¹ Nomba Yahweh alandile kuli Mose nokwebati, ² ''Mona, Nebo ni njita mwishina Besalele umwana mwaume wakwa Uri, ukufuma mumukowa wa kwa Yuda. ³ Nebo ni njisushamo ku mupashi wandi, ku kupela amano, nokwishiba, na umucetekanya, kuli bonse abamitundu kuli bakabomba, ⁴ Ku kwelenganye finjelengwe na ku kuboko muli golde, Silfer, no mukuba; ⁵ Pamo no kuputula nokuyalinganya amabwe noku fonkola ifimuti-kukucita imitundu yonse ya kwa kabomba. ⁶ mu kulandapo kuli ena, Nebo ninsonta Oholiabu umwana mwaume wakwa Ahisamaki, ukufuma mumukowa wakwa Dani. Nebo nimbi ka ubwishibilo mu mitima ya abo bonse aba mano elo atibena bali no kucita fyonse ifyo Nebo webo na kwebele. Ifi fyakulundapo ⁷ ne hema lyakulansha nishishamo, ne cipao ca bunte, ne cakukonsolwelapo ca kupiko icili pa cipailo, na fyonse fipe ifya mwi hema- ⁸ netebulo nefipe fyaliko,necakutekapo akatolitoli icasanguluka nefipe fyaciko, necipailo ca kufutu mwinapo, ⁹ ne cipailo cakuninikilapo ifya misangulo pamo nefipe fya ciko fyonse, ne cakusambilamo icikulu ne cakute kapo. ¹⁰ Nefi ifya kukumbinkanya fyakushalikisha nefya kufwala ifya pikulwa- ify kufwala fya mushilo fyakwa Aarone shimaprpo na bo abana bakwe abaume, aba pekanishiwa kuli nebo elo ati bena babe no kubomba nga bashimapepo. ¹¹ Nefi ifya kukumbinkanya na mafuta yakusuba na yacena cisuma yamu ncende yamushilo. Aba bakabomba bali nokupanga ifi fintu fyonse pamo elo Nebo namyebele . ¹² Nomba Yahweh alandile kuli Mose nokulanda ati, ¹³ ''Landa kubana bakwa Israele: 'Webo uli nokubaka inshiku shama sabata yakwa Yahweh icine cine, pantu ifi fikaba icishibilo pakati ka ena na mwebo monse mubantu benu munkuloshabo elo ati mwebo mebe no kwishiba ati ena ni Yahweh, uyo uwamishishishe kuli ena wine. ¹⁴ Elo webo uli nokubaka isabata, mubobele ena, Onse uyo uwalyangusha ali nokubikwa ku kwipaiwa icine. uyo onse uwabomba pesabata, uyo muntu icine ali no kuputulwa ukufuma mu bantu bakwe. ¹⁵ Ukubomba kuli nokucitwa munshiku mutanda, nomba ubushiku ubwa cinelubali likaba lisabata ubwa pwililika ukutusha, bwa mushilo nkutanshi yakwa Yahweh. Uyo onse uwacitamo umulimo wakubomba pabushiku bwe sabata icine ali nokubikwa ku kufwa. ¹⁶ Eico abena Israele baali nokubaka isabata. Bali nokulisunga ili monse mubantu babo munkulo shabo nge cipope cakubelelela. ¹⁷ Isabata cikaba lyonse icishibilo pakati kakwa Yahweh na bena Israele, pantu munshiku mutanda Yahweh acutile umuntu na pano isonde, napa bushiku ubwalenga cine lubali ena ali tushishe no kupema.''' ¹⁸ Ilyo Lesa ali mukupwisha uklanda kuli Mose pa Lupili lwa Sinai, ena amupele ena ambw yabili ifya fipope na mafunde, aya pangilwe kumabwa, ifya lebelwe ku minwe yakwe umwine.