¹ Mu mwenshi wa cinelubali pa bushiku bwalenga amakumi yabili na bumo ubwa mwenshi, ishiwi lyakwa Yahweh lyaishile mukuboko kwakwa Haggai kasesema, wasosele, ² Landa kuli cilolo wamu Juda, Serubbabel umwana mwaume wakwa Shealtiel, na kuli shimapepo mukalamba Joshua umwana mwaume wakwa Yozadaki, na bantu bonse abashelepo. Ati, ³ Ninani pali imwe mwe bashalapo uwamwene iyi nganda mubukata bwaiko? Muleimona shani pali nomba? Tailemonekafye kwati tapali mu menso yenu? ⁴ Nomba, mube abakosa, Serubbabel!- ifi efyasosa Yahweh- kabili mube abakosa, shimapepo mukalamba Joshua umwana mwaume wakwa Jozadaki; kabili koseni, imwe bonse mweba pacalo!- ifi efyasosa Yahweh- kabili bombeni, pantu ndi naimwe!- ifi efyo Yahweh wamabumba wasosa. ⁵ Ifi efyo napangene naimwe libe tamulafuma mu cako ca Egypti, kabili no mupashi waiminine pali imwe. mwitina! ⁶ Pantu Yahweh wamabumba wasosefi, kuli inshita imo na kabili nkatekanya imyulu napanwe sonde, ba bemba na pamilundu uyauma! ⁷ Nkatenkanya imisumba yonse, kabili nemisumba yonse ikaleta ifintu fyabo ifisuma kuli ine, kabili ndi nokwisushamo ubukata mu mayanda yabo, efyasosa Yahweh wamabumba. ⁸ Pantu silver na gold fyandi!- ifi efyasosa yahweh wamabumba. ⁹ Ubukata bwa iyi nganda ikakonkapo bukakula ukuila ubwa nganda ya ntashi, efyasosa Yahweh wamabumba, kabili kapela umutende pali iyi ncende!- ifi efyasosa Yahweh wamabumba.'' ¹⁰ Mu bushiku bwa makumi yabili na cine, mu mwaka wabubili ubwa kwa Darius, ishiwi lyakwa Yahweh lyaishile pali Haggai kasesema, ilyaleti, ¹¹ ''Yahweh wamabumba wasosefi: Ipusheni bashimapepo pamulandu wamafunde, no kusosa, ¹² Nga cakuti umuntunse asenda umunofu wamusilo mu cisapa ica ca kufwala cakwe, kabili icisepe cakwe cakumya umukate, nangu icaipikwa, nangu umwangashi, nangu amafuta, nangu umusango onse uwacakulya, bushe cikaba icamushilo?'''' Bakasesema bayasukile kabili nokusosa, ''Awe.'' ¹³ Elo Haggai wasosele, ''Nga cakuti umuntu uwakowela pa mulandu wa mfwa waikata icili conse pali ifi fintu, bushe baisa kuba abakukowela?'' Bashimapepo bayasukile nokusosa ifi, ''Ee, akaba uwakowela.'' ¹⁴ Elo Haggai wayasukile nokusosa ifi, ''Eco cili kuli abo bantu nakuli iyi imisumba panuma yaine!- ifi efyasosa Yahweh- kabili efyaba ne milimo yonse iya mu minwe yabo. Fyonse ifyo batula kuli ine fyakukowela! ¹⁵ Eco nomba, tontonkanyeni mu mano yenu pali ifyo ifyakale ukutula pali buno bushiku. Panuma tapali ilibwe ilyabikilwe pelibwe linankwe munganda yanda yakwa Yahweh, ¹⁶ ukufuma ilyo ifi fintu fyalecitika? Ilyo aishile mwina wa fipimino amakumi yabili, kabili kwailfye ikumi limo; ilyo mwaishile mucakukaminamo ukuti atapuleni ifipimino amakumi yasano ifyapimwa kwalifye amakumi yabili. ¹⁷ Nalimupimine pamo ne milimo yonse iya mu minwe yenu ku kukutana kwa mabula, lelo mucili tamulepilibukila kuli ine- ifi efyasosa Yahweh wamabumba. ¹⁸ Tontonkanyeni pali buno bushiku no kuya ku ntanshi, ukufuma pa bushiku bwa makumi yabili na cine pa bushiku bwamu mwenshi walenga pabula, pabushiku bulya umufola wa nganda yakwa Yahweh waimbilwe. Tontonkanyeni pali ici! ¹⁹ Bushe mucili imbuto mubutala? Kabili umwangashi, no mukunyu, kabili nemi pomegranate, nemiti yami olife tafitwala! Lelo ukufuma pali buno bushiku nkalamupala!'' ²⁰ Kabili ishiwi lyakwa Yahweh lyaishile umuku wacibili kuli Haggai pa bushiku bwalenga amakumi yabili na cine ubushiku bwa mu mwenshi nokusosa, ²¹ ''Sosa kumulashi wa mu Juda, Serubbabel, kabili nokusosa, 'Ndi nokusunkanya imyulu napanwe sonde. ²² Kabili nkawisha ifipuna fyama bufumu kabili nkonaula ukukosa kwama bu mfumu mu misumba! Kabili nkawisha amaceleta nabanininepo; bakabalwe nabanininepo ndi nikubaponya panshi, cila umo pamulandu walupanga lwaba ndume. ²³ Pali ubo bushiku- ifi efyo Yahweh wamabumba wasosa- Nkamusenda imwe, Serubbabel umwana mwaume wakwa Shealtiel, nga umubomfi wandi- ifi efyaosa Yahweh. Kabili kakubika ukuba ininda minwe, panti niwe nasala1- ifi efyasosa Yahweh wamabumba!''''