¹ Ilyo abantu bamwene ati Mose aposenshita mukwisa koka ulupili, bena bakolongene ukushinguluka Aarone nokulanda kuli ena ati, ''Isa, utupangile fwebo umulungu ati fwebo uletutangilila kuntanshi. Elo pantu uyu Mose, umuntu uyo uwatupilwishe ukutufumya mucalo ca Egupti, fwebo tatuli mukwishiba ici citike kuli ena. Elo ² Aarone alandile kuli bena ati, ''Fumyeni intenga sha golde isho ishili kumatwi, yabakashi benu, na kumatwi yabana benu abauma na bana abanakashi, no kushileta kuli nebo. ³ Abantu bonse balimukufumya intenga shabo isha golde isho ishli kumatwi yabo no kushileta kuli Aarone. ⁴ Ena alipokelele ifya golde ukufuma kuli bena, noku cipangila kumbaso, no kupangamo umwana wa ng'ombe uwa engwa. Nomba abantu balandile ati, ''Israele, uyu ee lesa obe uwakupilwishe ukukufumya mu calo ca Egupti. ⁵ Ilyo Aarone amenefi, ena alikulile icipailo kutanshi yamwana wa ng'ombe nokubilisha; alandile ati, ''Mailo bukaba bushiku bwa mutebeto bwelambo muli Yahweh mukankala. ⁶ Abantu bali mukwima bwangu ubushiku bwankeiepo no pilusha ifya nokuleta amalambo ya mutende. Nomba bena balikele panshi ku kulya no kunwa, no nomba bali mukwima no kusefya mu mpangs. ⁷ Nomba Yahweh alandile kuli Mose ati, ''kabiye bwangu, pantu abantu bobe, abo webo wapilwishe ukufuma mu calo ca Egupti, na bayonaula abene beka. ⁸ Bena nabafuma bwangu munshila iyo Nebo na bakonkomeshe bena. Bena na baipangila umutepa wa ng'ombe abene bali muku ushinshimuna balimukupelako na malambo kuli cena. Bena bali mukulanda ati, Ísraele, uyu e leas obe uyo uwa kupilwishe ukukufumya mu calo ca Egupti.'''' ⁹ NombaYahweh alandile kuli Mose ati, ''Nebo nimona aba bantu. Lolesha, bana bantu abatalama imikoshi. ¹⁰ Ililine nomba, wiesha nebo uknjimika. ubukali bwandi bena bulimukubemina nokubocha ukukaba, elo Nebo bena ndinokubonaula. Nomba Nebo ndi nokupanga uluko ulukulu ukufuma muli webo.'' ¹¹ Nomba Mose aalimukwesha ukutalalika tondolo Yahweh Lesa wakwe. Ena alandile ati, ''Yahweh, cinshi ico ubukali bwenu buleocela abantu benu, abo mwebo mwafumishe ukufuma mu calo ca Egupti kumak ayakulu na kukuboko ukwa kosa? ¹² Cinshi abena Egupti bakasosa, 'Ena alibatungulwile bena uku batwala mububi, kukubepaya bena mu mpili no kubonaula bena ukufuma kumenso ya pano isonde?' Bweleni ukufuma mukoca kwa bukali bwenu no kulanguluka u kufuma kuli ubu bubi kubantu benu. ¹³ Iteni mumano kuli Abrahamu, Isaki, na Israele, aba bomfi benu, kuli abo mwalapilepo kuli mwebene mweka no kulanda ati kuli bena, 'Nebo nkacita ulupwa lobe elo ulwingi elo ngentanda isha mumulu, na Nebo nkapela ku lupwa lobe icalo conse ici kufyo Nebo nalandile. Bena bakacikwata lyosefye.''' ¹⁴ Nomba Yahweh alangulwike ukufuma ku kucita ububi ubo alandile ena apangile pa bantu bakwe. ¹⁵ Nomba Mose alipilibwike kunuma nokukoka ulpili, na senda ne fipandwa fibili ifya cipingo ifya mafunde mu minwe yakwe. Ifi pampa palembelwe ponse kulya kumbali shonse, pali fyose kuntashi na kunuma. ¹⁶ Pafipampa wali weka umulimo wakwa Lesa, no kulemba kwali kulemba kwakwa Lesa umwine ukwashilwa pa fipampa. ¹⁷ Ilyo