¹ Yahweh alandile kuli Mose na Aaron. Atile ati, ² ''Penda abaume abamubufyashi bwakwa Koati ukufuma mubena Levi, ukukonka mumikowa elo nendupwa, ³ Mupende abaume bonse abakwete imyaka ukutampila pa makumi yatatu ukufika kubakwete amakumi yasano. Abaume bafwile ukuilunda kwibumba lyaba kubombela mwitenti lya kukumaninamo. ⁴ Abanganda yakwa Koati bafwile ukusakamana ukusunga ifipe fya mushilo nganshi mwitenti lya kukumaninamo. ⁵ Uluntu mwaipekanya ukusela ukufuma pa nkambi ukuya kuntanshi, Aaron nabana bakwe abaume bafwile ukuya mwitenti, bafwile ukufumya icisalu icalikulekanya incende iyashilisha nganshi ku ncende yamushilo elo nokufimba kumbokoshi yabunte. ⁶ Bafwile ukufimba imbokoshi ne cipimfya ca mpapa iyabune iyatelela. Bafwile ukufimbapo insalu iya bulu. Elo bafwile ukupekanya ne fimuti fya kupingilako imbokoshi. ⁷ Bafwile ukwanshika insalu ya bulu patebulo lya mukate waku cinso. Apo epo bafwile ukubika amabeseni, supuni, imbakuli, elo ne mitondo yakwitililako amenshi. Imikate taifwile ukubulwapo pe tebulo. ⁸ Bafwile ukufimbapi pali ifi fyonse insalu yakukashika elo nokufimbapo nacimbi icampapa iyatelela ubune. Bafwile bapakanya nefimuti fyakupingilako. ⁹ Bafwile ukusenda insalu ya bulu elo nokufimba pa fyakutekapo ama lampi, pamo pene namalampi, ifya kushimishako nangu ukusesha ulubuuto, imbale yakusendelapo ifipe, elo nafyonse ifya kusungilamo amafuta ya mu malampi. ¹⁰ Bafwile ukubika ifya kutekapo ama lampi elo nafyonse ifipe mucakufimbapo ica mpapa iyabune nokutelela, elo bafwile ukubika pa ca kusendelapo. ¹¹ bafwile ukufimbapo insalu ya bulu pa bulambo bwa golide. Bafwile ukufimbapo ne mpapa yakufimbapo iya bune no kutelela elo nokupekanya ifimuti ifya ifya kupingilako. ¹² Bafwile ukusenda fyonse ifibombelo fya mulimo wa muncende ya mushilo elo no kufimbako insalu ya bulu. ¹³ Bafwile ukufimba ifyo ne mpapa iya bune no kutelela elo no ifibombelo apa kusendela. Bafwile ukufumya imitoyi pa bulambo elo no nokufimbapo pa bulambo insalu iya kukashika. ¹⁴ Bafwile ukubika apa kusendela fyonse ifibombelo ifyo babomfya ku mulimo wakubulambo. Ifi fipe fya kubomfya mukubikapo umulilo, ifyakutonkwelako, ama fosholo, ifya kusambilapo elo na fimbi ifipe fya kubulambo. Bafwile ukufimbapo impapa iya bune no kutelela elo nokubika apa apakusendela ¹⁵ Uluntu Aaron na bana baume bakwe ulo bapwile ukufimba incende ya mushilo ne fipe fya kubulamba , elo nelyo kwaba ukusela ukufuma pa nkambi ukuya ku ntanshi, eluntu ab lupwa lwakwa Koati bafwile ukwisa no kwisa senda ifya mu ncende ya mushilo. Ngabaikata ku fipe fya mushilo, bafwile ukufwa. Uyu mulimo waba mulupwa lwakwa Koati, ukusenda ifipe mwi tenti lya ku kumaninamo. ¹⁶ Elieazar umwana mwaume wakwa Aaroni shimapepo ewakwangalila amafuta ya mumalaiti, ifya cena cinunka ubune, umutuulo uwabunga uwa cila bushiku, elo namata ya busubo. Afwile ukwangalila no kusunga fyonse ifya mwi tempale, incende ya mushilo elo ne fipe mulya mwine.'' ¹⁷ Yahweh alandile kuli Mose na Aaron. Alandile ati, ¹⁸ ''Tekwesha ukufumya umutundu wa bena Koati mu bena Lebi. ¹⁹ Eico ufwile ukucita ici kulibo epakuti bengekala elo no kanafwa, uluntu bakumanya ifintu ify shilisha: Aaron nabana baume bakwe bafwile ukwingilamo, elo no kupela cila mwaume umulimo elo nefyo alinokubomba. ²⁰ Lelo abena Koati tabafwile ukwingilamo no kubona pa ncende ya mushilo, nangulafye ni pakashita akanono, ngabacita ico bafwile ukufwa.'' ²¹ Yahweh alandile kabili kuli Mose. Alandile ati, ²² ''Penda abalupwa lwakwa Geshoni nabena, ukukonka na mundupwa elo na mu mikowa yabo. Penda abo abali ne myaka amakumi yatatu ukufika ku myaka amakumi yasano. ²³ Penda abo bonse abali no kuilundako kwibumba lwa bakalabombela mwi tenti lya ku kumaninamo. ²⁴ Uyu mulimo wa mukowa wabena Geshoni, uluntu bakobomba elo nelo bakopiita. ²⁵ Bafwile ukupiita insalu sha mwi