¹ Lekeni ubutemwe bwenu butwalilile . ² Mwilubako ukupokelela abeni pantu nabengi pakylangisha ukupokelela nenkalamba ukwakubula kwishiba . ³ Mulelanguluka abakakilwe kwati muli kakilwe nabo . Mulelanguluka abalukupenshiwa kwati muli nabo mumubili . ⁴ Lekeni ikyupo kipelwe umukishinshi kuli bonse , kabili leke ibulo lilibe ilya mushilo , pakuti Lesa akabakesele milandu ababu chende nebachechemishi . ⁵ Mwiba abakutemwa indalama , mulukutondwa nefyo muli nafyo , pantu Lesa umwine alabila ati , '' Shakamishepo , nangaba ukumita fyeni .'' ⁶ Katube abatondelwe pakuti tube ne kukosa mukulabila ati , Ba Shikulu ebakofya bangi shakachine po . Nganifindo ifyo umuntu engakita kuli nebo ?'' ⁷ Mulekindika aba kumitangilileni , balya abalabila kuli mwebo amashiwi aba Lesa , mulemwenesha ifichitwa fyabo . Sombolo leni ichisuma chabo . ⁸ Yesu Kilishitu eumo mailo , lelo , nenshiku shonse . ⁹ Mwitwalwa mumbi mufya kusambisha fimbi . Pakuti kiweme ikya kwebati imitima yenu ingakoseshiwa ne nkumbu , tali ne fya kulya ifitafyo fwapo bonse abende mulifyo . ¹⁰ Tuli ne lufuba apo bonse aba pwingila mwitempele taba kwetepo amaka ya kulya . ¹¹ Pakuti umulopa wa nama isha leipayiwa pamulandu wa kubifya waleletwa kumupapatilishi umukulu mumuputule uswetele , ili imibili ya nama baleokya pe nsonde ya tempele . ¹² Kanshi na Yesu alipengele pesonde ya mushi, pakwebati asweteshe abantu no mulopa wakwe umwine . ¹³ Fyenke fyo tuleya kuli ye pesonde ya mushi, ili tipintile ne fya nsoni fyakwe . ¹⁴ Pakuti tatukwetepo umupunda uwa kwikalilila pano . Sombi , tulepembela ulukwisa . ¹⁵ Kupichila muli ye , pano katupele amalambo aya kutotela kuli Lesa , ukutotela ukuli fisabo fyapa milomo yakwe iyishi shina lyalwe . ¹⁶ Twilikulubako ukukita ifiweme ne kushi lana , elambo limo lyenka ilyo ba Lesa basangamo ukusangalala . ¹⁷ Mulekindika ne kunakila aba kumitangilileni , pantu bo balami sungileni imyeo shenu kwati niba bo abakemakana mukulondolola . Bakindikeni ukwebati abakumitangilila bakachite mukusangalala , tali mukulilishanya , ifingaba ifya lukoso kuli mwebo . ¹⁸ Muletutembelelako , pakuti tuli shibishe ukwebati tuli ne kulanguluka ukuweme kabili ati tulukufwaisha ukwikala mukulungama mufintu fyonse . ¹⁹ Namikambisheni mukukulapo ukukita fyo , ukwebati nkabwele kuli mwebo bukumo . ²⁰ Pano Lesa uwamutende , uwabwesheshe kufuma kuba fwile umwembeshi umukulu uwa mbelele Shikulu Yesu , ukupitila mumulopa wakulayana kwanshiku shonse . ²¹ Ukumipeleni fyonse mu kuchita ukufwaya kwakwe , uku pyunga muli fwebo ifya kumusekesha , ukupitila muli ba Yesu kilishitu , kuli ye kuba ubuleme inshiku ne nshiku . Ameni . ²² Lomba namikambisheni , mweba byangi , mukupinta ne shiwi lya chikoseleshi ilyo namilembeleni mwebo . ²³ Ishibeni ati umubyensu Timoti akakulwa , naye tukamibobeni bukumo ngaisa . ²⁴ Posheni abakumitangilileni bonse nabonse abaswetele abantu ba ba Lesa . Aba ku Itali baliku mi posheni . ²⁵ Inkumbu shibe na mwebo bonse .