¹ Lomba , ilibatushingulukile ne bumba ilya kuti bukulu ilya ba mboni , natubika pambali fyonse ifya kutuleme na ne fya kubifya fyonse . Natubutuke ili tuchinchika makosa mufya kubutuka ifili kuntanshi yesu . ² Katuposesheko amano kuli Yesu ; ikitachi ne wa kuswetesha ichisumno . Pakuti ukusangalala ukwabikilwe kuntanshi yakwe kaba ne kushipikisha umusalaba , kalengulula insoni shakwe ne kwikale kululyo lwa chipuna chakwa Lesa . ³ Langulukeni po pali ye , uyo uwa shipikishe ukulengululwa kuba kubifya kuli ye , ukwebati mubule uku katala ne kufumyako umutima ⁴ Tamungalwishanyapo ne fya kubifya ukufika na mukufumya umulopa ; ⁵ kabili mwalubako nokukambishiwa ukumitangilileni kwati bana : ''We mwana wangi wipufya ukusambisha kwa ba Shikulu , nanguba ukukatala pamilungikeni . ⁶ Pakuti ba Shikulu balakalipila bonse abo atemenwe , kabili alakengesha umwana onse apokelela . '' ⁷ Shipeni mufya kupenshiwa kwa kumisambilisha . Lesa alamichitileni fyonse kwati bana pakuti mwana wakuba shani uyo bawishi tabakalipila ? ⁸ Ngatamubele ne kumikalipila , umo umupita bonse , ninshi mulisheme kabili tamuli bana bakwe . ⁹ Ne kualapo makosa , twali naba wishifwe abaletukalipila kabili twalikubachindika . Kuti twachilapo shani mukunakila kuli ba Taata ba mipashi ne kwikala ne mweo ! ¹⁰ Ba wishi fwe baletukalipila pampindi inini kwati kulanguluka kwabo ukuweme . Lomba Lesa alatukalipila mufya kumwenamo fyensu , ukwebati twingaba nakwe pamo muswesha kwabo . ¹¹ Takulipo ukalipilwa pampindi ukubola ukuleta ukusangalala , sombi ukusomenwa . Paku pelako filaleta ifitwalo fya bulungami kuli babo abafundishiwe . ¹² Kanshi kosesheni amaboko enu alukupona ne makufi enu anakile makosa . ¹³ Lungikeni nshile sha molu enu ukwebati ifilema fikonaulwapo sombi ukubukwa . ¹⁴ Beni mumutende no muntu onse , ne kusweshiwa , pakuti pakubula fyo takulipo ukamona Lesa . ¹⁵ Beni abakukengela makosa , ukwebati umuntu neli umo ekabulwa nkumbu shaba Lesa , kabili ati takulipo umushashi ubipile ukakula mukuleta ifyakukatasha , kabili ati abengi bengabula ukukoweshiwa . ¹⁶ Nangaba bonse abachita uchechemeshi nangula imiponto ,kwati ni Esao , uyo pakyakulya kashitisha ububeli bwakwe . ¹⁷ Pakuti mulishi ati pampela , ilyo afwaile ukwikala mukushika , balimukene , pantu talipo ne shiko lya kulapila nangula alifwaishe mukulila . ¹⁸ Pakuti tamwishilepo kulupili ulo bengekatako , ulupili ukuli umulilo , imfifi , ukukatashiwa ne manyaki . ¹⁹ Tamwishilepo kukulila kwa tolompita , nangaba kwishiwi ililabila amashiwi ayo balya tomfwako tabafwwaya po ukumfwa kwi shiwi limbi. ²⁰ Pantu tabali ne kutwalilila mu mukukita ifyo bakambishiwe ati , '' Nangaba ninama ngaya ita kulupila , bafwile ukutoba mabwe . '' ²¹ Yali ne mpusha ileta umwenso iyo Mose alabile ati , '' Naumfwa mwenso ne kututuma .'' ²² Lomba , mwaisa kulupili lwa Zayoni kabili umushi wakwa Lesa uwa mweo , Yelusalema wa kwiulu , kabili na kuma sausande ankalamba ishili kusefya . ²³ Mwaisa kukubungana kwa ba beli abalembelwe mwiulu . Mwaisa kuli Lesa upingula bonse , nakumipashi yaba swetele abalungamikilwe . ²⁴ Mwaisa kuli Yesu , uwakwima kaninako ukulayana kwabu kumo , na kumulopa uwashilwe uyo ulabila bwino ukuchila umulopa wakwa Abeli . ²⁵ Moneni ati mwikana uyo ulelabila . Pantu ngataba butukile ili bamukene uyo uwali kubakengesha pakyalo , fyenka fyo twinga butuka ngatwafutachila kuli ulya muntu uletuchejesha kufuma mwiulu . ²⁶ Pampindi imo , ishiwi lyakwe kalisunkanye kyalo . Lomba palino mpindi ala ya ne kulabila ati , '' Impindi imbi shakasukanye fye kyalo lomba ne fyamwiulu fyonse . ²⁷ Ayo mashiwi , '' Impindi imbi , '' kilepilibula ati ukufumyapo fyonse fintu ifingasukanishiwa , ekwebati , ku fintu ifya lengelwe, ukwebati filya fintu ifya kubula kusesha kwebati fishale . ²⁸ Emulandu wine , ukupoka ubufumu ubwakubula kusesha , katube aba santa kabili ne kupepa ba Lesa ne muchinshi ne kuli kefya . ²⁹ Pantu ba Lesa besu emulilo uwocha .