¹ Apaga mago yatala alevenota namiye, aga mago yate malea akeneka agufa kayone ina apaga napaiye,''Hetiga ina God-ti yakame no malega ago ina efu'e ina lekana paiyo namaki'a ve-ane mainafi agu piniga ² Inaya hiyanagi kaga malega'a o'ago God-ti yakame no-mo malaga'a ani ha'opa kuma'a ago alu ve-ane apami na'e. Apaga ani ala tauni-fi apaiya aga'e 42-kaimo folakapi maino fatago huno. ³ Naga tole nawaya ke vegala lokiya anami kuwe, apaga hapau kukena huka'e,ina e'a God-ti apaune ke 1,260- tia kanamo folakapi huka a'e.'' ⁴ Tole olivi yosala ina tole kayo alamu kani Alamo aukosa awayale hetiniya mugi mopa haopa ale, aga ani tole awaya ke vegala lekana painiye. ⁵ Figu mago wayamogi apakesa afi aemo alita haviya huna tekaune hu aemo mani tole nawaya ke vekala, ata anawaya fiti eno kame waya ani ata apale kaiye. Mago wayamogi anaga alita haviya huna tekaune hua tole nawaya ke vegalamo apakesa ne afisa momo, inani katetike hea kipate ka'ae. ⁶ Ani tole nawaya ke vegala mokani lokiya ani haneniye kokune'fe ko o'aino humalene ana ina apaune ke hua hama huka a'e. Apaga lokiya api haneniye ali'a animo'a kola alino hamale sia ina mugi hao'pa finaga mopa alino haviya husa ya ao'te ao'te havi kalimo'a hapau nesi kanale. ⁷ Anaga apau'ne ke hu'a hama huma leta akeno'a, mago afela kafa ayo'a omale keli fiti'a hai 'e' aga kaveta ya anagai'e alino afole ai'kefe. Ina aga heno kinete gaiye ina aga kaveta huno apakase. ⁸ Anakufu'a vigaloti kapi hawa'eno hane gaiye ala tauni'fi, apaga ala apimo'a malipi yosale falini kumete. Apaga Sodomu'e ina Isipi'ene hua nehae awame ke. ⁹ Muki ve-ane aipiti mago a'api,apake fiti, nono waya mogi anagufa'a anake ka'e tole'e mago'e atupa kana'fi. Inaya hugiya nagi apaga kanolufi anagufa'a kipatesa yafe ha'ao hupa teka'e. ¹⁰ Apaga lagi anaga ve-ane mugi ha'opa lega mopafi ma'aua afi a'emo ago tole awaya vegala-na fali'ae, apaga amuse kase hua neya ina ani nekae, naya fene anaga ani apaune vega lamokani mamo pafi ve-ane apakufa apakafu ya apamina'e. ¹¹ Inaya hiyanagi tole'e mago'e ina atupa kana'a, mago God-ti tegati aulaga akesa haimu 'e' tole vegala anipi hai sike ana anaga anai yale hetiga a'e. Ina apa ala koli yamoa apata fau kiye apaga lagi mani tole awaya ve-gala anake nesa waya aite. ¹³ Mani omale a'epa, mago ala imima alikiye,ina mago 10-nia afiti makoke haopa tauni asakauno aikiye. Mani imima moa 7-tauseni'a ve-ane heno kipate kaiye, ina maiya ve-ane amogi ala apamoya aiye ina apaga ala aki kokuna tega God-tina amiye, ¹⁴ Tole kanale ala kanaya'e laipa lau'ya ino hano hiye. Afiyo! Tole'e mago'e kanale ala kanaya'e laipa lauya'e aga makale'a ekaiye. ¹⁵ Ina henaka'a 7-veni Akelo vekamo'a febula'a fu hiye ,ina ala keya kokuna tegati 'e' ina make hiye,''Mamo pafi no mai yana ago 'e' ina ala timo kristo no kuma awamete.Aga sauwe kini maige maige huno maigiye. ¹⁶ Apaga 24 akenopa waya apaga God-ti efu si'ale akai'e maiye, apaga apaleya fai'a ina apau kosa God-ti aulakale atala keno lamiye ina apaga apaleya fai'a akaite mono afiye. ¹⁷ Apaga make hae,'' laga ke amuse keti kakai tega huna keno viye, Aga mugi lokiya a'e God-ti a'e, aga la'a alufina maini ina meni'e, nayafene kaka ago ala lokiyaga aline ina kaga mugi ve-ane yakai patesa sauwe kini maine. ¹⁸ Mugi ha'opa lega ve-ane mogi apaga ala hapai waiye , inaya hiyanagi God-tia, kaga ago alika'a alo ala hane kaiya naveli kefe. Meni ago falina ve-ane kotile hetisa kanalene, ina meni aliya wayaga miya apamisa kanalene, ana apaune waya'e ina kakaiga kakimo aiyafi maina ve-ane ina kakai tega apametiti nahaya, ina apaga apaki omaleni anaga'e ina apagi haneni anaga'e. Kanaga awayu hiye mugi mopa ali'a haviya huna anaga aliga'a haviya hupatesa kanaga.'' ¹⁹ Ina henaga'a, kokuna tega God-ti yakame no haneniya no kita yakiye ina kasake wokisi'a yakame no afi akekae. Ina kanimo'a aeno haleno kokuna kumatega uneno hiye, hiyamo akemo'a hakalu hiye, mopamo imima aliye ina ala komopa ko awayu hiye.