¹ Besele apangile icipailo cakuninikilapo ifyamusangulo kufimuti fyamushita. ici cali amata yasano ubutali kabili amata yasano mubwipi-cali icamatungi yane ayalingana nokusansuka cali amata yatatu. ² Ena apangile ukulandaku kwacika mumatungi yane ukumoneka ukwapala amasengo yang'ombe. Ayo masengo yapangilwe kucipimfya cimo kucipailo, naena ici acikupike kumukuba. ³ Ena apangile ififyonse fyakucipailo- inongo kumito,bashofolo, umwakusambila,ifyakutunkilwako inama, nefyakwikatilako umulilo. Ena apangile ifipe fyonse kukukuba. ⁴ Ena apangle ne capikulwa kucipailo, nobukonde ubwamukuba nokubika pesamba kunembenembe, icipande cimo ukuyapanshi ukufika pakati. ⁵ Ena aposelemo imipeto ine kumatungi yane. Kucapikulwa camukuba, elo icakwikatilako imyalo. ⁶ Basele apangile imyalo yakucimuti camushita nokufimba bena kumukuba. ⁷ Abikile nemyalo monse mumipeto mumbali yacipailo, ici pakucisenda. Apangile necipailo icaisuka, ukufuma kufipapatu fyafimuti. ⁸ Basele apangila icakusambilamo icikulu kumukuba kucakwimikilako kumukuba. Apangile ifyakusambilamo ukufuma mufyakuloleshamo ifyalolele kubanakashi abo abalebombela apakwingilila mwitenti lyakulanshanishishamo. ⁹ Apangile nomusolo. nefyakucinhga kumusolo shali insalu ishabuta ishisuma amata umwanda umo lubali lwakukabangakukulyo. ¹⁰ Ifyakucinga fyakwete inongo amakumi yabili, kufyakwinininako fyamukuba amakumi yabili. Kulya kwali notwakukobekako notumuti utwakunongo twali utwa silfere. ¹¹ Cimo cine ukulola kulubali lwakukapinda kakukusoo, kulya kwaliifyakucinga amata umwanda umo ubutali kunongo amkumi yabili, ifyakwimikako amakumi yabili, utwakukofyamo utwaikata kunongo, na sifere utumuti. ¹² Ifyakucinga lubali lumo kumasamba lubali kwali amata amakumi yasanoubutali, kunongo ikumi nefyakwikwimininako. Notwakukobelemo notumuti utwakunongo twali twa silfere... ¹³ Nomusolo wali pamo amata yasano ubutali kukabanga ukulola ukwatula akasuba. ¹⁴ Nefyakucingilila kulubalilumo lwapakwingilila kwali amata ikumilimo naisanoubutali. Bena bali nenongo shitatu kufyakwimininako fitatu. ¹⁵ Nakulubali lumbi ulwakwingilila mumusolo kwali pamo ifyakucingilila amata ikumi limo naisano ubutali, kunongo shitatu nefyakwimininako fitatu. ¹⁶ Fyonse ifyakucingililila ukushungiluka umusolo fyali ifyapangwa kunsalu ishisuma. ¹⁷ Nefyakwimininako fyakunongo fyena fyapangilwe kumukuba. No twakukofyamo notumuti ifyakunongo fyapangilwe kuli sifere, nokukupa kapamulu kwali wanongo kwali pamo ukwapangwa na silfere. Inongo shonse isha musolo kwalikupilwe silfere. ¹⁸ Nempashila shakumwinshi wamusolo shali amata amakumi yabili ubutali. Nempashila shapngwilwe kufita kanono, neyakashikilila, neyawamisha, iisuma iyabuta, nayo yalikwete amata yabili mubutali. ¹⁹ Ici cali amata amakumi yabili ubutali namata yasano mukusansuka, icapala impashila iyapamusulo. Ici calikwete ifyakwimininako fine ifyamukuba notwakukobelako utwa silfere. Nefyakukupa ifyanongo shabo notumuti twafiko twena twapangilwe kuli sifere. ²⁰ Fyonse ifyakwikata itenti lyakulanshanishishamo nomusolo fyapangilwe kumukuba. ²¹ Ififipe fyali mucakulanshanhishamo, icakulnshanishishamo necipingo camafunde, pamo ngafintu cakulilwe ukulingana nafintu Mose alandandile.Wali mulimo wabena Lebi pesamba lwakutungululwa kwakwa Itamari umwana mwaume wakwa Aarone shimapepo. ²² Basele umwana mwaume wakwa Uri, ukufuma mumukowa wakwa Yuda, apangile ifintu fyonse fintu Yahweh akonkomenshe Mose. ²³ Oholiabu umwana wakwa Ahisamaki, ukufuma mumukowa wakwa Dani, abombele kuli besele elo nagakabasa, elo umuntu uwakanshiwa, namukubuta kusuma. ²⁴ Golde onse ulyauwalebomfiwa kumulimo wabukule, mumulimo onse uwasuntinkene kuncende yamushilo- na golde ukufuma kucamusangula wacakushinshika-wali amatalanta amakumi yabili napabulanamashekele 730 mukupima ukwawama ukwamashekele yamwashili. ²⁵ Silfere uwapele kuba mucilonganino ofinine amatalanta umwanda umo na 1,775 amashekele umwabela amashekele yamwashila, ²⁶ nangu beka umo pamuntu umo, ukweba iti icipande cashekele, mukupima kwamashekele, mukupima kwa mashekele yamwashila. Ii cipendo caishilefika mumulingo wamuntu onse mumpendwa yabapendelwe, abo imyaka amakumi yabili nabakucilapo__603,550 abaume muli bonse. ²⁷ Amatalanta umanda umouwa silfere yaposelwe pamashinte ya mpashila___amashinte umwanda umo, itanta limo kuli cilashinte. ²⁸ Kuyashelepo 1,775 amashekele ya silfere, Basele apangile utwakukofyako kunongo, nokukupa pamulu wanongo, nokuma utumuti kuli bena. ²⁹ Necamusangu camukuba icafumine mukushinshika calipiminwe amatalanta amakumi yabili namashekele 2,400. ³⁰ Kulifi ena apangile ifya kwimininako kukwakwingilila kwi tenti lya kulanshanishishamo, icipailo camukuba cakwe camukuba, nefibombelo fyakucipailo, ³¹ necakwiminininako icamumusolo, necakwimininako pamusolo wapakwingila, fyonse ifyakwikata itenti umwakulanshanishisha, notwakwikata itenti lyapamusolo.