¹ Ku bwa bluu,nobwakafifi, nobwa kashika ,nobwakashikilila, nobwakashikilila cee, bena bakapangila insalu ishakupikula pakubomba mucifulo camushilo. Bena bapangiile Aroni ifyakufwala pacifulo camushilo, fintu Yahweh akwete ukukonkomesha Mose. ² Basalele apangile insalu kuli golide, nobwa bluu, nobwa kafifi,nobwa,nobwakashika , nobwa kashikilila cee, kuli kolokondwe uwawamishiwa bwino. ³ Bena balyumine golde ukumupapatalika ukupanga kwati fipande no kupataula fyena muli tunsambo ututtali, mjukubomba twena utwa bluu,notwakashikilila, notwakashika cee, ubwakuli akolokondwe uwawamishiwa bwino, umulimo uwakwa kapikula. ⁴ Bena bapangile kucakufwala cakwa tufiputulwa utwakubika pafipeya, utwakwikata pamuliu wamatungiutwakobenkana. ⁵ Nobwakashikacee ubwa mipangalala yali kwati cakufwala; ici ai icapangwa kucipande cimo icakufwala, icapangilwe kulikolondwe uwawamishiwa bwino juwali uwa golide, bluu,nobwafita-nobwakashikila ngafintu Yahweh akonkomeshe Mose. ⁶ Bena bacitile nga amabwe aya Shohamu, ayaisalilwa mukubikwako golide, ayashilwapo ngemishililwe yacikomeneno, nomwabelele kumashina yabana bakwa Israeli abana baume ikumi nababili. ⁷ Baselele abikile bena tufipande pamebeya yabo pacakufwala,amabwe ayakwibukisha Yahweh kubana bakwa Israeli bana baume ikumi nababili, fintu Yahweh akwete ukukonkomesha Mose. ⁸ Ena apangile natufipande utwa pa cifuba, umulimouwakwa kelengenya, mumipangilwe kwati cakufwala. Ena apangile cena kuli golide, uwa bluu, nowafita, nowakashikilila,nowakashikilila cee. ⁹ Ali uwalingwa monse monse. Bena balipetele tufipanade utwapacifuba utwapampinkana pamo. utu twali icipande cimo icitali necipande cimo mubufumo. ¹⁰ Bena balibikile mukati ifi umilongo na mabwe ayakosa umutengo. No mulongo uwatampilepo walkwete Sardi, na Topashi, na smaragidi. ¹¹ Nomulongo uwabubili walikwete nofeki, nasafri, na Sardonukisi. ¹² Nmulongo uwalenga itatu walikwete leshenu, agate, na amatusti. ¹³ Nomulongo uwalengaine walikwete krusoliti, shohamu, na yaspi. Nambwe yalibikilwe muli golde wapikulwa. ¹⁴ Nambwe yali ayapekanishiwa ukulingana namshmna yabana abaume abakwa Israeli ikumi limo nababili, cila umo umwabela ishina. Bena kwati kushilwa kwacaisalilwa, cilaishina lyaiminina pali umo uwamumishobo ikumilimo naibili. ¹⁵ Pacapacifuba bena bapangilepo iminyololo kwati myando, imibombelwe iya golide uwawama. ¹⁶ Bena bapangile nefyapikulwa kuli golide fibili nakupipeto ibili iya golide, nabena babikileko nemipeto ibibli mumakoona yabili ayapacifuba. ¹⁷ Bena balibikilepo nemyando ibili iya golide mumipeto ibili muma koona yacifuba. ¹⁸ Bena balibikilepo nafimbi mulutwe ulwamyando yaminyololo mufyapikulwa fibili. Bena balibikileko fyena pakubeya ifiputulwa fyansaluicapantanshi. ¹⁹ Bena baipangile nepeto ibibli iya golide nokubika yena pamakoona yambi yabiliaya paciba, napalutwe ulwa nsalu ica muputule uwamukati. ²⁰ Bena balipangile naimbi imipeto ibili iya golide nokuikambatika yena kumo pesambalyafipande fibili ifyapakubeya ifipe fyali pantnshi yansalu, mupepi napacakobenkana caciko pamulu wacikakilo cansalu yapacifuba. ²¹ Bena balikakile necapacifuba kumipeto yaciko kucakufwala kumupeto kumwando wa bluu, elo ukweba ati cifwile ukukambatikwa nomba pesanba lyansalu icakashika cee icapacifuba. Ici cali mukweba ati icapacifuba tacifwile ukwisaba icakambatikwa ukufuma kunsalu. Ifi ifintu catitilwe ukukonka nafintu Mose bamukonkomesha. ²² Baselele apangile umwingila wansalu onse uwafita, umulimo wakwa kapikula. ²³ Ici caaliicaisuka pamutwe akati. No kwisuka kwali kwete umusono kulutwe ukushunguluka pakweba ati tekuti cilepwike. ²⁴ Napesamba ilyacisempe, bena balipangilepo nama pomegranate aya bluu, naya kashikacee, nayakolokondwe wawama. ²⁵ Bena balipangile nenyengele kli golide umusuma, nabo balibikile nenyenjele pakati ka pomegranate ukushungulusha monse pesamba lya lutwe ulwa mwingila, pakati ka pomegranati- ²⁶ inyenjele nama pomegranate, palutwe ulwamwingila wakwa Aroni uwakubombelamo. Ifi efintu Yahweh akonkmeshe Mose ²⁷ Bena balipangile no mwingila wawama uwakolokondwe uwakwa Aroni nabana bakwe abume. ²⁸ Bena balipangile nemingila iyakolokondwe nemipangalala niyakoklokondwe, namatotoshi ayakolokondwe, ²⁹ nomushipi uwakolokondwe nakuwafita, nowakashikiliala,nowakashika cee, nomulimo wakakapikula. Efintu Yahweh akonkomeshe Mose. ³⁰ Bena balibikile necapapatala icamushilo kuli golide umusuma; bena balilembelepo pali ceena, kwati cakulembapo icakufwatikapo, uwamushilo Yahweh.'' ³¹ Bena balikambatikeko kumwando uwafita, nowakafifi, nokukaka pamulu wacitebo.Ifi efyebo fintu Yahweh akwete ukukonkomesha Mose. ³² Elyo umulimo wakwikalamo, netenti ilyakukumaninamo, wapwile. Nabantu bakwa Israeli efyo balecita ifintu fyonse. ³³ Benabalikonkele fyonse ifyalangililwe fillya Yahweh akwete ukupela Mose. Bena baliletele necakwikalamo kuli Mose__netenti nefibombelo fyaliko fyonse, utwakukofyamo, namafulemu,nempindo hyauko, ³⁴ nefyamikwa, nashinte yauko; necakufimbapo campapa yabasukusuku iyawamishiwa bwino, necakufimbapo campapa aba Tehashi; nempashila iyakucingililako , ³⁵ necipao cacishimiko,elyo icawama elyo nemyalo nenkupiko yacakukonsolwelapo. ³⁶ Bena baliletele netebulo, nefipefyonse, nemikate yakucinso; ³⁷ necakutekapo akatolitoli kuli golide uwawama notutolitoli mumilongo, ³⁸ nefipefyonse ifyafiko namafuta ayamututolitoli; necipailo ic golide, namafuta yakusuba, nefyanunkila bwino; necakukobeka pamwinshi wacakwikalamo; ³⁹ necipailo camukuba necakwisalako icamukuba ne myalo yaciko nebeseni ilikulu pamo neshinte lyaciko. ⁴⁰ Bena baliletele necakukobeka cakumusolo nefyaimikwa amashinte, nempashila ishakumwinshi wapamusolo; nomwando wauko nefyakumanika ifyakwitenti nefibombelo fyonse ifya mulimo wamucakwikalamo, mwitenti lyakukumaninamo. ⁴¹ Bena baliletele nensalu ishakubombelamo muncende yamushilo, insalu isha mushilo sha kwa Aroni shimapepo nabana bakweabaume, pantu bena kubomba iyabushimapepo. ⁴² Ifyo abantu bakwa Israeli imilimo yonse fintu Yahweh akwete ukukonkomesha Mose. ⁴³ Mose alyeeseshe umulimo onse, nomba,moneni, bena nabaumba. Elo Uahweh alikwete ukukonkomesha, muli ilyanshila bena baubembelemo. Nomba Mose bena alibapalile.