¹ We mwana wandi umwaume, nga webo wapokelela amashiwi yandi no kuyasunga na mafunde ya kuli webo, ² panga amatwi yobe mukukutika ku mano na mukupilibwila umutima obe mukumfwikisha. ³ Nga webo walilila pa mucetekanya no kwimisha ishiwi lyobe pa kumfwikisha, ⁴ nga webo fyena fifwaya kwati webo uuli mu kufwaya silfere no kufwaya pa kumfwikisha elo webo uli mu kufwaya ifyuma fintu bafisa, ⁵ nomba webo uuli no kumfwikiksha akatina ka kwa Yahweh na webo uuli no kusanga amano ya kwa Lesa. ⁶ Pantu Yahweh alapela amano; ukufuma mu kanwa kakwe mwisa ukwishiba no kumfwikisha. ⁷ Ena alabika pamulu iciunda ca mano pa baololoka; ena ali icakucinga pali bonse abo abenda muli bucishinka; ⁸ ena alalinda ne nshila sha bupingushi na ena alasunga inshila isha bacishink bakwe bamo. ⁹ Nomba webo uli no kumfwikisha ubulungami, ubupingushi, no kutambalala, ne nshila shonse ishisuma. ¹⁰ Pantu amano yali no kwisa mu mutima obe, no kwishiba kuli nokuba icawama mu mweo obe. ¹¹ Ubucindami bukalinda pali webo; ukumfwikisha webo kuli no kukulinda. ¹² Bena bakakupokolola webo ukufuma munshila sha babifi. ukufuma kuli abo abalanda ifyabipa, ¹³ ukufuma kuli abo abenda munshila yabalungama no kuya munshila yamfinshi. ¹⁴ No kufuma ku basekelela mu fyabubi nakubasaminwa mu fyabuwelewel. ¹⁵ Bena bakonka inshila isha pondama, no kubomfya ishapotama, bena balifisa inshila. ¹⁶ Amano no bucindami buli no kukupususha webo ukufuma ku mwanakashi cilende, ukufuma ku mwanakashi uushaba noku kanafwa na ku mashiwi ya bubumbimunda. ¹⁷ Uuleka cibusa wakwe uwa ku bukashana bwakwe no kulaba icipingo cakwa Lesa wakwe. ¹⁸ Pantu ing'anda yakwe ilebila panshi kumfwa ne nshila shakwek webo shikakutungulila kuli bonse mu mipolo. ¹⁹ Bonse abo abalya kuli ena tabakalwale napeka, na bena tabakafike kunshi ya bumi. ²⁰ Elo webo uli no kwenda mu nshila ya bantu abasuma no kukonka inshila isha bantu abalungama. ²¹ Pantu abaololoka bali no kupanga imishi yabo mu calo, na bonse aba cishinka bali nokushala mulya mwine. ²² Nomba aba bifi bali no kuputulwa ukufuma mu calo, na babepa bali no kuputulwa ukufumamo muli cena.