¹ Naga Joni-na ala lakena 'ya kokuna tega afole ai'ya agowe. Mago amo'a yake kukena huli niye ina kai'moa aiyafi haneniye ina 12-fua kanefi sauwe kinimo kakoli tale akeno pale haneniye. ² Ani amo'a aipa ene, ina aga lokiya keya a'eno aviya hiye, nayafene aga mafane alite kefe akufa akafu kiye. ³ Inagi aga mago lakena'ya afole aiye kokuna tega, Afiyo! Aga mogo ala haesa sata, 7-venia akeno pa'e ina 10-nia ave'e ina 7-venia sauwe kikimo kakolita anaga akeno pale haneniye. ⁴ Ina aiko yamo'a tole'e mago'e paiti mago kanefi kokuna tega wulimi hiye ina alino yaga aikeno mopafi emi'e. Ani satamo'a ani amo aula kale hetiye ina hae'no nekesiye ani amo mafane ali ne ate si keno aemo. ⁵ Ina neneve mafane alite, aga mago neneve mafane la'a ma mopafi muki ve-ane yagai pate kaiye aeni hayopa leti, makalea God-ti' awale ani amo mafane aga sauwe siale akai a'e mai kiye. ⁶ Ina akano aune heno viye waya omai'na kote. God-tia mogo kuma alino ako hete ani 'a' 1,260-tia kana yakaite kaiye. ⁷ Meni kaveta kokunate afole aiye. Maikeli'e ina aga akelo waya a'e sata'e kaveta hae. Sata'e apaga akelo waya ae anona'a kaveta hapae. ⁸ Inaya hiyanagi aga sata'a kaveta husa lokiya'a omale. Inaya hikeno ina aga mago kokuna tege maisi nokuma ya'a omale akelo anaga a'e. ⁹ Ani ala satamo aga akeyavi naga mainiye aga aki'a sata ae, la'a aga muki ve-ane aikofe huno hapa ne paiye, God-tia kokuna teti hafai keno ma mopafi emi eniye akelo waya a'e. ¹⁰ Inagi , naga mago keya ke kokuna tegati afu'e,''Meni God-tia lokiya aleti ago ve-ane'a apawale, ina aga God-ti timo no kuma yagai kiye. Meni kristo'a ve-ane aite yagaisi lokiya'a hane. Nayafene, God-tia alino atale ago emi eniye kokana timoki aikofe ke huno ne'apateya vega, aga ani vega la'a feluga hani inaga God-tina aikofe ke hune ate. ¹¹ Apaga apametiti ve-ane mogi sipisipi mafanemo kola teti sata-na ali;a apaiyafi ata'e ina lokiya alakepa apaki apawa keleti, nayafene apagai api hapake osa'e fali ya efe. ¹² Inaya yafe lapaga kokunate mainaya anaga'a amuse hiyo. Inaya hiyanagi lapaga mopafi mainaya lapa kaite lau'yae kanaya'e afole aikiye ina hake ani te'e, Nayafene aga sata'a ago lapa kaite emi eniye. Agaipi ala haiya hane, nayafene aga afino'a haleno a'emo aga aise kanato 'a'a hane. ¹³ Aga sata'a akeno'a haleno ae'mo God-tia alino'a atale kenoa kokuna teti ma mopafi emi 'e', aga ani 'a' aiyaka waiye aga la'a neneve mafane aliteni. ¹⁴ Inaya hiyanagi aga God-tia ani akano hakikimo alopa tole haku amiye, aga halelino God-tia alino nonaga huteni aupaliga waya omaina kote mai kiye. Ani kote God-ita yakaite tole'e mako'e kafumo'a 6-kisia kaifi aga satamo teti maino afaki hiye. ¹⁵ Ina sata-moa awaya fiti'a mumali tale keno ala ani kanakana hunoa walino viye, inaya hike noa ina aga hano ae'mo ala ani henoa ani akano awalelino usiye huno ae. ¹⁶ Inaya hiyanagi mopa moa awaya aka hiye ina sata-a ani ne mopamoa awaya fiti mu walitale keno 'e' ani ina ani 'a' hae'mae. ¹⁷ Inagi sata-moa lusia hai waiye mani akano-we ina uno ani amo anaka'e kaveta akina komo kie alino afole aikefe, aga laki God-ti kasa ke aiyaga newaiya ina Jesu lama ke atafau'a alaki huna. ¹⁸ Inaki sata'a hake animo haiki leka hetiye.