¹ Ule bebushako uku lekunakila bakateka elo naba mu buteko, bali no kule kubomfwila, uku iteyanya ukubomba imilimo yonse iya bune, ² tabali no kulekwamba nangu umo, nangu kulekufwaya ukulwa, elo uku lekuba aba mutembo, uku lekulanga umucinshi kuli bonse. ³ Pantu na fwebo bene pa nshita imo twali ifi welewele elo aba talikumfwila. Twali ptiilwelwe ne calo elo twalitekelwe mubusha no lunkumbwa lubi naku fya ku sansamusha ifyakulekana lekana. Twaikele mu kulufyanya elo no lupato. Bambi nga batupata nafwe bene twali kubapata. ⁴ Lelo uluntu uluse lwakwa Lesa Kalubula wesu elo ne citemwiko cakwe pa bantu fya sokolokele, ⁵ tali milimo yesu iya bune eya tupuswishe, lelo nikuluse fye lwakwe atu puswishe fwebo, nimu kufyalwa cipya cipya elo namu kusambwa na Mupashi wa Mushilo, ⁶ uyo uo Lesa aitulwililile pali fwebo ukupila muli Yesu Kristu, ⁷ epa kweba ati pa cikuuku cakwe, tubone ukuba aba kaele pa cinso cakwe elo no kushukila umweo wape uo tusubila. ⁸ Aya amashiwi ya kankala. Nebo nkofwaya ukweba ati ule kutwalilila uku lekukonkomesha pali ifi fintu, epa kweba ati bo bonse abasumina muli Lesa bale kusakamana ukulekucita imilimo ya bune. Ifi fintu fya bune elo fya kwafwa bonse. ⁹ Lelo ulekutaluka ku fikansa ifya bungwa elo nefya pamashina ya fikolwe elo ukupumana elo no kulwila pa mafunde yakwa Musa. Ifi fintu fya cabecabe fye elo tafibomba nangu fimo. ¹⁰ Ule kumusula umuntu onse uukoleta ukulekana pa kati kenu, panuma yaku mukoselesha umuku umo nangu imiku ibili pafyo akocita, ¹¹ pantu ninshi ulishibile ukuti uyu muntu alifumine mu kucita ifintu ifi lungeme elo akocita amasambi elo ako isuminisha umwine eka ati alalufyanya. ¹² Uluntu nkatuma Atemasi nangu Tukiko kuli webo, ukangufyanye elo elo nokwias kuli nebo ku Nikopoli, uko eko nsalile ukwikala mu nshita ya mupepo. ¹³ Weshe na maka yobe yonse ukwafwilisha ukutuma Sena uwasambilila amafunde elo na Apolo, ukashininkishe ukweba ati tababuliishe nangu kamo. ¹⁴ Abantu besu bali lingile ukusambilila ukulekuibimba mu milimo iya bune iyo iya kwafwilishako aba kokabila kangu kangu, eico wila kuba uutatwala ifisabo. ¹⁵ Bonse abo tuli nabo kuno bako kuposha. Uposhe bonse abatutemwa pa mulandu wa cisumino. Icikuuku cakwa Lesa cilekuba nenu bonse.