¹ mapinnda yakwa Solomoni umwana umwaume uwakwa Dabidi, imfumu yabena Isreali. ² Aya amapinda eya kusambilisha amano no kulangilila ukusambilisha amashiwi ayene yene, ³ Kuti webo wapokelela ukulangillilwa mukucengela mumyendele, umulungami, uwa mulinganya, kabili uwatambalala. ⁴ Aya mapinda eyapela amano kuli balya ababula amano, no kupela abalumendo ukwishiba o kulaikuka. ⁵ Lekeni abantu abamano bakutikeko no kubalundilapo ukusambilila kwabo, kabili lekeni abantu abacengela bakwate amano yakutubulula, ⁶ Ukwiluka amapinda, munsoselo, na mashiwi ya bantu abamano na fityeleko. ⁷ Ukukwatila Yahweh akatina ekutampilapo ukuba na mano-ifipuba fyena filasula amano no kufundwa. ⁸ We mwana wandi umwaume umfwa ukufunda kwa kwa wiso kabili wiksuula amafunde yakwa noko; ⁹ Yali no kuba icisote icawama ku mutwe obe kabili umunyololo uwakukobeka mu mukoshi obe. ¹⁰ We mwana wandi umwaume, nga cakuti ababifi bakutunka, webo wilasumina. ¹¹ Nga cakuti balanda ati, ''Isa kuli fwebo, leka fwebo tuleya babelamina tubepaya, leka tubabelamine no kusansa abantu apabula umulandu; ¹² Leka fwebo tubamine aba bumi, kwati nifilya ishiinshi ipiita abatuntulufye, no kubacita kwati ni aba bonse abaletelemukila mu cilindi; ¹³ tuli nokusangaa umusango onse uwafyuma; tuli no kwisusha amayanda yesu fintu tukabapokolola. ¹⁴ Posa pali fwebo icakwishibilako cobe kabili tuli no kwatafye ituumba limo bonse pamo''- ¹⁵ We mwana wandi umwaume, wilaya nabo munshila; uleshe no lukasa lobe ukukumanya muntu bapita; ¹⁶ Amakasa yabo yalabutukila mukucita ububi kabili balangufyanya kukusumya umulopa. ¹⁷ Pantu uleicushafye ukuteya ubukonde ne coni icine cilemonako. ¹⁸ Pantu balapembelela ukusumya umulopa wabo abene-- balatengamina ubumi bwabo abene. ¹⁹ Elyo efyaba ne mibele ya abo bonse abanonka ifyuma mubucenjeshi; abashili balungami balapiita ubwikashi bwa abo bonse abekatako kuli ici. ²⁰ mano yalebilikisha mu misebo, umwanakashi asansula ishiwilya kwe mu ncende sha palwalala; ²¹ Icaumfwika icongo mu misebo umwanakashi alebilikisha, apakwingilila pa minshi yamu musumba yalanda amashiwi ati, ²² ''Mukafika lilali, mwe bantu abapelwa amano, muli no kutemwa ukupelwa amano? kufika lilali, mwebapunika, muli no kusansamukila mukapuni, kabilik kufika lilali, mwefipuba, muli no kupata amano? ²³ Bweleleni ku kulungika kwandi; Na nebo ndi no kwitulula umupashi wandi pali mwebo; Nebo nkalenga ne fyebo fyandi fikeshibikwe kuli mwebo. ²⁴ Nebo nganaita, na mwebo mulakana ukumfwa; Nebo nganatambika ukuboko kwandi nomba takuli nangu umo uuposako amano. ²⁵ Nomba mwebo mwalisulile fyonse fintu nalemyeba kabili tmwaposeleko amano ku kulungika kwandi. ²⁶ Nanebo ndi no kuseka lintu ,ukaba no bulanda, Na nebo ndi no kumipunika ilyo umwenso ukamishila- ²⁷ Ilyo ico mutima cikamishila kwati mabimbi ne cinkunka cikesa pali mwebo kwati ni cimwela, ilyo ubucushi no bulanda fikesa pali mwebo. ²⁸ Elo muli kwita pali nebo, na nebo nshakasuke; bali no kulamfwaya fwaya, nomba tabakansange. ²⁹ Pamulandu ukuti balipatile ukwishiba kabili tabasalilepo ukutina Yahweh, ³⁰ tabalefwaya ukukonka ukufunda kwandi; kabili balisulile no kulungika kwandi. ³¹ Bali no kulalya ifitwalo ifya mu mibele yabo, kabili ifitwalo fya mu mabala yabo efyo bali no kwikuta. ³² Pantu ukubulwa amano ekukabepaya ilyo bafumako, kabili amasange yafipuba eyali no kubonaula. ³³ Nomba uyo onse uuleumfwa kuli ebo ali no kwikalafye bwino kabili ali no kwikala umutende ukwabulo kutina ubwafya.''