¹ Nomba iyi emfyalo ya bana bakwa Aaroni na Mose uluntu Yaweh aishile kulanda na Mose pa lupili lwa Sinai. ² Amashina ya bana baume bakwa Aaroni ni Nadabu ibeli, elo na A bihu, Eleaza, elo na Itama. ³ Aya emashina ya bana baume bakwa Aaroni, bashimapepo aba subilwe elo abapelwe ku kubomba nga bushimapepo. ⁴ Lelo Nadab na Abihu balifwilile kucinso cakwa Yaweh uluntu bena batulile kuliye umulilo uutasumunishiwe mu matololo ya Sinai. Nadab elo na Abihu tabakwetepo abana, kanshi Eleaza na Itama ebali kubomba nga bashimapepo pamo na Aaroni wishibo, ⁵ Yaweh aishile kulanda kuli Mose. Ena alandile ati, ⁶ ''Palamika umukowa Lebi nokubapela bena kuli Aaroni shimapepo pakuti bena balekumwafwa ena. ⁷ Bena bafwile ukubomba imilimo pe punda lyakwa Aaroni elo nolukuta lonse mwitenti lyakukumaninamo. Bena bafwile ukubombela mwitenti. Bafwile ⁸ balekubaka ifipe fyonse ifya mwitenti lya kukumaninamo, elo bafwile ukulakwafwa imikowa yakwa Israeli kukubomba imilimo mwitenti. ⁹ Ufwile ukupela abena Lebi kuli Aaroni na bana bakwe abaume. Bena balipelwafye onse ku kwafwa ena ukubombela abantu bakwa Israeli. ¹⁰ Ufwile umusonte Aaroni na bana bakwe abaume ba shimapepo, nomba umweni uyo uwaisa mupepi afwile akepaiwe.'' ¹¹ Yaweh aishile kulanda kuli Mose. Ena alandile ati, ¹² ''Bona, nebo ndibulilepo abena Lebi ukufuma mukati ka bantu bakwa Israeli. Nebi ndicitile ici mucifulo cakubula cile beli lyonse ilyaume ilyafyalwa mu bantu bakwa Israeli. Abena Lebi bandi. ¹³ Amabeli yonse yandi. Pa bushiku ubo nebo njipeyemo amabel ne mwine amabeli yonse mu Israeli, yonse aya muntu naya nama. Yonse yandi. Nebo nine Yaweh.'' ¹⁴ Yaweh aishile kulanda kuli Mose mu matololo aya Sinai. Ena alandile ati, ¹⁵ ''Penda abana bakwa Lebi mundupwa shabo mu mikowa yabo. Penda umwaume onse uwa mwenshi umo no kucila.'' ¹⁶ Mose alibapendele, ukulingana ne shiwi lyakwa Yaweh, ifyo ena bamukonkomeshe ukucita. ¹⁷ Amashina ya bana baume bakwa Lebi ni Geshoni, Kohati, elo na Merari. ¹⁸ Imikowa ya fumine mu bana baume bakwa Geshoni bali ni Libini elo na Shimei. ¹⁹ Imikowa ya fumine mu bana baume bakwa Kohati bali ni Amramu, Izhar, Hebroni, na Uzziel. ²⁰ Imikowa ya fumine mu bana baume bakwa Merari bali ni Mali na Mushi. Ishi emikowa sha bena Lebi, isha lembelwe umukowa no mukowa. ²¹ I mikowa ya bena Libini elo na bena Shimeite ya fumine muli Geshoni. Ishi emikowa sha bena Geshoni. ²² Abaume bonse aba mwenshi umo no kucilapo bali pendelwe, bonse pamo bali 7,500. ²³ Imikowa yakwa Gosheni bafwile bakekalile ku masamba lubali lwe tenti lya kukumaninamo. ²⁴ Eliasafi umwana mwaume wakwa Laele ewali kutungulula imikowa ya ndupwa sha bena Geshoni. ²⁵ Ulupwa lwakwa Geshoni bafwile ukubaka itenti lya kukumaninamo ukubikapofye ne tenti lya mushilo. Bafwile bena ukubaka itenti, ne cakufimbapo caciko, elo ne cakucinga icibomfiwa pa mwinshi we teinti lya kukumaninamo. ²⁶ Bafwile ukubaka insalu sha lubansa, ne cakucinga pa mwinshi wa lubansa-- ulubansa ulo ulwa shinguluka icikulwa ca mushilo elo no bulambo. Bafwile ukubaka imyando ye tenti lya kukumaninamo elo na fyonse ifili muli cena. ²⁷ Iyi mikowa ya fuma muli Kohati: Umukowa wa bena Amuramu, umukowa wa bena Isirahiya, umuowa wa bena Heburoni, elo no mukowa wa bena Usieli. Iyi mikowa ya fuma ku bena Kohati. ²⁸ 8,600 abaume ebapendelwe ukutula pawa mwenshi umo no kucilapo