¹ Henaga naga agove saufa koguna inagi saufa mopa, hogote koguna'e lokaeno mopa'e hano hutegeno inagi hage ani ena mago'e ohane. ² Naga agove asene kuma Jerusalem-mu, God-ti-a maya huno a kanagana huno talotala hute saufa vega mariti husiyafe, God-ti-a koguna teti alino atalegeno elime. ³ Naga ago afinove lokia lugo ke egena kini-mo siyafati inagi mage hiye maya huno, "Afiga alagepa huvo! Falagi kuma'a God-ti-a apaga vealave aipi haneniye maya huno inagi aga apagai'e lokaeno maigiye. Apaga agai vealave maiga'e inagi aga apagai'e lokaeno maigiye inagi aga apagai God-ti hamale gaiye. ⁴ Aga muki apaulaga fati anina alino atalegaiye apaga inagi apaga alu'e ofaliga'e inagi afifi ya omale gaiye , aviya omale gaiye, kali ya omale gaiye inagi muki atafa ya-a hano hugiye. ⁵ Mani vega la-a kini si yale faimaini vegamo'a mage hiye, "Afiyo! Naga muki ya-a talo hugeno afole aiye saufa ya agege." Inagi aga napaiye naga, "kao mani ke, aga lamake ke inagi henaga aga eno afole hugiye. ⁶ Inagi aga napaiye naga alu'e maya huno, mani muki ya-amo'a afole huniye! Naga aepa faitena muki ya-a aleti afole ai inagi naga afa maiguve muki yamo'a hano husi yataga. La-a ve-o o ano anife aganetesi yana naga amiguve aga mani keli laefi ani haneni. Mani anina naga afa-a apamuve nesayafe. ⁷ Lagi apaga vealave lokiya wai-a maine'a inagi la ae'a agasesa. apaga muki mani ya-a aliga'e. Naga apagai God-ti maiguve inagi apaga nagai mafane anaga maiga'e. ⁸ Inagi lagi apaga apamoya neai alagepa kava husayafe, loki-a wai-a no maiye naga naiyaga waisa, ve he'a kine apata'e, muki kumai kava-age neha'e, muki poisini yage neha'e, kapalo god-ti tege mono neafiye inagi kapalo ke hapane paiye muki ve, apaga mani agufa vealave ua haiga'e ala atamo kumapi salfa yafate. Mani mona aga henaga fali yane." ⁹ Mago apimo 7ni-a agelo-mo nagaite e lokaeno 7ni-a uyapa havaiteni lokaeno havi ya'e inagi mage hiye maya huno, "Male eno inagi naga kaveliguve ka-a mariti husana, aga mafane sipsipi afule mariti hugiye. ¹⁰ Inagi aga navale naga Avamumo aguafinaga uno analaga haiye ala agoyale inagi naga naveliye ala asene kuma aga Jerusalem God-ti-a koguna teti alino atalegeno elime. ¹¹ God-ti hale ya-amo'a elime koguna tagati mani ala kumapi Jerusalem inagi ata le kanimo'a maya huno juwil alagepa yafa kanagana inagi mago'e afole aino hale maya huno jaspa yafa kanagana eno afole aitale'e. ¹² Aga ala kegiya vego haneniye inagi 12fu'a kipa haneniye aga. 12fu'a agelo mogi magoke magoke kipate hetina'e inagi mani kipatena apaga 12fu'a nofi mafane Isreli vaya aipati ago apagi kae maelena'e. ¹³ Apaga ago 3'a kipa talo humale-na'e mopamo 4'a aupilaga. 