¹ Iseni nomba, mwe bakankala, lileni no kulosha pa bulanda bukoisa pali mwebo. ² Ifyuma fyenu filibolele, ne fya kufwala fyenu fili nge fyaliwa ku bubenshi. ³ Golide yenu na silfere ilikwete indalawa ne ndalawa shine eshikeminina bakambone kuli mwebo. Shikonaula imibili yenu kubati mulilo. Mwalisunga ifyuma fyenu mu nshiku sha kulekelesha. ⁴ Lolesheni, amalipilo ayo mutapele ababomfi abalikubomba mu mabala yenu yakolilila kuli mwebo. Ukulila kwaba kasombola kulifikile mu matwi yakwa Shikulu wa milalo. ⁵ Mwalikala mubucindami pe sonde no kuiposaika mwebene. Mwalitumika imitima yenu pa bushiku bwa kwipaiwa. ⁶ Mwalifyenga no kwipaya umuntu umulungami. Lelo takokansana na mwebo. ⁷ Kanshi, tekeni imitima, mwe bamunyinane, mpaka ukwisa kwakwa Shikulu. Moneni ifyo umulimi alolela ifisabo ifisuma ukufuma ku mushili no kuteka umutima pa kufilolela, mpaka fyapokelela imfula ya kubalilapo ne ya kulekelesha. ⁸ Namwebo, bene, tekeni imitima. Kosheni imitima yenu pantu ukwisa kwakwa Shikulu kuli paleme. ⁹ Mwilekuilishanya, mwe bamunyinane, pali cila umo no munankwe, pakwebati mwikasekwa. Moneni, kapingula aliminine pa mwinshi. ¹⁰ Buleni ici cilangulilo, mwe bamunyinane, ukufuma ku kucula no kutekanya kwa bakasesema, abo abalikulanda mwishina lyakwa Shikulu. ¹¹ Moneni, tupenda abo abashipikishe ukuba abakupalwa. Mwalyumfwa ukushipikisha kwakwa Yobo, kabili mwalishiba ubuyo bwakwa Shikulu, ifyo aba uwa nkumbu no luse. ¹² Ukucila pali ici, mwe bamunyinane, mwilekulapa, cibe ni pa myulu nangu pe sonde, nangu pa mulapo umbi. Lelo, lekeni "Ee" yenu ibe "Ee" kabili "Iyoo" yenu ibe ''Iyoo,'' pakwebati mwiponena mubupingushi. ¹³ Bushe kuli umo pali mwebo uukopita mu macushi? Lekeni apepe. ¹⁴ Bushe kuli uuli ne nsansa? Lekeni embe isha malumbo. Bushe pali umulwele pali mwebo? Lekeni akute abakalamba ba lukuta, kabili ba mupepele. Lekeni bamusube amafuta mwishina lyakwa Shikulu. ¹⁵ Ipepo lya cicetekelo likaposha umulwele, na Shikulu akamwimya. Nga cakwebati alibembwike, Lesa ali no kumwelela. ¹⁶ Eco yebeleleni imembu shenu kuli cila umo no munankwe no kuipepela pakwebati muposhiwe. Ipepo lya muntu umulungami lyaliba na maka mu mibombele ya liko. ¹⁷ Eliya ali muntu fye kubabi ni fwebo. Alipepele no mukosha ukwebati imfula iloka, ne mfuma tayatalile ailoka pa myaka itatu ne myenshi mutanda. ¹⁸ Nolu Eliya alipepele nakabili. Umyulu yalilokeshe imfula, ne sonde lyalitwele ifisabo fyaliko. ¹⁹ Mwe bamunyinane, umfwa umo pali mwebo afuma ku cine, kabili umo amubwesha, ²⁰ uyo muntu afwile ukwishiba ukwebati onse uwaalula umubembu ukufuma mu nshila ya bubifi akamupususha ukufuma kumfwa no kufimba pa membu ishingi sana.