¹ Mumwaka wakulenga bubili bwakwa Darius imfumu, mu mwenshi walenga mutanda, ubushiku ubwatanshi mu mwenshi, ishiwi lyakwa Yahweh lyaishile mukuboko kwakwa Haggainkasesema waba cilolo bamu Yuda, Serubbabel umwana mwaume wakwa Shealtiel, nakuli shimapepo mukalamba Joshua umwana mwaume wakwa Jozadak, wasosele, ² ''Yahweh wamabumba wasosefi: Aba abantu basosefi ifi, 'Tayali ni nshita yesu iyaisa nangu ukukula inganda yakwa Yahweh.'''' ³ Kabili ishiwi lyakwa Yahweh lyaishile mukuboko kwakwa Haggai kasesema, wasosele, ⁴ ''Bushe ninshita yakuti imwe mwikale mu mayanda yenu ayashapwa, ilyo inganda iyi yalyonaika? ⁵ Eco nomba Yahweh wamabumba wasosefi fi: Tontonkanyeni pamibele yenu! ⁶ Mwalitanda imbuto ishingi lelo mulesombola ishinono, mulalya lelo tamwikuta, mulanwa lelo ukwabula ukukolwa. Mulafwala lelo takuba nangu umo uumfwa ukukaba, kabili mulabombela amalipilo muyabombela ku kuyabika mu fyola fyatulika. ⁷ Yahweh wamabumba wasosefi: Tontonkanyeni pamibele yenu! ⁸ Kabiyeni pa mulu wa mpili, mukuleta imbao, kabili mukule inganda yandi; pakuti ntemwe, kabili cindamikwe- efyasosa Yahweh.'' ⁹ ''Mwalefwaya ifingi, lelo mwasangile ifinono!- mwaletele utunono ku nganda, naine naputapo! Ninshi?'' Efyasosa Yahweh wamabumba. ''Pamulandu wakuti inganda yandi yalyonaika, mukuti cila muntu abikile amano ku nganda yakwe. ¹⁰ Pamulandu waifi imyulu wamitana umume waiko, n e sonde lyamitana ifitwalo. ¹¹ Kabili natile icilala nacise pe sonde napa mpili, napa ngano napa myangashi ipya, napa mafuta napaco isonde lyamesha, napa muntunse napanama, napali conse icakucucutika kwa maboko yenu!'' ¹² Elo Zerubbabel umwana mwaume wakwa Shealtiel, na shimapepo mukalamba Joshua umwana umwaume wakwa Jozadaki,na banutu bonse abasheleko balakutika , kukubaka ishiwi lyakwa Yahweh Lesa wabo namashiwi yakwa Haggai kasesema, ayo Lesa wabo amutumine kabili na bantu batinine icinso cakwa Yahweh. ¹³ Elo Haggai inkombe yakwa Yahweh, wasosesle amashiwi yakwa Yahweh ku bantu nokusosa, ''Ine ndi naimwe!- ifi efyasosa Yahweh!'' ¹⁴ Eco Yahweh aimishe umupashi wakwa cilolo wamu Yuda, Serubbabel umwana mwaume wakwa Shealtiel, kabili no mupashi wakwa shimapepo mukalamba Yoshua umwana mwaume wakwa Yozadaki, na bonse abashelepo pa bantu mukuti balibwelele mukubomba ku nganda yakwa Yahweh wamabumba, Lesa wabo ¹⁵ mubushiku bwalenga amakumi ya bili mu mwenshi wakulenga mutanda mu mwaka wakonkelepo uwa mfumu Darius.