¹ Yahweh alandile kuli Mose, ² ''Eba abena Israeki ukusenda icabupe kumuntu onse uwakoseleshiwa mumutima wakwe umwine. Ufwile ukupokelela ifi fyabupe fyandi. ³ Ifi ifyabupe fintu ulingile ukupoka ukufuma kuli bena: golide, silfere, ⁴ nomukuba, nobushishi bwakafifi, nobwakashikilila , nobwakashika ce;nensalu shakolokondwe: neshamako yambushi, ⁵ imikupo yabasukusuku iyakasulwa, nemikupo yaba tehashi, nefimuti ifyamishita; ⁶ amfuta yanyali shacinyumbanyumba; ifyafyena fyamafuta yabusubo, nefyacena fisuma; ⁷ amabwe ayashoma namabwe yambi ayasuma kukubikwa kukucakucinga naku nkwela. ⁸ Leka bakambiKile icInyumbamnyumba pakuti inkekale pakati kabo. ⁹ Ulingile ukucipanga ukulingana nafintu nkakulanga mumapange yacinyumba nyumba mulifyonse ifibombelo fyaciko. ¹⁰ Kabili bakacite icipao cafimuti fya mushita. Imikono ibili na hafu ebutali bwaciko, kabili umukono umona hafu ecimo caciko. ¹¹ Kabili ukapamineko golide uwalolopolwa, mukati kakunse ukacipumine,ukashungulushepo nomunyimba wa golide. ¹² Ukacibikeko nemipeto ya golide ine pali cena , nokubika bena mufifutu fine; imipeto ibili kulubali lumo ulwaciko, nemipeto ibili imbi kulubali lumbi ulwaciko. ¹³ Ukapange neyomitembo iyafimuti fyamushita,nokubikako golide kuli fyena. ¹⁴ Neyo mitembo ukabike mumipeto kumbali yacipao mukusendeleko icipao. ¹⁵ Imitembo ikabe mumipeto yacipao: bena tabakaifumyemo awe. ¹⁶ Nawebo ukabikemo mucipao icishimiko cintu Nebo webo nkakupela. ¹⁷ Ukapange icipuna caluse uli golide uwawama: amata yabili necipande ubutalibwaciko, nobuta bumo necipande ekusalala kwaciko. ¹⁸ Nawebo ukapange ba Kerubi babili aba golide, kumilimo uwakuma eko bena ukabapangile, mumbali monse mubili ishacipuna caluse. ¹⁹ Nokupanga Kerubi umo kulutwe lumo, na Kerubi umbi kulutwe lumbi: nangu nikucipuna caluse webo ukapangileko ba Kerubi kundutwe shonse shibili. ²⁰ Naba baKerubi abasabalika amapindo yabo ukulola mumulu, nokufimba icipuna caluse kumapindo yabo, namenso yabo bafwile balolesha kuli umo nomubiye; ukulola kucina caluse eko amenso yaba Kerubi yalinokuba. ²¹ Nomba ulinokubika icipuna caluse pamulu wa cipao; namukati kacipao ukabikemo icishimiko cintu Nebo nkakupela. ²² Namulya Nebo nkalakukumanya pamo na Nebo Nkalalanda nawebo ukufuma pamulu wacipuna caluse, ukufuma pakati kaba Kerubi babili abali pacipao cacishkimkko kufintu fyonse ifyo Nebo Nkakupela mumafunde yabana bakwa Israeli. ²³ Kabili ukapange pamo itebulo lyafimuti fyamushita: amata yabili yakabe ebutali bwaciko, nobuta bumo ekusalala kwa liko, nobuta bumo necipande ekusalala kwaliko. ²⁴ Ukabikeko na golide kuli lyena uwawama, ukapange kulya icibalika ca golide ukushungulushako. ²⁵ Ukapangeko kuli lyena umushingo wa mukuboko kwa salala ukushungulushako, nokumbako umushngon wa golide mumbali ukushungulushako. ²⁶ Na webo ukapange pali lyena imipeto iya golide ine, nokubika imipeto ine mufifutu ifili pamakasa yaliko. ²⁷ Pamulu pamushingo epo pakabe imipeto pacifulo camitembo iyakupingilako itebulo. ²⁸ Kabili ukapanga imitembo kufimumuti fya mushita, nokubikako kuli lyena golide, icakwebati itebulo bakalelipingingilako kuli lyena. ²⁹ Kabili ukapange notubeseni twaliko,nemitokoto, nefyakufimba fya liko, nenkombo, mukufimba pali lyena kuli golid uwawamisha efyo ukapange lyena. ³⁰ Kabili ukalebikapo imikate petebulo lyonse kuntanshi yanebo. ³¹ Kabili ukapange apakuteka akatolitoli kuli golide uwawamisha: Kumulimo wakumako icakutekapo akatolitoli kuli dgolide uwawamisha eko kakapangilwe: Ishinte yaciko , nemisambo yaciko, notubeseni twaciko, nefifuu fyaciko, namaluba, filinokuba cimocine. ³² Nemisambo mutanda ikesa ukutula mumbali yaciko; imisambo itatu iyacakutaekapo akatolitoliukutula mulubali lumo, nemisambo itatu iyacakutekapo akatolitoli ukutula mulubali lumbi. ³³ Utubesni tutatu utwapangwa mukati kwati ni Mualmonde, ku fifutu namaluba mumbali ya musambo umo ; ifyofine mumisanbo mutanda iyafuma mucakutekapo ututolitoli: ³⁴ Namucakutekapo akatolitoli mukaba utubeseni utwapangwa kwati mukati ka Mualmonde, nefifutu fyaciko namaluba yaciko. ³⁵ Kabili kukaba ne citutu mwisamba lya misambo ibili cimo cine, necitutu mwisamba lya misambo ibibili iikaba cimo cine, umwabela imisambo mutanda iyatwalilila ukutula icakutekapo akatolitoli. ³⁶ Ififutu fyaciko ne misambo yaciko fikaba cimo cine: fyonse ifi fikaba cimocine ifyaumwa mukubomba ukwa golide uwawamishiwa bwino. ³⁷ Kabili ukapange ututolitoli cinelubali ishaciko; nabena bakalaasha ututolitoli twatuko, ukweba ati twena tukalapela ulubuto pamulu pali cena. ³⁸ Na tulumano twatuko, notwakwikata umulilo twatuko, notwakukaba utwa golide uwawamishiwa bwino. ³⁹ Kwi talent yakupiminako golide uwawamishiwa bwino eko ena ici akacipangile, nakfipe ifi fyonse. ⁴⁰ Nomba mona ukufipanga fyena panma yamicitilwe, iyo webo walangilwe muli ululupili.