¹ Umfweni, mwe bana abaume, kufyo wiso alemifunda, no kukutika elyo muli nokwishiba ifintu ifi. ² Ifyo ndemisambilisha fisuma; tamufwile ukusula ukufunda kwakwe. ³ Ilyo nali umwana umwaume uwakwatata, ninshi nalifye umunono kabili umwanafye kuli bamayo, ⁴ balenjeba kabili balelanda kuli nebo ati, ''Leka umutima wikatishe amashiwi yandi; sunga amafunde yandi nokuba no bumi. ⁵ Nonka amano nonka nokwiluka, wilalaba kabili wilasula amashiwi ya mukanwa kandi; ⁶ Wilalekelesha amano nayo yakakusuga; uleyatemwa nayo yakakusunga umutende. ⁷ Amano ecintu cimo icikankala, elyo nnka amano nokuposa fyonse ifyo wakwata elyo ukeluka. ⁸ Amano uyatemwa nayo yakakucindamika; yakakucindika nga wayafukatila. ⁹ Yakakufwika icitebo ca bucindami ku mutwe obe. ¹⁰ Umfwa, wemwana wandi umwaume kabili pokelela amashiwi yandi, kabili ulino kukwata imyaka iingi iya bumi bobe. ¹¹ Nebo ndekufundila munshila yamano; ndekutungulula munshila sha lungama. ¹² Ilyo uleenda, takuli nangula umo uwingeminina munshila yobe kabili ngawabutuka, tawakaipuntule. ¹³ Ikatisha ukusambilisha, wileka kuye; uyalonda, pantu ebuni bobe. ¹⁴ Wilakonka inshila yababifi kabili wilaya munshila ya abo abacita ububifi. ¹⁵ Talukamo, wilapitamo; alukamo muli iyo nshila kabili sendama intulo mpaka bapuntusha umuntu. ¹⁶ Pantu tabasendama utulo mpakafye bacita ububifi kabili tabasendama utulo mpaka bapuntwisha umuntu. ¹⁷ Pantu balalya umukate waa babifi kabili banwa ubwala bwa lufyengo. ¹⁸ Nomba inshila ya bantu abaololoka yaba kwati lubuto lwa kubalilapo uluya lulekulilako ukubuta; lulabeka ukucilamo kabili ukucilamo mpakafye ukwisula kwabushiku kwaisa. ¹⁹ Inshila ya mubifi yaba kwati ni mfishi iya fitisha-- tebeshiba ico bengapuntulako. ²⁰ We mwana wandi umwaume umfwa ku mashiwi yandi; kutika ukutwi kobe kufyo ndelanda. ²¹ Wileka yafumemo mu menso yobe; yasange mu mutima obe. ²² Pantu amashiwi yandi ya bumi kuli abo abayafwaya kabili yabumi ku mubili wabo onse. ²³ Suga umutima obe bwino kabili uleulinda mukucenjela konse, pantu emufuma akamfuku mfuku ka bumi. ²⁴ Wilalanda icishili icishinka kabili wilalalanda ku kanwa kobe amafisakanwa. ²⁵ Leka amenso yobe yaloleshefye kuntanshi kabili ne nkopyo shiloleshe kutanshi yobe. ²⁶ Linganya umupita amakasa yobe; elo inshila yobe ili no kupekanishiwa. ²⁷ Wialukila lubali kukwa kulyo nangula kukwa kuso; bwesha amakasa yobe kububi.