¹ Anweeba ba nkambo yaabo, panai kubazha beenu byafwainwa kabiji byaesakana, byo mwayuuka amba ne anweeba muji na Nkambo yenu mwiulu. ² Twajijilai kuukosa mu miloombelo, mulabeenga ne kukeenkenta mu kusaanta, ³ Kasa mwituloombeshapo ne atweeba pamo, amba Lesa akoonshe kushiinkula kibelo kwi atweeba kya byaambo, bya kwaamba byafyamika bya Kilishitu, akyo ne amiiwa kyo naikajile mu minyololo. ⁴ Loombai amba amiiwa nkooshe kwi kiluumbulula, byo nafwainwa kwi kyaamba. ⁵ Kasa mweenda na maana kubooba ba paangye, ne kwiingijisha kimye. ⁶ Lekai byaambo byeenu joonse biikale na buupe. Lekai bikale byatobala na mukele, byonkabyo amba mukoonshe kuyuuka byo mwafwainwa ku kuumbula muuntu yeense. ⁷ Noobe biintu byoonse byatala pe amiiwa, Tikikusa ukebiluumbula kwi anweeba. Aye ye muloongo wabutemwe, wa mwiingilo wa kishiinka, kabiiji muzha mukweetu mwi Nkambo. ⁸ Amiiwa namutuma kwi anweeba na ano maambo, amba anweeba mukoonshe kuyuuka pa makatazha aji pe atweeba, kabiiji byonkabyo amba aye akoonshe kutuundaika michima yeenu. ⁹ Amiiwa na mutuma aye pamo ne Onesimusa, muloongo wa kishiinka kabiji muteemwe, ao ye umo mwi anweeba. Abo bakaluumbulula kwi anweeba byoonse bya mweekele kuno. ¹⁰ Alisitakusa, kaili mukweetu, wimwiimuna anweeba, pamo ne Mako, muvwaala wakwa Banabasa(ao ye mwataambwijilepo mikaambizho: Aye inge waiya kwi anweeba, muka mutaambwile), ¹¹ kabiiji ne Yesu ao uteelwa amba Yusitusa. Abe bo ba mukaanda bakweetu ba mwiingilo wa bufumu bwa Lesa. Bajiinga ba nkwaansho kwi amiiwa. ¹² Epafulasa wimwimuna anweeba. Aye ye umo mwi anweeba kabiiji muzha wa Kilishitu Yesu. Aye bimye boonse wimilukuchila anweeba mu miloombelo, byonkabyo amba anweeba mukoonshe kwiimana bapwijijika kabiiji ne kuketela mu byoonse byaswa muchima wa Lesa. ¹³ Pakuuba amiiwa nafwainwa kushimuna amba aye wi mwiingijila byakosa anweeba, na maambo a booba baji mu Laodikea, kabiiji ne booba baji mu Hilapolisa. ¹⁴ Luka shayuuka mutemwe ne Demasa be mwimuna anweeba. ¹⁵ Bemunai baloongo baji mu Laodikea, ne mu Nimfa, kabiiji ne kipwiilo akya kiji mu nzuubo yaanji. ¹⁶ Byo bakataanga ino nkalata mukachi keenu, mukeitaange ne mu kipwiilo kya mu Laodikea, kabiiji ne kumona kuuba amba ne anweeba mwataanga nkalata kufuma ku Laodikea. ¹⁷ Mumwaambile Akipusa amba, "Tala ku mwiingilo yo wataambula mwi Nkambo, amba obeewa wafwainwa kumufikizha." ¹⁸ Luno lwiimu luji ku kubooko kwaaami amiiwa mwiine-Paulo. Vulukai minyoololo yaami. Buupe bukoonshe kwiikala ne anweeba