Yoshua aumfwile ukukafya kwa bantu elo bena bali mukubilikisha, ena alandile ati kuli Mose, ''Kulya kuli icongo ca nkondo mu nsakwe.'' ¹⁸ Nomba Mose alandile ati, ''Ico te congo cabali mukucimfya, nangu icongo ca bantu abali mukucimfiwa, nomba congo ca bali mukwimba ico Nebo ndimukumfwa." ¹⁹ Ilyo Mose afikile pa nsakwe, ena amwene umwana wa ng'ombe na bantu bali mukucinda. Ena alikwete sana ubukali. Ena ali posele ifipampa ifyali mu minwe yakwe no kufitobaula mwisamba lya lupili. ²⁰ Ena alibulile umwana wa ng'ombe uyo abantu bapangile, ali ocele, aushona ula waba imito, auposa na mumenshi. Nomba ena alengele na bantu bakwa Israele ukunwa amenshi ayo. ²¹ Nomba Mose alandile ati kuli Aarone, ''Cinshi ico aba bantu bacitile kuli webo, ico webo uletele ulubembu ulukulu pali bena. ²² Aarone alandile ati, ''Mwileka ubukali bwenu bwime no koca mwe shikulu. Mwebo na mwishiba aba bantu ifyo bena bali mukupatukila mukucita ububi. ²³ Bena balandile ati kuli nebo, 'Tupangile fwebo lesa uyo uwakuya kuntanshi yesu fwebo. Elo pantu uyu Mose umuntu uyo uwatufumishe ukutupilusha ukutufumya mu calo ca Egupti, fwebo tatwishibe ico iciponene pali ena.' ²⁴ Elo Nebo nalandile ati kuli bena, 'Uyo onse uukwete golde, lekeni ena afumye. Bena bali mpele nebo golde na Nebo nati muku uposa mu mulilo, no kufumyamo uyu umwana wa ng'ombe.' ²⁵ Mose alimwene ati abantu nabalekelesha (pantu Aarone alibalekele bena ukufuma mukuisakamana, cali mukulenga na balwani babo ukulabapunina). ²⁶ Nomba Mose aliminine pa mwinshi wa nsakwe nokulanda ati, ''Uyuo onse uuli kulubali lwakwa Yahweh, ese kuli nebo.'' Bonse abena Lebi bakolongane ukushinguluka wena. ²⁷ Ena alandile kuli bena ati, ''Yahweh, Lesa wakwa Israele, asosele ifi: Lekeni umwaume onse abike ulupanga lwakwe kulubali lwakwe nokuya kunuma na kuntashi ku mwinshi no mwinshi monse mu nsakwe nokwipaya munyina, na cibusa wakwe, nomwina mupalamanowakwe.'' ²⁸ Abena Lebi bacitile ifyo Mose abebele. Bulya bushiku nalimo amakana yatatu aya bantu bali fwile. ²⁹ Mose alandile ku bena Lebi ati, ''Mwebo mwaba aba bikwa mu mulilo wakwa Yahweh ilelo, pantu onse uwa muli mwebo ali cita icipapo pa mwana wakwe umwaume napali munyina, elo Yahweh alepela mwebo amapalo lelo.'' ³⁰ No bushiku bumbi Mose alilandile ati kubantu, ''Mwebo na mucita ulubembu ulukulu sana. Nomba Nebo ndeya piluka kuli Yahweh. Limbi Neba kuti na micitila ukumipwisha ulubembu lwenu." ³¹ Mose alibwelelemo kuli Yahweh no kulanda ati, "Owe, ababantu nabacita ulubembu ulukulu no kuipangila abenebeka umulungu uwa goide. ³² Nomba line, mukwai lekeleleni ulube wabo; nomba nga tamulefwaya, nebo mumfute mwibuku ilyo nebo mwanembamo." ³³ Yahweh alandile kuli Mose ati, "Uyo onse uwabembuka kuli nebo, uyo muntu Nebo eo nkafuta mwibuku lyandi. ³⁴ Elo nomba kabiye, katungulule abantu kuncende iyo Nebo nalandile kuli webo. Mona, bamalaika bandi bakaya pantanshi yobe. Nomba pa bushiku ubo Nebo nkabapempula, Nebo nkapempula bena pa lubembu lwabo." ³⁵ Yahweh atumine ubulwele pabantu pantu bena bapangile umwana wa ng'ombe, umo uyo Aarone apangile.