tempele, itenti lya ku kumaninamo, ifyakufimbapo, ica kufimba ica mpapa yabune iya kutelela, elo ne nsalu yapa mwenshi we tenti lya ku kumaninamo. ²⁶ Bafwile ukupiita insalu sha mulubansa, insalu yapa mwinshi uwakwingila ku mwinshi wa lubansa, ulo ululi mupepi na tempele elo kabili mupepi no bulambo, imyando ya fiko, elo na fyonse ifibombelo fya pa mulimo wabo. Ifili fyonse ififwile ukucitwa na ifi fintu, bafwilefye baficita. ²⁷ Aaron nabana baume bakwe bafwile ukulondolola fyonse ifya mibombele ku balupwa lwakwa Gershoni, muli fyonse ifyo bakula piita, elo na mu mulimo wabo onse. Uli nokubeba fyonse ifyo bali no kulabomba. ²⁸ Uyu emulimo uwa mukowa wa balupwa lwakwa Gershoni kwi tenti lya ku kumaninamo. Itama umwana mwaume wakwa Aaron shimapepo afwile ukubatungulula mu mulimo wabo. ²⁹ Ufwile ukupenda aba mulupwa lwakwa Merari, elo no kuba konkomesha ukukonka na mundupwa shabo, ³⁰ ukutampa pa ba myaka amakumi yatatu ukufika ku ba myaka amakumi yasano. Upende onse uuli no kuya ilunda kwi bumba elo no kubomba umulimo wa mwi tenti lya ku kumaninamo. ³¹ Uyu mulimo wabo elo uwakubomba monse mu mulimo we tenti lya ku kumaninamo. Bafwile ukusunga bwino ifya kwimikilako itempele , ifya kupindika pa mulu, ifya kwimika, elo nefipunda ifya kwimikamo, ³² pamopenefye nefya kushimpa ifya mulubansa we tenti ukushinguluka itenti, nefya kushimpamo, ifya kukobekamo, elo ne ntambo, pamopenefye na fyonse ifya kubomfya . Ufwile ukubatantikila cila umo mu mashina yabo ifyo bali no kupiita. ³³ Uyu emulimo wa mukowa wabena Merari, efyo bali no kulacita mwi tenti lya ku kumaninamo, Itama umwana mwaume wakwa Aaron shimapepo eukalabangalila.'' ^{34 35} Mose na Aaron elo ne ntungulushi sha lukuta balipendele aba mulupwa lwakwa Koati ukukonka nemikowa ya fikolwe mu ndupwa shabo. Balipendele ukutampila pa ba myaka amakumi yatatu ukufika pa myaka amakumi yasano. Bapendele onse uwali no kuilunda kwi bumba lya kubombela mwi tenti lya ku kumaninamo. ³⁶ Bapendele abaume 2,750 ukukonka ne mikowa yabo. ³⁷ Ifi efyali ukutantama kwa mikowa yabena Koati abali kubombela mwi tenti lya kukumaninamo. Mose na Aaron babapendele ukukonka nefyo Yahweh apele icipope ukupitila muli Mose. ³⁸ Abamulupwa lwakwa Gershoni balipendelwe mu mikowa yabo, ukukonka ne ndupwa shafikolwe fyabo, ³⁹ ukutampa pa myaka amakumi yatatu ukufika ku ba myaka amakumi yasano, uyo onse uwali nokuilunda kwi bumba ku kubomba umulimo wa mwi tenti lya ku kumaninamo. ⁴⁰ Bonse abaume abapendelwe mukukonka ne mikowa ya ndupwa shafikolwe fyabo, bali impendwa 2,630. ⁴¹ Mose elo na Aaroni ba pendele imikowa ya bufyashi bwakwa Gershoni abali nokulabombela mwitenti lya ku kumaninamo. Mukacita ifi, bali kumfwila ifyo Yahweh abakonkomeshe ukupitila muli Mose. ⁴² Abamulupwa lawbena Merari bali pendelwe mumikowa yabo ukukonka nendupwa shafikolwe fyabo, ⁴³ ukutampa pa myaka amakumi yatatu ukufika pamyaka amakumi yasano, naonse uwali nokuilunda kwibumba lyakubomba mwitenti lyakukumaninamo. ⁴⁴ Abaume bonse abapendelwe mumikowa yabo elo namundupwa shafikolwe fyabo bali ipendwa 3,200. ⁴⁵ If efyali ukutantama kwa mukowa wa lupwa lwakwa Merari, abo Mose na Aaron bapendele mu kukonka nefyo Yahweh abakonkomeshe ukupitila mu kuboko kwakwa Mose. ⁴⁶ Eico Mose, Aaron, elo ne ntungulushi shabena Israeli bapendele bonse abamulupwa lwabena Lebi ukukonka nendupwa shafikolwe fyabo ⁴⁷ ukutampa pabamyaka amakumi yatatu ukufika kubamyaka amakumi yasano. Bapendele naonse uwali nokubomba umulimo mwitempele, elo nabakupiita elo, nokunsankanyamo ifipe fya mwitenti lyakukumaninamo. ⁴⁸ Bapendele abaume 8,580. ⁴⁹ Kufyo Yahweh akonkomeshe, Mose apendele cila mwaume, mukukonka nakufyo cila umo alikubomba umulimo untu apelwe ukubomba. Apendele cila mwaume mufyo alikubomba. Namukucita ici, balikunakila kufyo Yahweh abakonkomeshe ukubomba ukupitila muli Mose.