¹ Mu mwenshi wa busano na bubili pabushiku bwa kutanga bwa mwenshi, ishiwi lya ba Yawe lya lishile ukupichila ku kuboko kwakwa kasesema Agai, kalilelabila, ² ''Labila kuli kateka wa Yuda, Zelubabeli umwana umwalalume wakwa Shealitieli, kabili nakuli umupapatilishi mukulu Yoshiwa umwana mwalalume wakwa Yeozadaki, kabili naku bantu abo bali nabo, Labila, ³ 'Ninani uushelepo muli mwebo uwamwenepo inwe ñanda ubuleme yakwete pakutanga? Mwaimona shani pano? Taili lukoso yalukoso mu menso enu? ⁴ Pano, kosa, Zelubabeli! - uku ekulabila kwa ba Yawe - kabili kosa, mupapatilishi umukulu Yoshiwa umwana mwalalume wakwa Yeozadaki; kabili koseni, mwe bantu bonse aba mu kyalo! - uku ekulabila kwa ba Yawe - kabili bombeni, pakuchi nji na mwebo! - uku ekulabila kwa ba Yawe bamabumba. ⁵ Ulu elulayano lwangi naikalikile na mwebo ili mwafumine mu kyalo kya Ijipiti, kabili umupashi wangi alimakene muli mwebo. mwichina!. ⁶ Pakuchi ba Yawe bamabumba balabilefi: mukampindi kanini libili kasunkanya ameulu kabili ne kyalo kyapanshi, ikishiba ne mushili uumine! ⁷ Kasunkanya kila kyalo kyonse, kabili kila kyalo kyonse kikaleta ifintu fya mutengo kuli nemo, kabili kesusha iyi ñanda ne buleme, ifyalabila ba Yawe bamabumba. ⁸ Siliva na golode fyangi! - uku ekulabila kwa ba Yawe bamabumba. ⁹ Ubuleme bwangi ñanda bukaba bukulu kutanshi ukukila ubwakukutanga, efyalabila ba Yawe bamabumba, kabili kapela mutende muli iimpunsha - uku ekulabila kwa ba Yawe bamabumba. ¹⁰ Pabushiku bwa bumakumi abili ne shiku ine mumwenshi wa busanu na bune, mu mwaka wa bubili bwakwa Dalyushi, ishiwi lya ba Yawe lyalishile kuli Agai kasesema, lilelabila, ¹¹ ''Ba Yawe bamabumba balabilefi: bepushe abapapatilishi ukukonka ne mushilo, ne kulabila, ¹² 'kani umuntu asenda inama iyabikwa kuli ba Yawe munsalu yakwe, kabili ne nsalu yakwe yaikata ku mukate nangu ku masuku, faina nangu mafuta, nangu umutundu wakalyo akali konse, bushe kikaba kyamushilo?''' Abapapatilishi balyasukile ne kulabila achi, '' Yoo.'' ¹³ Penka Agai alilabile, ''Kani umo uwafiko pamulandu wa mfwa aikata ku kimo pali fifi fintu, bushe fikaba fya fiko?'' Abapapatilishi balyasukile ne kulabila achi, ''Ee, fikaba fya fiko.'' ¹⁴ Kanshi Agai alyasukile ne kulabila achi, ''Kanshi efyo kili nakuli bano bantu kabili nakuli uno mutundu kutanshi yangi! - uku ekulabila kwa ba Yawe - kabili efili ne kinto ya maboko abo. Ifyo bapela kuli nemo fyafiko! ¹⁵ Kanshi pano, langulukeni mu muchima yenu pafyakale ukufika lukoso napabushiku bwa lelo lino. Apo amabwe takabikwa pa mabwe mwikelesha lya ba Yawe, ¹⁶ penka yali shani? Ili mwaishile mulumba wa kalyo kaseke akalefumya ikipimo amakumi abili kamufuma lukoso ikumi limo; kabili ili mwaishile ku mungomo wa faina uwalefumya ikipimo amakumi abili kamufuma lukoso ikumi limo. ¹⁷ Nalimikyushishe kabili ne kinto ya maboko enu na sundwe ne kabuwa, sombi tamwabwelelepo kuli nemo - uku ekulabila kwa ba Yawe. ¹⁸ Tontokanyeni pabuno bushiku na kuntanshi, ukufuma ku bushiku bwa bumakumi abili ne shiku ine ya mwenshi wa busanu bune, ukufuma kubushiku bwali kitetekesho kya lya ba Yawe kyabikilwe. Kitontokanteni! ¹⁹ Bushe mulishelepo imbuto mubutala? Ifaina, ifichi fya mikuyu, amapomangalate, kabili ne fichi fya kufumyako amafuta tafipangile yoo! Lomba ukufuma pabuno bushiku kamipala mwebo!'' ²⁰ Penka ishiwi lya ba Yawe lyalishile umuku wabubili kuli Agai pa bushiku bwa bumakumi abili ne shiku ine bwa mwenshi kabili ne kulabila, ²¹ ''Labila kuli kateka wa Yuda, Zelubabeli, ne kulabila, 'Kasunkanya ameulu kabili ne kyalo kya panshi. ²² Pakuchi kakifya ifipuna fyabufumu kabili nekonaula ukukosa kwa mabufumu afyalo! Kakifya ifi kochikala fya kondo babili ne bakwendapo; bakabalwe kabili ne bakwendao bakapona panshi, kila umo pamulandu wa kiswi kya mulongo wakwe umwalalume. ²³ Pali bulya bushiku - uku ekulabila kwa ba Yawe ba mabumba - kakusenda webo, Zelubabeli umwana mwalalume wakwa Shealitieli, kochi kalume wangi - uku ekulabila kwa ba Yawe. Kakulenga kochi kambalaminwe ka sitampa, pakuchi na kusala webo! - uku ekulabila kwa ba Yawe ba mabumba!.'''