila fili apa swetele penka kani kuli abupapatilishi bonbi ukwima mumupunda wa kwa Malisendeki . ¹⁶ Takyali ikya kwikalikwa pa mikanbisho ku muntu ukufwailisha kwebachi abe umupapatilishi , lomba pamupunda pali kalikilwe amakosa abumi bwamyaka . ¹⁷ Pakuchi ifilenbelwe fyaba ninboni pali ye ; ''Uli umupapatilishi wa nshiku shonse ukulingana nekoka yakwa Malisendeki .'' ¹⁸ Pakuchi tali ni fifyo ifya kale kukanbishiwa kwabikilwe panbali pamulandu wakunaka nabulukosa , ¹⁹ ( Pakuchi imikanbinsho tayakichilepo ikyolokele ) , lomba ukubikapo ukusumina kwaisa , ukupichila ukwisa kubwipi naba Lesa . ²⁰ Kabili takyalipo nokuswesha ! Bambi kaba luka abapapatilishi ukwakubula ukuba sweshapo , ²¹ lomba kabaluka abapapatilishi ukupitila mukuba swesha kubikwapo umo kalabila kuli ye . '' Ba Shikulu ba tumwenesha kabili tabakakingye ama langulushi : ''Muli bapapatilishi lyonse . '' ²² Pali fifi ba Yesu babikapo ikya bupe ikitakyakapwe ikipangano kya ku layana ikiweme . ²³ Abapapatilishi balikanishiwe ukuba pakachi kanbo ukubula ukwikala mumupando . ²⁴ Lomba pamulandu yaba Yesu ukutwalilila ukwikala umuyayaya , aikala umupapatilishi u-wikalilile . ²⁵ Penka ali namakosa ayakupwililika kuli banbo abapalamine - kuliba Shikulu ukupitila mulinbo , pakuchi lyonse balikalileko ukubapyungilako . ²⁶ Penka kyalingi kwebachi twikaleko naba papatilishi abakulu , abashilile bambulwa kumulandu , abaswentele ababanishiwe ukufuma kukubifya , nokutubilikwa ukukila pa meulu . ²⁷ Taluku fwayapo , ukuba nga abapapatilishi ukukilapo , ukupana lyonse imilanbu , ukutanga ukubifya kwakwe , ali nokubifya kwa bantu . Alukukita ifi limo lukoso ili ali peneumwine . ²⁸ Pakuchi imikabisho kasonta ukuba abapapatilishi ukukilapo abantu aba nakile . Lomba ikyenbo kya kubikwapo , ikya ishile panuma yamikabisho , kyasonta umwana , u-waba mabukine lyonse .