¹ Ifi baShikulu Yawe ba mwenesha nemo. Mona, nalilengele bantubola ukwima ili ifilyo fitendeka ukumena, kabili, mona, fya filyo fyakupelako panuma yakukesa kwafumu. ² Ili bapwisha ukulya ifyamabula mu kyalo, ali nalabile,'' Mba Yakobi wa kwimakana shani? pakuti munini.'' ³ Ba Yawe kabesakanya palififi.'' Tafyakakitikepo, ''Ifyo balabile. ⁴ Ifi efyo ba Yawe ba mweneshe nemo: mona, baShikulu Yawe balingitile pamulilo ukupingula. Kakyumya umushili, napashi yamenshi pakyalo kabili baonaula ikyalo kabili. ⁵ Lomba kandabila, ''Shikulu Yawe, napapata; nga Yakobi wakwimakana shani? pakuti munini.'' ⁶ Ba Yawe kabesakanya ififintu, ''Tafyakakitikepo? Ekulabila kwaba Yawe. ⁷ Ifi efyo bamweneshe nemo: mona, baShikulu balimakene kubwipi nelubumbu, nolutambo lwa kupiminako mukuboko. ⁸ Penka baShikulu kabalabila, ''Moneni, Ndukubika ulutambo pabantu bangi aba Ishileli shakabashepo. ⁹ Ifipango fyakwa Izaki fikonaulwa ifipwilo fya Ishileli fikonaulwa, kabili kemina iñanda yakwa Yeroboami nemupanga.'' ¹⁰ Ali Amaziya, umupapatilishi wa ku Bethel, Alumine amashiwi kuli Yeloboami, Imfumu ya Ishileli; Amosi amilombela mwebo mukachi kañanda yakwa Ishileli. Ikyalo tekuti kikalikwe mumashiwi yakwe. ¹¹ Pakuti ifyo Amoshi alabile,' Yeroboami akafwa nomupanga, kabili Ishileli mukine akaya mubusha ukufuma muli ino panga.'' ¹² Amaziya kalabila kuli Amoshi, ''Mwebakumona, koya, nokubwela kupanga ya Yuda, kabili kulya ukalye umukante nokwaula. ¹³ Lomba wekaula muno mu Bethel; pakuti kipwilo kabili niñanda yafumu.'' ¹⁴ Penka Amoshi kalabila kuli Amaziya, '' shili wa kwaula nangu ukubona umwana mwalalume. Nemo ndimwina mushi, kabili ndalama ifichi fya mukuyu. ¹⁵ Lomba ba Yawe kabapita nemo ukufuma mukufunga amatanga nokulabila kuli nemo, 'Koya, waule ku bantu bangi aba Ishileli.' ¹⁶ Pano ufweni ishiwi lyaba Yawe, Mwemulabila,' mwikaula mu Ishileli, kabili mwikalabila kuñanda yakwa Isaka. ¹⁷ Penka ifi efyo ba Yawe balabila, abakashi benu bakaba amaule mumushi abana benu abalalume na bana benu abanakashi bakapona kumupanga; Ipanga yenu bakaipima kabili nokuyabanya; mukafwila mukyalo kyafiko, kabili Ishileli akaya mubusha ukufuma muli ino panga.'''