ku kubaka ifipe fyapelwe kuli Yaweh. ²⁹ Imikowa ya bena Kohati bafwile ukwikala ku kapinda ka kukulyo ake tenti lya mushilo. ³⁰ Eliasafani umwana mwaume wakwa Usiele ewali kutungulula imkowa yakwa Kohati. ³¹ Bena bafwile ukubaka imbokoshi ya cipao itebulo, ne cakutekapo inyali, nobulambo, ne fipe fya mushilo ifyo babomfya mu milimo yabo, icakucingilila, elo ne milimo yonse iishingulwike cena. ³² Eleaza umwana mwaume wakwa Aaroni shimapepo ewali kutungulula abaume abo abali ktungulula abena Lebi. Ena ewali ku bona baume abali kubaka umuputule wa mushilo. ³³ Imikowa ibili ya fumine muli Merari: Umukowa wa bena Maali elo no mukowa wa bena Mushi. Iyi mikowa ya fumine muli Merari. ³⁴ Abaume 6,200 ebapendelwe aba mwenshi umo nokucilapo. ³⁵ Suriele umwana mwaume wakwa Abihaili ewali kutungulula imikowa ya bena Merari. Bena bafwile ukwikala ku kapinda ka kukuso lubali lwe tenti lya mushilo. ³⁶ Abana bakwa Merari ebali kubaka amafulemu ye tent lya mushilo, ne mpanda, nefya kwimakwa, na mashinte ya ciko, ne fipe fyonse, elo ne milimo yonse iipalene kuli bo, ukubikapofye ³⁷ ne cishintililo ne fya kwimikwa fya mulubansa ukushinguluka itenti lya mushilo, na mashinte yafikom ne mpopo elo ne myando. ³⁸ Mose na Aaroni elo na bana bakwe abaume bafwile ukwikala lubali ku kabanga kwi tenti lya mushilo, ku ntanshi ye tenti lya kukumaninamo, ukulola ukutulila akasuba. Bena abapelwe ukufikilisha umulimo wamu muputule wa mushilo elo ne milimo iya bantu bakwa Israeli. Umweni onse uwapalamina ku muputule wa mushilo afwile akapelwe ku kufwa. ³⁹ Mose na Aaroni balipendele abaume bonse mu mikowa yakwa Lebi abali no mwenshi umo nokucilapo, ukulingana nefyo Yaweh abakonkomeshe. Bena balibapendele abaume amakana amakumi na yabili. ⁴⁰ Yaweh aishile kulanda kuli Mose ati, ''Penda bonse abana baume amabeli yaba mubantu bakwa Israeli abali no mwenshi umo nokucilapo. Lemba na mashina yabo. ⁴¹ Webo ufwile umbulile abena Lebi-- nebo nine Yaweh-- mucigulo ca mabeli yonse ya bantu bakwa Israeli, elone fitekwa fya bena Lebi mucifulo ca mabeli yafitekwa fya bakwa Israeli.'' ⁴² Mose alipendele ama beli yonse ya bant bakwa Israeli ifyo amukonkomeshe ena ukucita. ⁴³ Ena alibapendele amabeli Yonse ayaume pe shina, abali no mwenshi umo nokucilapo. Ena apendele abaume 22,273. ⁴⁴ Nakabili, Yaweh aishile kulanda kuli Mose ati, ⁴⁵ ''Piita abena Lebi mu cifulo ca mabeli yonse mu kati ka bantu bakwa Israeli, elo piita ne fitekwa fya bena Lebi mu cifulo ca fitekwa fya bantu. Abena Lebi bandi-- nebo neni Yaweh. ⁴⁶ Webo ukolonganike amashekele ya sano pa kulubula cile beli 273 abantu bakwa Israeli abo bapula pa mpendwa ya bena Lebi. ⁴⁷ Webo ufwile ukubomfya ishekele lya mushilo ukulingsns nokufina kobe. Ne shekele limo lyali kulingana na magera amakumi yabili. ⁴⁸ Webo ufwile ukapele indalama shakulubwilapo isho webo wapele kuli Aaroni na bana bakwe abaume. ⁴⁹ Eico Mose akolonganike indalama sha kulubwila ukufuma ku lyabo aba pilile mu mpendwa ya abo balinokulubulwa ku bena Lebi. ⁵⁰ Mose akolonganike indalama ukufuma kuma beli ya bantu bakwa Israeli. Ena alikolonganikile amashekele 1,365, ukulingana no kufina kwe shekele lya mushilo. ⁵¹ Mose aishile kupela icilubulo ca ndalama kuli Aaroni na ku bana bakwe abaume. Mose alicitile fyonse ifyo ena aebelwe ukucita kwi shiwi lyakwa Yaweh, ifyo Yaweh amukonkomeshe.