1 Ilyo Yesu aikile panshi ukufuma ku lupili, ibumba ilikalamba lyali mukonkele. 2 Moneni, uwa fibashi aishile kuli ena noku kontama kuli ena, nokusosa, "Shikulu, nga imwe mwatemwa, kuti mwa lenga ine ukusangululwa." 3 Yesu alitambalike ukuboko kwakwe elyo amwikata, asosa, "nintemwa. Sangululwa." Apopene alisanguluka ku fibashi fyakwe. 4 Yesu atile kuli ena, "Mona ukuti wisosa nangu cimo ku muntu uuli onse. Kabiye mu nshila yobe, kailange kuli ba shimapepo, kabili utule ica bupe ico Mose akonkomeshe, pantu bunte kuli bena." 5 Ilyo aleisa mu Kapenamu, umukalamba wa bashilika aishile kuli ena, ukumupapata, 6 kabili alesosa, "Shikulu umubomfi wandi nalala mu nganda ali no bulebe ale kalipwa icibi." 7 Elyo Yesu atile kuli ena, "Ndeisa no kumuposha." 8 Umukalamba wa bashilika alyaswike, elyo atile, "Shikulu nshilingile ukuti mwingile mu mutenge wa nganda yandi. Sosenifye icebo elyo umubomfi wandi alapola. 9 Pantu naine ndi muntu uwa bikwa ne nsambu, elyo nalikwata abashilika abanakila. Nsosa kuli uyu, 'Kabiye,'kabili alaya , kabili na kuli umbi, 'Isa,' kabili aisa, kabili ku mubomfi wandi, 'Cita ici,' kabili acita." 10 Ilyo Yesu aumfwile ifi calimupapwishe elyo atile na kuli abo abalemukonka, "icine nde sosa kuli iwe, nshatala nsanga uuli onse uwa cicetekelo ca musango uyu mu Israeli. 11 Nde mweba, abengi ba kafuma ku kabanga elyo na ku masamba, no ku kuwama kwitebulo pamo na Abrahamu, Isaki, na Yakobo, mu bufumu bwa mumulu. 12 Lelo abana baume ba bufumu baka tamfiwa no kwingila mu mfimfi, uko ukukaba ukulila no kusumanya ameno." 13 Yesu atile ku mukalamba waba shilika, "Kabiye! Ico nausumina, cili nokucitikila iwe." Kabili umubomfi ali poshiwe pali kalya kene kashita. 14 Ilyo Yesu aishile mu nganda yakwa Petelo, amwene na fyala wakwa Petelo nalambalala ku bu lwele bwa mpepo. 15 Yesu aikete ukuboko kwakwe, ne mpepo kuli ena yapwa. Elyo alimine atampile noku batangata. 16 Ilyo cungulo caishile, abantu baletele kuli Yesu abengi abaiketwe ne ngulu. Alifumishemo imipashi ku cebo no kuposha bonse abalwele. 17 Ici cali ca kufikilisha icasosele Esaya kasesema, ukutila, "Alisendele ukunakuka kwesu kabili na malwele yesu. 18 Nomba ilyo Yesu amwene ibumba na limushinguluka, ali ba pele amakambisho ukufumapo ukuya kulubali lumbi ulwa Bemba wa Galili. 19 Elyo kalemba aishile kuli ena nokutila, "Kafundisha, ndi no kukukonka konse uko uleya." 20 Yesu atile kuli ena, "Ba Mumbwe balikwata amendo, elyo ne fyuni fyamulwelele fyaba ne finsa, lelo Umwana wa Muntu ta kwata apa kubika umutwe." 21 Na umbi pa basambi atile kuli ena, "Shikulu nsuminisheni pakubala nje shiika tata." 22 Lelo Yesu atile kuli ena, "Nkonka, nokusha abafwa ba shike abafwa babo." 23 Ilyo Yesu aingile mubwato, abasambi bakwe bali mukonkele mulya. 24 Moneni, kulya kwaima ici mwela icikalamba pali bemba, no bwato bwalifimbwa na mabimbi. Lelo Yesu ali nalala. 25 Nabasambi baishile kuli ena noku mu busha, nokusosa, "Tupusushe. Shikulu; twalaloba!" 26 Yesu atile kuli bena, "Cinshi imwe muletina, mwe ba citetekelo cinono?" Elyo abukile no kukalipila umwela na bemba. Elyo kwali ukutalala uku kalamba. 27 Abaume bali sungwike no kutila, ''Bushe muntu wa musango shani uyu, uwakuti no mwela na bemba filemunakila?" 28 Ilyo Yesu aishile ku lubali lumbi ku calo caku Gadara, abaume babili abaiketwe ku ngulu bali mukumenye. Balefuma mu nshinshi elyo bali aba maka icakuti takwali aba kupita kulya. 29 Moneni, balilisha no kutila, "Cinshi twakucita iwe, we Mwana wakwa Lesa? Bushe wishile kuno uku tulungulusha apo inshita tailaisa?" 30 Nomba umukuni uwingi uwa nkumba wali kulya ulelya, tawali ukutali sana ukufuma kuli bena. 31 Ingulu shakonkenyepo uku mu papatila Yesu nokusosa, "Nga watufumya, tutume kulya mu mukuni wa nkumba. 32 "Yesu atile kuli shena, "Kabiyeni!" Ingulu shali fumine no kuya mu nkumba; kabili moneni, onse umukuni wa butukile panshi ya mu kunkuluko wa lupili no kuya wila muli bemba nokufwila mumenshi. 33 Abo abalekumba inkumba bali butwike no kuya mu musumba no kulanda fyonse, nokucilisha kufyacitike ku baume abali ne ngulu. 34 Moneni, umusumba onse walishile muku kumanya Yesu. Ilyo bamumwene, bali mupapatila ukufuma mu citungu cabo.