3'a kipana yagemo'a eno afole neai aupilaga, 3'a kipana yagemo'a lamino nefale aupilaga, 3'a kipana noti aupilaga'e inagi 3'a kipana sauti aupilaga mani kegiya vego mona. ¹⁴ Ala kumamo kegiya vegofina 12fu'a ala yafa haneniye maya huno mani kegiya-mo aepafi. Mani yafamo agotofule-na apaga ago kae maelena'e 12fu'a aposoli ve-ai apagi saufa mafane-mo sipsipi afule. ¹⁵ Vega la-a nagai'e lokaeno kege nehusi yana, aga kayo atufa huliniye maki aesi yafe muki yate apaga ago goli yafateti talo humalena mani kegiya-mo alagena husiyafe lokaeno muki kipa mani ala kum-mo. ¹⁶ Mani ala kuma hetini yana 4'a aupilaga atupa atupa, muki aupilaga'a magoke kava huno aepale. Yatala aupilaga gi lokaeno aupa aupilaga gi magoke kava huno haneniye. Aga lekanapai maleniye mani ala kuma-mo yatala aupilaga'a inagi aga maya hiye 2,200 ti'a afafa'e. Yatala aupilaga, aupa aupilaga inagi yatala aupilaga uno hainiye, muki amo'a magoke kava huniye. ¹⁷ Aga ayo ae maleniye mani kegiya vego -mo lokiya'a inagi aga maya huno afole aiye 66 si-a yatala'a. Mago vegamo'a aga lekanapai malenisi kana, agelo-mo ena aiyaga newaiye ve-mogi haya huno. ¹⁸ Mani kegiya vego mago jaspa yafateti humalena'e, kala-amo'a aga yosaita huteno inagi ala kumane apaga humalena goli yafateti, aga maya huniye age'a hanela glasi kanagana. ¹⁹ Mani kegiya vego-mo lokia yosa'a, apaga ago humalena'e keoge muki yafa aeno agaseni. Hogote yafana apaga agi ae jaspa yafane hua, naba 2 yafana apaga agi ae salfa yafane, naba 3 yafana apaga agi ae akata hua inagi naba 4 yafana apaga agi ae emerali ye hua. ²⁰ Inagi naba 5fu yafana apaga agi ae onikisi hua, naba 6si yafana apaga agi ae kanalian hua, naba 7ni yafana apaga agi ae krisolait , naba 8ti yafana apaga agi ae beril, naba 9ni yafana apaga agi topas siye hua, naba 10ni yafana apaga agi ae krisopras siye hua, naba 11ni yafana apaga agi ae sasint ta'e hua inagi naba 12fu yafana apaga agi ae ametist tiye hua. ²¹ Apaga humalena'e 12fu'a ala kipana 12fu'a seli leti. Mago kipana, apaga humalena'e magoke magoke seli leti. muki aise kana haino faleni mani kumapi, apaga humalena'e goli yafateti lokae'a inagi aga maya huniye glasi kanagana. ²² Inagi mono no agove ala kuma-pi mani kegiya vego-mo aguafinaga higena naga agove ala God-tina muki lokia haneni lokaeno saufa mafane sipsipi afu'e ago maina'e maya huna mono nopi. ²³ Mani ala kuma-mo'a kani-a omaleniye, nayafene apaga hale ya-api alina'e God-ti-a apamini apaga inagi saufa mafane-mo sipsipi afu maya huno lamu kani. ²⁴ Muki velave mogi ue'a uga'e ala kani-te mani ala kuma-pi, inagi apaga mopafi kini mogi apaga muki alagepa ya-a-api aliga'e apaga egaiye mani aupilagati. ²⁵ Mani ala kuma-mo kipamo'a muki kanale yagi male gaiye inagi aga haniya omale gaiye. ²⁶ Muki vealave mogi muki alagepa ya-a aliga'e inagi muki yo yagona ugiye aguafinaga ala kumapi. ²⁷ Inagi aga ha-ao mago vega ala kuma-mo aguafinaga uno ohaigiye havi kava'e lokaeno inagi kapalo ke ena, higeno apaga nofi apaga apagi hanenisi laefi alisa vuku-fi, apagai ato apiege aguafinaga haiga'e.