¹ Yahweh alandile kuli Mose ati, ² "Landa kubantu bamu Israele ati, 'Umwanakashi ngaba babukulu nokufyala umwana umwaume, ninshi umwanakashi aba uwakowela panshiku cine lubali, aba ngafilya fine aba ngaba kumwenshi. ³ Napa bushiku bwalenga cine konse konse umubili wamwana umwaume ufwile ukuputulwa. ⁴ Elyo umwanakashi ali nokulolela panshiku amakumi yatatu nashitatu. Tafwile ukwikata kufintu ifyamushilo nangula ukwingila muncende yamushilo mpaka inshiku shakusanguluka shapwa. ⁵ Lelo nga cakutila afyala umwana umwanakashi, lyena cili nokusendafye imilungu ibili umwanakashi alifye uwakowela, ngafilya fine aba ngali kumwenshi. Elyo ali nokulolela panshiku amakumi mutanda namutanda pakuti umwanakashi asanguluke. ⁶ Ilyo inshiku shakwe ishakusanguluka shapwa, isho afyalilepo umwana umwaume nangula umwana umwanakashi, ng papita umwaka umo alinokuleta icabupe icakoca, ukubikapo nakana kacipele nangula inkunda ngomutulo wakufuta ububifi, mucilonganino cakuko longaninamo, kuli shimapepo. ⁷ Elyo ali nokutula pantanshi yakwa Yahweh pakumufutilako, elyo ena ali nokuba uwasanguluka kukufumishiwa kwa mulopa. Aya emafunde yapa mwanakashi onse uwafyala umwana umwaume nangula umwana umwanakashi. ⁸ Nga cakuti umwanakashi uyo takwete umwana wa mpanga ninshi afwile ukuletafye utukunda tubili nangu utwana twafipele tubili, kamo kelambo lyakoca nakambi kapamutulo wapa bubifi, na shimapepo ali nokumutulilako; nao lyena ali nokusanguluka."'