¹ We mwana wandi umwaume, pepeka ku mano yandi; teyanya amatwi yobe mukufwikisha kwandi, ² pakutila webo wingasambilila pakubaka kabili ne milomo shobe shingacingilila ubwishibilo. ³ Pantu imilomo yabacita ifyabipa intonya na ubuci kabili na kanwa kakwe kalitelela ukucila amafuta, ⁴ Nomba mu kulekelesha aba uwabulanda nge cikuni ica uma, icileputula ngo lupanga ulwatwa. ⁵ Amakasa yakwe yaya panshi ku mfwa; intampulo shakwe shiya shonse ku manda. ⁶ Tapela na mapange ku nshila ya mweo. Nentampulo sha makasa yakwe shakupapa; teshiba ena noko aleya. ⁷ Ili line, we mwana wandi, kutika kuli nebo; tekwesha ukupilibukila ukufuma mukukutika ku mashiwi ya mukanwa kandi. ⁸ Sunga inshila shobe ukufuma kuli ena kabili tekwesha ukwisa mupepi ku mwiinshi wa ng'anda yakwe. ⁹ Muli ilya nshila webo tawakapele ubucindami bobe kuli bambi nangula imyaka ya bumi bobe ku muntu umunkalwe; ¹⁰ abeni tabakasekelele mu maka yobe; no kucula kkobe takwakaye mu ng'ada yambutushi. ¹¹ Nkupela ya mweo obe webo uli nokututa ilyo umunofu obe kabili umubili obe waonaika. ¹² Webo uli no kulanda, ''Nicinshi Nebo napatile inkonka kabili no mutima wandi wasulile ukulungika! ¹³ Nebo shakakutike kwishiwi lya bakafundisha bandi nangula amatwi yandi ku fyakulangilila fyandi. ¹⁴ Nebo nikwepefye ukupwililika ukonaikala mu kati kaa kulongana, pa bantu abakolonganikwe.'' ¹⁵ Nwa amenshi ukufuma mucakutapilako cobe kabili nwa amenshi ayapita ukufuma mu cishima cobe. ¹⁶ Bushe utulonga tobe tu katulaika ukulikonse kabili no tumimana tobe utwa menshi tupita palwelele? ¹⁷ Leka bena babe pali webo weka kabili takuli pa mwenu uwakuba na webo. ¹⁸ Leka akafukufuku kobe kabe akapalwa kabili leka webo usangalale mu mukashi wakubulumendo bobe. ¹⁹ Pantu ea mutmwikwa kabili uwakusenaminwa. Leka amabele yakwe yakwikucishe webo inshita shonse; leka webo ube uwakukonkanyapo mu kutemwa kwakwe. ²⁰ Pantu inshi webo, we mwana wandi umwaume ,onaikile ku bacita ifyabipa? Nicinshi webo ufumbatile icifuba camwanakashi umuncende? ²¹ Yahweh alamona ifili fyonse umuntu acita kabili alatamba inshila shonse isho asenda. ²² Umuntu umubifi ali nokwikatwa ku masambi yakwe; na masambi yakwe yali nokumwikata ena saana. ²³ Ali okumfwa pamulandu ena nabulisha inkonka; ena atangulula kubupiba bwakwe ubukulu.