1 Elo Yahweh alandile kuli Mose, ''Isa kuli nebo-webo, Aarone, Nadab, bakuli abali amakumi cinelubali abamu Isreali, Nokumpepa akatalamukila. 2 Mose eka kuti aisa mupepi nanebo. Aba bambi tabalingile ukupalama mupepi, nangula abantu ukwisa nao.'' 3 Mose alile nokuyaeba abantu amashiwi yantu Yahweh amwebele nefipope. Abantu bonse baasswike neshiwi limo nokutila, ''Tukinokucita fyonse fintu Yahweh alandile.'' 4 Elo Mose alembele amashiwi yonse ayakwa Yahweh. Ulucelo, Mose akulile icipailo mbali yalupili nokutantika ifyaimikwa ikumi nafibili, pakwebati amabwe yakeminineko imikowa ikuminaibili iya mu Israeli. 5 Atumine abalumendo ukufuma pakati kabantu ba mu Israeli kukupela icabupe cakoca nelambo necabupe camutende icang'ombe kuli Yahweh. 6 Mose abulile umulopa pakati nokubika mufibeseni; akanine uyu mulopa umbi pacipailo. 7 Abulile ibuku lyacipangano nokulibelenga mukubilikisha kubantu. Batile, ''Tulinokucita conse cintu Yahweh alandile. Tulinokubela.'' 8 Elo Mose abulile umulopa nokukana pabantu. Atile, ''Uyu emulopa wacipangano cintu Yahweh angile namwebo pakumipela ububulayo naya mashiwi yonse.'' 9 Elo Mose,Aaron, Abihu, namakumi cinelubali abakalamba bamubantu ba Israeli baille kulupili. 10 Bamwene Lesa wa kwa Israeli. Pnshi yamakasa yakwe pali apakambatikwa icapangilwa kumabwe ya safiri, ngumulu wine kukulengama. 11 Lesa tabikilepo ukuboko pantungulushi sha kwa Israeli. Balimwene Lesa, balilile nokunwa. 12 Yahweh atile kuli Mose, ''Isa kuli nebo palupili nokwikala pano. Ndekupela ifipapatu fyamabwe namufunde nefipope fintu nalemba, pakwebati winga basambilisha.'' Elo 13 Mose aimine nakafwa wakwe Yoshua nokuya kulupili kuli Lesa. 14 Mose tile ku bakalamba, ''Ikalenipano nokulolela tubwele kuli mwebo. Aarone na Hur bali namwebo. Uuli onse ngakwata umulando, lekeni akaye kuli bena.'' 15 Eico Mose aile kulupili, nekumbi lyalimufimbile. 16 Ubukata bwa kwa Lesa bwaikele palupili lwa Sinai, nekumbi lyabufimbile panshiku mutanda. Pabushiku bwalenga cinelubali aitile kuli Mose ukufuma mwikumbi. 17 Ukumoneka kwabukata bwakwa Yahweh bwali kwati mulilo uonaula pamulu lwalupili mumenso yabena Israeli. 18 Mose aingile mwikumbi nokuya kulupili. Ali palupili panshiku amakumi yane ubwaila nobwaca.