¹ Inagi naga agogeno mago agelo koguna tagati elime. Aga atafa huliniye mani ayo omale kelimo ki'a inagi ala seni nofi aga ayapine. ² Aga atafa hiye mani havi sata, mani kosuna sata, agi-a aga havi vega o sata ae, inagi kalavusi hute aga uno 1000 ni-a kafu husi yafe. ³ Mani agelo-mo'a yagau talegeno aga aguafinaga viye ayo omale kelifi aga inagi mani keli aino aganiye. Aga maya hiye mani sata-te mopa vealave alino apagu-apagesa alino haviya osusiye uno kana 1,000 ni-a kafu hano hutesigeno. Henaga alu'e, apaga ali-a aga atalega'e aise kana to-ale fri husi yafe. ⁴ Henaga alu'e, naga agove apaga ve God-ti-a lokiya apamini ago apaga vealave ali-a fago husa, faimaini muki kini siyale. Naga agove mago ena apaga vealave apame'a apaga ago muki apagenopa hataga huna. Aga apaga mani vealave lagi apaga ago aliya alina Yesu-na hua halena inagi God-ti-a lamake ke'a. Apaga mani afela kafale mono oafina o kapalo god-ti aga ameale. Inagi apaga ohapaiye alagena ya alisa yafe apaga apagenopale o apaga apayate. Apaga alu'e hetiye kelifati, inagi Yesu'e lokae'a maiga'e. Inagi mani mopa ali-a yagaiga'e uno 1,000 ni-a kafufi. ⁵ Apaga alu vealave ago fali tena'e, laefi alu'e oaliga'e ani 1,000 ni-a hafu uno hano hutesigeno. Mani mona hogote'a hetisa mone apaga. ⁶ Lagi ago Mesi-a Yesu'e lokae'a mainesa mani hogote kanamo aguafinaga alu'e hetisa yana apaga alagepu'a maiga'e inagi ea asene huga'e. Nayafene, mani henaga fali yamo'a loki-a omaleniye apaga apagotofule. Apaga God-ti prisi hamale ga'e inagi Mesia te'e inagi apaga agai-e lokae'a maiga'e uno 1,000 ni-a kafu-afi. ⁷ 1,000 ni-a kafu uno hano hutesigeno, God-ti-a satana alino atalegaiye aga kalavusi afati. ⁸ Aga uno malaga hugiye apaguapagesa alino haviya hugefe apaga hailaga vealave mani mopa-mo 4-a aupilaga, aga alino atalu hugiye muki ve mago kumate gog gigi inagi magog gigi la husayafe God-ti apametiti vealave'e lokae'a. Naba apimo'a apaga magoke kava huniye maya huno ani haigile waesani kanagana huno. ⁹ Apaga uga'e mopa muki aupilaga inagi kuma ali-a kegiya vego hupatega'e apaga apametiti vealave Jerusalem-mu, God-ti ala kumate, aga tusi yate nehai haigeno atamo'a koguna teti elime inagi apale apaga manive. ¹⁰ God-ti-a mani havi vega alino yaga autale gaiye la-a apaga God-ti vealave kapalo ya alino apaya nehusi, ugiye ata kumamo'a ata nele lokaeno saifa yafa'e, mani aupilaga apaga yaga auta'e afela kafa'e lokae'a kapalo aune vega'e. Apaga aliga'e havi kana tafa kotisi tagagi inagi hani ailaga kana'e kana'e. ¹¹ Henaga naga agove mago ala yaveyave kini-mo si-a, mago vega la-a agaite faimaini. Mopa-gi inagi koguna nagi anaune ha'e aga kuma-aleti, higeno kuma-api omale apaga falagi saya. ¹² Naga agove apaga vealave ago falina, apaga apagi haneni vegi inagi apaga apagi ohaneni apaga mani vegamo augosale hetiye kini siyale faimaini inagi mago-mo'a muki vuku alino yagiye. Inagi aga alino yagiye alu mago vuku ena. Mani vuku aga laefi alisa mone. God-ti-a alino fago hiye apaga falina ve apaga muki havi kava-api ago hute'a inagi maina muki vuku-mo aguafinaga. ¹³ Muki vaya lagi apaga fali te'a inagi ani hagemo aguafinaga maina, laefi'e hetiga'e inagi lagi apaga falite'a inagi mopa-mo aguainaga mainesa ena hetiga'e. Inagi apagi mani fali ve God-ti koti-le hetiga'e. Aga alino fago hugiye apaga na-agufa kava apaga ago hunesa. ¹⁴ Aga alino yaga aupatale apaga mani ve apametiti osuna inagi muki vaya kineapata kuma ala atamo aguafinaga viye. Mani mona aga henaga fali yane. ¹⁵ Inagi mago-mo agi ohaneni siyamo mani laefi alisa vuku-fi, agelo-mo'a aga alino yaga autegaiye ala atamo aguainaga ugiye.